اهلين بالجميع *
كيفكم ؟
ما راح اطول عليكم وراح ادخل فالموضوع الي اريد اخذ رايكم فيه ، والي بصراحة اشوفه منتشر وااايد وخاصة فالمواد الاختيارية واللفلات *

الموضوع يخص الطالبات بالدرجة الاولى ، يخص بانيات عمان *
يعني لما يقول دكتور حج طالبه قومي شرحي عرض ، تحصلها تقوم وتجلس تتكلم بصوت يا دوب الي جالس فالسطر الاول يسمعه ، ومن غير انها كل فترة تجلس تخاسي ذاك اللحاف ، وتشحط فيه ، وحالتها حالها ، وكأنها داخله حرب اكتوبر ، ما كأنها جالسه تقدم عرض ، وازيدكم ان بعض الدكاتره يغلط ويفتح المجال للطالبات انهن يقدمن بعض العروض البسيطه وهن واقفات في مكانهن وما يخرجن الى الامام والحجه انهن يستحن ، بصراحة انا هذه الحركة ما تعجبني ، وعلى فكره هذه ما تصير بس فالعروض ، حتى لما دكتور يقول لطالبه قومي جاوبي تحصلها تتكلم بصوت خفيف وما مفهوم وحالتها حاله ، يعني الحين هذه الطالبه الي ما قادره تواجه عدد بسيط من الطلبه والي هم زملائها واخوانها ، كيف راح تدخل سوق العمل وتبدع فيه،وتساعد في بناء عمان ، ولا واحد يقولي ان صوت المراءة عورة لان الطالبه ما جالسه تغني ولا غيره ، جالسه تتعلم ، وللاسف في النهاية نحصل الدكاتره يوقفوا في صف الطالبه ويعفوها عن وااايد امور بحجة انها تستحي من الطلبه ، وبصراحة انا شايف هالشي غير عادل ، يعني حجة ان الطالبه تستحي نقوم نعفيها من امور ما نعفي اخوها الطالب منها ، وهذه الحركة منتشرة في المقررات الاختيارية واللفلات *

انا هذه وجهة نظري ، ما اعرف شو وجهة نظركم للموضوع **