إعـــــــلان

**MoRo Al Riyami** · 30-08-2004, 02:12 AM

السلام عليكم...اول شي مشكورة على الموضوع الحلو...
وتريدي الصراحة انا الفصل الماضي جبت اف في البري بس كان شعوري عاااااااادي خخخ لالا الصراحة هو ما كان عادي لأني اول مرة فحياتي ارسب فمادة بس ما كنت زعلان واجد لأني كنت عارف اني بجيب الاف لإني بصراحة ما كنت مهتم بالمادة واجد...
اما بالنسبة لو كنت مذاكر اوكى وتعبان في المادة كنت فعلا بزعل واحزن واضرب غم واقول كيـــــف كيـــف ارسب فيها؟؟؟

وبس..

وشكرا مرة ثانية على الموضوع الحلو..

**2000** · 30-08-2004, 02:38 AM

السلام عليكم
بحريينه
ههه والله ذكرتيني باول مادشيت الجامعه
يالله كانت الاف عندي عادي كل يوم وحده ههه
خاصه هذي ماده البري والفيزك
بس كان شعور لايوصف ههه
الله يبعدنا عنها
الحمد لله افتكيت منها ولا اريد اذكرها ابد

**عبدالعزيز** · 30-08-2004, 03:05 AM

اذا كنت مذاكر وسهران الليالي وما في شي ما سويته عشان الاختبار واخر شي اف
بصراحة بموت قهر

لكن اذا ما مهتم وما مذاكر وجبت اف عادي :D
ولا ما كذاك 2000؟

**سكــ بحرينـــيه ــر زيادة** · 30-08-2004, 12:22 PM

مرحبا اخوي * الريامـــMoRoـي * ...........

ما شاء الله اشوف لحد الحين حضور مشرف للشباب :D

شنو نفهم منها ؟؟ ان البنات ما يرسبون الصبيان عادي ما يدرسون اوكي؟ :p

هلا وغلا اخوي * الريامـــMoRoـي * منور والله

صح كلامك والله

يعني اذا ما درست لها عندك عادي ترسب والا اذا شفت الاف تتحسف وتقول جان زييين راجعت

جان زين درست ، المفروض ما اهملها هاذي اخرة الاهمال ، شنو استفدت الحين؟؟

نبي الصراحة انزين لان مجرد انك ما درست لها عذر اقبح من ذنب على ال f

والا شرايك يالطيب

مشكور على التواصل

واقدر لك التواجد

ســـلمـــت

سكــ بحرينـــيه ــر زيادة

**سكــ بحرينـــيه ــر زيادة** · 30-08-2004, 12:28 PM

ولكمووووووووو * 2000 * .........

كالعاده

رد حلو وظريف وخفيف

وضحكة تزين الموضوع :D

تضحك على شنو يمه على الخيبة؟؟

f هاذي يا 2000 f

بس شكلك متعود عليها

اشوفك ماخذ الامور ببساطة

اي حبوب انساها احنا بعد مانبيك تتذكرها اوكي

بالتوفيق اخوي

وان شاء الله من حسن الى احسن .......

ســـلمــت

سكــ بحرينـــيه ــر زيادة

**سكــ بحرينـــيه ــر زيادة** · 30-08-2004, 12:35 PM

يه يه يه شهالنور * عبدالعزيز * ؟

شوي شوي على راسك

حاسب الطوف

لا ينط لك عرج بس

لا تموت قهر حبوب ما بتشوفها ان شاء الله اذا تعبت ودرست

لان من جد وجد ومن زرع حصد

لكن اذا ما ذاكرت عادي؟؟ اشوفكم وايد تعيدون وتزيدون فيها

هاذي عذر يعني والله عفيه عليكم

واقول لك مثل ما قلت ل * الريامـــMoRoـي * قبلك

يعني اذا ما درست لها عندك عادي ترسب والا اذا شفت الاف تتحسف وتقول جان زييين راجعت

جان زين درست ، المفروض ما اهملها هاذي اخرة الاهمال ، شنو استفدت الحين؟؟

لازم تراجعون لا تهملون دراستكم

اصلا انتوا شوراكم غير الدراسة؟؟

مشكور عزوزنا على المشاركة

وتواجدك الحلو .......

ســـلمـــت

سكــ بحرينـــيه ــر زيادة

**أبو محمد** · 30-08-2004, 01:03 PM

شعور جميل اذا كنت استحقها ....

موضوع جميل اختي

**سكــ بحرينـــيه ــر زيادة** · 30-08-2004, 01:47 PM

الظاهر الحين دوري لا ؟ ...........

شاقول لكم؟؟ :s11:

والله وهقة

شهالورطة اللي طحت فيها

يبت F الكورس اللي طاف

تخيلوا منظرها في الترانسكربت بس كان وضعها كالتالي :

A
C+
F
B-
A-

بذمتكم تبط الجبد والا لا

بس تبون الصج واذا نبي نتكلم عن شعوري يوم يبتها

انا كنت اعرف اني برسب في هالمادة لان الدكتور ( ......... )

فهموا ال ( ......... ) مثل ما تحبون لكم الحرية حطوا اللي تبونه :D

بس صدقوني ما كان عندنا ولا طالب يفهم منه شي

اصلا كتابته على السبورة مب واضحة

كلامه ما ينفهم ماعرف شنو يقول ولا اسمعه حتى غير شكل يسولف

كنا في المحاضرة كل واحد يسأل الثاني وصلنا اي CHAPTER

والقهر ولا احد يدري

كنت راسبه في المنتصف بس درجات الاختبارات اوكي :D

وفي النهائي مادرست للنهائي بالمرة لان نتيجة المنتصف كسرت مياديفي مرة وحده

وبس دخلنا نقدم الامتحان نقعد في قاعة الامتحان طبعا بالسكاشن

10 دقايق وسكشنا كله طلع

كـــــــــــــــــــــــــــــلنا قدمنا الاوراق فاضية وطلعنا

وفي التقييم على الدكتور ما قصرنا فيه بعد

لكن والله ولا شي يايبينه من عندنا هو ما يصلح دكتور ولا مدرس حتى

فكنت متوقعة ال F ويوم شفتها ما افتكرت فيها

لكن الحين وانا اعيد المادة واشوفها هلون بسيطة وحالها من حال غيرها وربي اتحسر على اني اعيدها

واموت قهر على الوقت اللي ضاع عليها الكورس اللي طاف

والله لا يكتب ال F علي مرة ثانيه

آآآآآآآآآآآآآآآآمين

بانتظار المزيد من المشاركات

ســـلمـــتوا

سكــ بحرينـــيه ــر زيادة

**سكــ بحرينـــيه ــر زيادة** · 30-08-2004, 01:51 PM

الاخ الفاضل * راعي سمحه * ...........

شكرا على المرور

ســـلمـــت

سكــ بحرينـــيه ــر زيادة

**أبو محمد** · 30-08-2004, 01:53 PM

يا سبحان الله !!

بس ليش اختي ما حذفتيها .. يعني ما عندكم فترة الحذف W

بالتوفيق

راعي سمحه

**سكــ بحرينـــيه ــر زيادة** · 30-08-2004, 02:02 PM

هلا وغلا * راعي سمحه * ...........

عندنا شلون ما عندنا؟

لكن انا ما حسيت بالمأساة الا عقب امتحان المنتصف

قبل كنت اقول بحاول اعتمد على روحي ومن هالكلام

وطبعا لو قلت بلجأ لدروس خصوصية ما بقدر وقتي ما يسمح وبروحهم خمس مواد مب شوي من وين اييب وقت للدرس الخصوصي؟

وبعد امتحان المنتصف قلت للبنات خلاص بروح انسحب قالوا لي لا ما يحتااااااااي

حرام بيخترب ال gpa وبعد ان في مواد تخصصيه مطلوب لها هالمقرر كمتطلب سابق

يعني بتضرر لو ماكملتها فقلت اكمل على امل اني اقدر انقذ روحي من هالبلوة

لكن مافي امل ولا في فايدة

نزلت ال F مثل ما قلت لكم

ســــلمـــت

سكــ بحرينـــيه ــر زيادة

**رجل امن** · 30-08-2004, 04:42 PM

شعور بالاحباط طبعا ...خاصة اذا كنت ما تستحق هذه الدرجة ولكن هناك ظروف صعبة ارغمتك على هذه النتيجة .

**بحرينيه** · 30-08-2004, 07:16 PM

آنه حاشره ويهي مسويه مالت جامعه هههههههه

بس طول عمري في المدرسه ما رسبت ولا مره في شي ولا امتحان ولا اختبار ولا شي والحمد لله

فديتج اختي

اموت فيج

**سكــ بحرينـــيه ــر زيادة** · 30-08-2004, 11:57 PM

اخي المميز * رجل امن * .........

كلامك صحيح اخوي

ساعات وايد تكون في ظروف خارجية ترغم الطالب وتكتب عليه انه يحصل ال F

بس بعد الاحباط واليأس اللي يصيدنا ويخيم على الجو لازم نشد العزم

ونقرر اننا نعوض المرة الياية وانشاء الله انييب فيها درجة عالية بعد

لاننا قدها وقدود صح ؟

ومثل ما يقولون

لكل جواد كبوة

والشاطر اللي يتعلم من اغلاطه

اشكر لك تواجدك المبهج عزيزي * رجل امن *

وتأكد انني بانتظار قلمك الطيب دوما

لينشر روح الخير بين سطور مواضيعي

ســـلمـــت

سكــ بحرينـــيه ــر زيادة

إعـــــــلان

ماهو شعورك اذا شفت (( F )) في الترانسكربت ؟؟

ماهو شعورك اذا شفت (( F )) في الترانسكربت ؟؟

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق