السـلام عليكم .
ضمن فعاليات ملتقى الخليل للأدب ، تم اقامة امسيه شعريه للشـاعر القطري " حمدان المري " ، الآمسيه كانت رائعه ، استمتعنا بقصائده وانا كنت من زمان من المعجبين بشعره .. بعد الآمسيه اخذت قصائده ، ومن بينها هالقصيده الرائعه والي ما اتوقع نشرها .. واعذروني لو فيه اي غلط ، الشاعر كاتبها بخط يده .. وربما غلطت في شي دون قصد خلال كتابتها هنا.. آخليكم مع القصيده :

/
\

من ديرة المجد دار الشيخ إبن ثاني .. لديرة العز دار الوقفه الحيه
مري وديرة قطر اسمي وعنواني .. وعمان داري وجنسيتي خليجيه
لكني آحيان احس ان كني عماني .. لا قلت سيفين والخنجر عمانيه
في مسقط آكثر زملائي وصحباني .. ولي بين آهلها علاقات اجتماعيه
آولهم ابن المقيمي قبل ينساني .. وتذكره بي المواقع الإلكترونيه
اثر خميس المقيمي شخص عدواني .. مدري تعمد جفا والا على النيه
إن جيت لعمان واعدني ولاجاني .. وان جا قطر ماوصلني غير طاريه
وان قلت وين إنت قال الوقت عناني .. وعلومه البايته ماهي بـ مخفيه
درس في لندن ثلاث سنين وآذاني .. ويقول في انجلترا بعثه دراسيه
مايدري اني نشدت فلان وفلاني .. قالوا يلف المجمع بكل عصريه
يمر ويشوفنا ويصــد بالعاني .. ويروح ويكثر الروحـــــات والجيه
ماكنت احسبه جان لكنه طلع جاني .. له عام متزوج له بإنجليزيه
مدري وش الي بلاه الله لايبلانـــــي .. آريدها مسلمه ماهي يهوديه
من كثر ماجنن الشعب البريطاني .. ملبس نصهم خنجـــــر وطاقيه
عموما أمزح خميس اقرب من اخواني .. هذي حسب رغبته مشروع رديه
الله يوفقه ويغفر مزحة لساني .. ويعود دكتور في اعلام السياسيه
حرفت فالقاف والقيفان قيفاني .. والبدع بدعي ولا احد له علي شيه
قصيده قلتها من عدة ازماني .. واختار منها خمس ابيات منقيه
وشعب الخليج لخليج العز متفاني .. رغم الاجناس والآسوار والحدوديه
في عمان وانا اعتبرها بلادي الثاني .. الله يقوي العلاقات الثنائيه
دار غلاها مع دمي وشرياني .. علاقة بالوفـــــــا والود مبنيه
لكن حبها وراثه من ورث جداني .. يعني غلاها كذا حاجه إلاهيه
وانا قطري وافتخر بشيوخ آل ثاني .. لكن ابقول لي كلمه وعفويه
تدرون شكبر شرف فالآرض يخواني .. إنك عماني وجنسيتك عمانيه