تويت
السلام عليكم
حبيت أطرح موضوع بخصوص
عاملات النظافة العمانيات المسنات
اللي نشوفهن عند قاعات المحاضرات والعلوم والهندسه وبعض الكليات
أكيد البنات يشوفنهن قرب حمامات البنات (أكرمكم الله)
أول شي كل تقدير واحترام لهن
وموضوعي ابي اناقشه من ناحيتين
اولا بخصوص الغرف اللي نشوفهن ينامن فيها او اللي تسمى غرفة عامل النظافة
طبعا كلكم شايفين حالتها
غرفة ماتتجاوز مترين في مترين فمساحتها
وتتواجد داخل الحمام (أكرمكم الله) !!
وطبعا الغرفه خاليه من كل شي الا بعض انواع المنظفات وحاجات عاملة النظافة
يعني هالحال يرضي من بالله عليكم !
مو حرام حريم بهالعمر وهالضعف
ما يكون لهن مكان يرتاحن فيه غير هذا !!!!
وثانيا
انا فنظري انه حريم بهذا العمر الكبير مامفروض للحين يشتغلن وخاصة بوظيفه مثل هذه
يعني احتراما لسنهن (يعني أقل وحده فيهن أظن عمرها يتجاوز ال55 سنة)
يعني نحن لما نشوفهن يعز علينا نشوفهن حاملات الممسحه او شي من هالقبيل..
وأنا ما قصدي يقطعوا عليهم رزقهم لكن بطرق ثانيه يريحوهن
بتعويض او تقاعد او .. الخ
هذا عمل المسؤولين
ومن هنا حبيت اوجه نداء للمسؤلين
يشوفوا الحل المناسب لهالموضوع
انا من دشيت الجامعه والحال مو عاجبني ولا عاجب أحد بس ساكتين
بس اللي خلاني اكتب الموضوع اليوم
أني شفت موقف عاد ما قدرت اسكت
وحده من مدرسات اللانجوج سنتر دشت الحمام وقامت تنتقد نظافة الحمام وتقول هذا تقصير من العاملات وبعدين راحت تحاكيها بالأشاير بمعنى نظفي مره ثانيه
بصراحه صعب علي اشوف حد يأمر حرمة كبيرة فالسن
وفالاخير اسمحولي على الاطاله
بس حبيت أنقل وجهة نظري
الملفات المرفقة
تعليق