السلام عليكم

أولا: أشكركم على الدخول وأكيد ما بتخسرو شي لأنه المطلوب فقط رأيكم

***ويش رأيكم في تخصص السياحه؟

تخصص السياحة كان من ضمن التخصصات اللي كانت في بالي أيام الثانوية ، لكني غيرت الوجهة إلى البعثة .

***ماهي نظرة الجتمع للعمل في المجال السياحي خاصة (مجال الفندقه)؟؟

والله ما أعرف شو أقولك .. هنا يعتمد عاد ، خليك معاي في نقطة مهمة ، إذا كان الفندق فيه مراقص وخمور ... ترى ما نستبعد ان الرواتب تاخذ نصيب من هذي المحرمات ، وما أعرف إذا في فنادق خالية من هذي الأمور المحرمة .....
كثير من الناس ينظروا إلى العمل في الفندق كأنه ارتكاب محرم والعياذ يالله ،وطبعا في ناس عارفة وفاهمة ، لكن مثل ما قلت لك ما عليك من كلام الناس إذا كان الحلال هو طريقك .

وبخصوص السياحة بشكل عام : تراها من الأشياء اللي يحبها الشعب العماني وهذا معروف .

***هل هنالك مستقبل وظيفي كبير لخريج قسم السياحه -واللي عنده عارف من خريجين الدفعه الاولى من قسم السياحه وتوظفويخبرني-

أنا عندي واحد من الربع يدرس سياحة ... بس ما أعرف هل خلص ولا بعده ، لكن من خلال دراسته راح مصر عن طريق الجامعة .. أعتقد كانت دوره ، وانا كنت أسأله عن التخصص أيام الثانوية وهو يخبرني ان الشاغر موجود بحكم أن هناك نسبة كبيييييييية جدا من الوافدين اللي يعملوا في السياحة في عمان .

مثل اللي تشوفه هالأيام .. السلطنة تبذل جهود كبيرة في مجال السياحة ، كونها من الأمور الرئيسية .... وخذ فكرة عن المشاريع الضخمة اللي تسويها السلطنة مثل : مسروع الموج ، والمدينة الزرقاء وغيرهن ..... هذا أكيد يدل على أن مجال السياحة راح يكبر ويكبر . إن شاء الله تعالى .

***ما رأيك في السياحه بشكل عام في السلطنه وهل تمتلك المقومات السياحيه لتكون واجهة السائح المحلي والأقليمي والعالمي ؟؟؟