أهلين
بانتظار طلاب الزراعه والطلاب اللي عندهم خبره يفيدوك
بس اللي سمعته انه التخصص الفرعي الانسب للجيو هو الكمستري أو الفزكس

مراحب.....الكمستري يمكن فيه مواضيع متشابهه, بس الفيزيكس بعيد كل البعد عن تخصصنا يمكن ينفع طلاب الجيوفزكس...... أما السويل والواتر فهو في نطاق التخصص

أهل الزراعه .....وين ردودكم؟؟؟؟؟؟؟؟

اهلين،،اعتقد لازم موافقة رئيس القسم،،واطمئن،،رئيس القسم طيب ويساعد كثير دكتور سوداني دكتور حيدر ،،،

بالنسبة للدكتور سعيد الاسماعيلي،،الدكتور شرحه ممتاز ويفهمك كل صغيرة وكبيرة ويعتمد كثييييير على الفهم! الحفظ معه يساوي صفر،،يعني حاول تفهم،، امتحاناته جدا صعبة،،شد حيلك في الاختبارات(التستات والغويزات) وحاول تجيب درجات عالية عشان تضمن جريد محترم واذا ما عرفت ترتب امورك صعب تعوض لان الفاينل يكون قاتل ،،

انا درست 3 مواد من اللي ذكرتهن،،سويل فزكس،سويل كمستري،وتر اند سويل كونزرفيشن،،

سويل فزكس،، ممتعة المادة وتعتمد على الفهم،،كلها مسائل في التربة وحجم التربة وكيف تحسب الـ bulk density وووو،،مسائل وقوانين وربشة خخخ،،الحفظ قليل فيها،،الدكتور لا باس ! شرحه جيد،،ويعيد في الاسئلة،،

سويل كمستري،، متعلقة كثير في الكمستري لـ هالسبب كرهتها،،يدرسونا اشياء في الكمستري خخخخ ويربطوا الكمستري بالتربة، مثل المركبات العضوية ومشتقاتها،،هي اسهل من السويل فزكس،،واختبارات الدكتور سهلة ،،ذاكر الاوراق اللي يعطيكم اياها واموركم في السليم،،

وتر آند سويل كونزرفيشن،،درستها الفصل الماضي مع دكتور سعيد الاسماعيلي،،مادة جدا جدا ممتازة واااااجد مفيدة،،تتعلم اشياء عجيبة،،كيف يحدث تأكل التربة والماي الاسباب،المشاكل،الحلول،امثلة من الدول،،وايضا عن الرياح ومشاكلها وتاثيرها على التربة والماي وايش الحلول مع الامثلة،،والتلوث،،وفيها مسائل وحسابات كيف نحسب كمية التربة اللي نفقدها،،انصحك بهالمادة،،ومثل ما قلتلك شد حيلك مع الدكتور عشان تضمن جريد محترم لان الفاينل موت،، المادة تنزل في الربيع،،

امممممم سمحلي الشرح ما كافي خخخخ،، اذا تفيقت بعطيك رد غاوي وشرح مفصل للمواد الثلاث،،

مادة التصحر والمايكروبايلوجي ما درستهن ،،

موفق،،

أهلا العضوsilent wolf>>>>> ما قصرت البررر ....... بس بيني وبينك هل تنصحني أخذ ماينر من السويل وله تنصحني بتخصص فرعي ثاني مثل الواتر مثلا؟؟؟

???????

سايلنت مشرف رائع لا تحاتي أكيد بيرجع يرد ،، بس عاد يوم يرجع ..
بالتوفيق ..

عزيزي تخصص السويل الاقرب والافضل لتخصق الجيو ! وايضا الوتر لو انه شوي بعيد عنه ! كثير طلاب من قسمكم ياخذوا ماينر من عندنا ~
بس ما انصحك تاخذ الانترودكش مع الاسماعيلي رغم طيبته وشرحه الممتاز ولكن في الدرجات شوي مايعطي جريدات زينه وتساوي جهدك ~
بالنسبة كيف ممكن يقبلوك ..شوف نظام كليتك والشروط المطلوبة!

هذي المواد تحتاج جهد شوي.. مواد قسمك نسبيا اسهل عن مواد قسمنا

علشان تاخذ ماينر من السويل ما اعرف كيف الترتيبات..

بالنسبة للدكتور سعيد الاسماعيلي انا درست معاه اربع مواد ولو كان ينزل اكثر كنت خذيتتهم...

صح هو امتحناته سم قاتل.... لكن شرحه متميز جدا جدا...والحمدلله في الاربع مووواد حصلت ع الجريد طيب يكفي انه وحده منهن جبت أ..يعني اللي تبذله عنده بتحصله..


وهو يدرس الكونزفيشن والمايكروا بايلوجي... ابتعد عن المايكروا بايلوجي ما اعتقد انها راح تفيدك... مع انها ماده دسمخ جدا وفيها بروجكت يدوخ بالراس..
اما الكونزفيشن من اسهل مواد القسم...


السويل كمستري وايد سهلة ولابتها ممتعه ومفيده وشرح دكتور مالك ممتاز جدا... وطبعا مافيها نوت.. كله الشرح ع السبورة..

السويل فزكس... ماده حلوة.. وشوي فيها صعوبه... يمكن بسبب محاضرها... دكتور سالم ما وايد احب شرحه... ووايد مزاجي...

الدسرتفيكيشن.. مع دكتور سالم... يقولوا انها دسمه وايد... بس انا ما خذيتها لحد الحين...

اما الاربع المواد اللي سالت عنهم كلهم عن تجربة..

في تطور اذا الاسماعلي يشوف طلابه الــ A