إعـــــــلان

**ود الجامعة** · 19-09-2006, 06:28 PM

بصراحة انا اشوف عكس

في مرة من الايام نسيت تلفونى في المطعم رحت المحاضرة ساعة وبعدين رديت وحصلتة مكانة
ما احد شلة ولو انه كان قيمتة 120 ريال عمانى
وانا اوقات انسى اشياء مثل حسابة وارجع اليوم الثانى واحصلة

**عمااد** · 19-09-2006, 07:18 PM

الله يهدي الجميع
والله حالة طلاب جامعة ويسرقوا
ما نقدر نقول اي شي غير الله يهديهم
وان شالله ما بنغلط وبنحط كتبنا اذا كانت هي هي الحالة

**سيحر عشق جنية** · 20-09-2006, 01:04 AM

سلاااااام ..... شكرا اختي على التحذير ...

بس احب اخبركم انه فالجامعه تحصل بعض السرقات ..... تليفونات على كتب على دفاتر وغيرها من الاغراض ... وهذه يعتمد على الشخص نفس هو وضميره....
انا صاحبي فالمطعم الرئيسي نسى تليفونه هناك ... ولما رجع ماحصله هناك انشاله سبحان الله تعرفون اي نوع من التلفونات .. (( موتوريلا الازرق الصغير اللي يعطونا اياه معا بطاقه حياك ))) شفتوا وين وصل فقر الطلاب هههههههههههههههههههههههههههههههه الله يسامح اللي كان السبب ...

الحذر الحذر يا اخواني

**الفارس** · 20-09-2006, 09:59 AM

المال السايب يعلم السرقة ...
وبعض أصحاب النفوس الضعيفة يستغلوا مثل هالفرص ..

والمثل يقول احفظ مالك ولا تتهم جارك ....

واقول لا تبكي على اللين المسكوب ..
بس فتح عينك في المرات القادمة ..
وخلك ذيييييب ..
وإذا لم تكن ذئبا أكلتك الكلاب ...

**حبوبة** · 20-09-2006, 10:21 AM

بس فيه مرات بنات يشيلن كتاب أودفتر ما مالهن بالغلط...
ويرجعنه..
حتى أنا مرة نسيت تلفوني فالاب بعد ربع ساعة رجعت لقيت بنت ماسكتنه وتنتظرني,,
الدنيا بعدها بخير
والله يهدي الناس اللي قلوبها ضعيفة..
أنا ما اعرف كيف يقدروا يعشوا عالسرقة ؟؟
سبحان الله

**كونان** · 20-09-2006, 11:15 AM

علوووووه هذيلا الهنود بو يسرقوا

والعمال العمانيين

كم مرة مسكوهم ترى

خصوصا الهنود الي بأستراحة الطلبة

جرب خلي تلفونك هناك وخلي حد يراقبه بطريقة معينه واذا ما شلوه الهنود ولا انا بقص ايدي

اتذكر احنا بسكن الداخلي سرقوا كل برانيص الشقة هههههههههه الله لا بارك فيهم

والغريبة انه يوم رحنا نشتكي قالوا احنا ما مسؤلين!!!!!

**نـــــور** · 20-09-2006, 12:15 PM

[align=center]انااااااا اليوم كنت ع نيااااااتي بحط كتبي ف الاسترااااااحه

بس اربيعتي تقولي اخذيهم احسنلج والا ما بتحصليهم لما ترجعين خخخ

ما ع بالي احد يبي يسرق كتب خخخخ

عااااااااد حتى الكتب تنسرق !!!!غريبة [/align]

**عين الشرقية** · 20-09-2006, 12:22 PM

للأسف ظاهرة منتشره كثير .

أكيد هذه وحده تعرفك زين ويمكن بعد من المقربات لك . وتعرف أهمية الكتاب اللي أخذته ( سرقته ) منك .

بس الانسان الحين يجب أن يكون حذر حتى من صديقه في بعض الامور .

تحياتي

عين الشرقية

**ولـــد صحـــار** · 20-09-2006, 01:51 PM

انا بخبركم سالفه صارتلي...

قبل اسبوع تقريبا كنت بالاي في لاب1 ..وكانت عندنا محاظرة

وبعد المحاظرة جلست اعمل داونلودينج لبعض البرامج والحاجات من الانترنت في الفلاش مالي...

وفجأة جاني ربيعي وجلس جنبي...

المهم انا اكلمه واحمل بعض الحاجات...ولما يخلص التحميل احمل حاجه ثانيه ونكمل سوالفنا خخخخخخخ

المهم خذانا الوقت وما اشوف عمري غير تأخرت على المحاظرة تقريبا 10 دقايق...المهم انا سكرت الانترنت واروح المحاظرة بسرعه...

ودخلت ع الدكتور وجلست...وانا في نصف المحاظرة تذكرت الفلاش خخخخخخ....ادور وادور وما لقيتها عندي...
خخخخخخخخخ نسيتها في اللاب...
المهم انا جلست عااادي ريليكس لاني كنت متأكد ماحد بيشيلها...

والمحاظرة خلصت وارجع اللاب وادخل والمفاجاءة اني حصلت............الفلاش ما موجوده خخخخ

وش هذي الضيقه جلست أور ماشي فايدة...والفلاش كان فيها حاجات خاصة((صور خاصة و...الخ)

المهم جالس اجول في راسي شو هو الحل...
قلت ماشي غير اكتب اعلان...المهم كتبت الاعلان وعلقته في اللاي(((لقد فقدت فلاش.......الخ مع الرقم والايميل احتمال كانت بنت شلتها وتخجل تتصل في قلت بحط الايميل (الجامعي)خخخخخخخ (شاطر) .....))
المهم جلست انتظر عسى انه احد تنزل عليه الرحمه ويتصل وفجأة...................

أدركت انه ماشي فايدة من الانتظار لأن ماحد اتصل خخخخخخخخخخخخخ

وش هذي الحاله....

وداومت ع اليوم الثاني وانا خلاص غاسل ايدي من الفلاش ديسك.........

بس.............فجأة جاني الاتصال.....

وتوقعوا مين ...؟؟؟

((الوووووو ولد صحاااااار...نعم هو من معي ...معاك فلان الفلاني((ربيعي)) هذا رقم ربيعي لان ماعندي رصيد خخخخخخ (فضايح)....شو تريد خلصني ما فاضلك اليوم...ما تريد الفلاش مالك...يا ...... انت شالنها...ايوا يا ........, وليش ما رجعتها من اول...انت وين بخبرك السالفه...انا في الاي...تو جاي...وسكر التلفون))

وجاني الاي وعطاني الفلاش...قلتله وين حصلتها انا كنت مغيبنها...قالي انت نسيتها في الجهاز...
قلتله..ليش انزين ما رسلت تخبرني...

قال وبكل برود..كانت عندنا محاظرة كمبيوتر ع الباكر وكنت ناسي الفلاش مالي في البلد ومحتاج فلاش....خخخخخخخ وعاد انت نسيتها وجيت والله جابك....خخخخخخخخخ

ويطيح ضرب البكس في الاي خخخخخخخخ

المهم لاحد ينسى الفلاش ماله في اللاب عن يشلها ربيعه عنه هعهعهعهع

شررررررررررررررررردة

**jewels** · 20-09-2006, 02:19 PM

والله بصراحة هذه مصيبة..... حتى ابسط الاشياء تنسرق.....!!

احيانا تكون مقالب ..لكن الاغلب سرقة ..ليش ما اعرف..!!

ناس ما عندهم شغل يعني بالذمة نظارة شمسية ما تسوى ليش تنسرق؟؟
دفتر.!! فلاش.........!! عاد ما قحط هذا

خذوا بالكم ولا تحطوا اشيائكم غير في مأمن

**۩۞۩ المـلك الشـبـح ۩۞۩** · 20-09-2006, 03:12 PM

الله يكون في عونك

تصير مرات وعاادما نعرف اذا بالغلط او مقصوده السرقه..
بس يبقى سوال واحد..

اذا سرق فلاش مشينها واذا حسابه او مترجم ما قلنا شي

بس دفتر ؟؟؟ الطالب كاتب فيه محاضرات واشياء شخصيه واخر شي يسرقه؟

بدافع الانتقام او علشان الشخص يضرب غم ويرسب؟؟

الله يكون في عون الجميع

والحمدلله الدنيا بعدها بخير وفي اشخاص بيحافظوا على اشياءك

**فتاه جواله** · 20-09-2006, 07:30 PM

الصراحه /

بخصوص الدفاتر والنوت بوك فأول شي المفروض يفكر فيه الواحد أن الدفتر أٌخذ بالصدفه أو بالغلط ، لانه الله يبارك في مكينات النسخ وبشاره .. وأنا كم مره دفاتري انساهن وأحصلهن مكانهن ,ومرات يصير ان صاحباتي ياخذنهن بالغلط أو انساهن في الفير وكم مره سويتها ...

وبخصوص الفلاش كم مره انساه في لاب الطب ولاب العلوم ولاب السكن والحمد لله كل مره احصله .. وهذا يدل انه في ناس قلوبهم بيضاء والله يكثر منهم ...

وهذا ما يمنع الواحد يحترس دائماً وينتبه لاغراضه ...

**زهرة الجوري** · 22-09-2006, 01:27 AM

[align=center]اما انا كنت مستعيره كتاب من المكتبة الرئيسية ,,,
وبعدين رحت مكتبة الكلية ابحث وحطيت الكتاب الخاص بالمكتبه الرئيسية في الرف عشان ادور وابحث وشوي شوي ابتعدت عن ذاك المكان وفي لمح البصر اختفى الكتاب !!!!!!!!!!!!!!!!!!!!!!!

من شلااااااااااااااااااااااااااااه ؟؟!!!!!

جلست ادور وادور مافي

رحت اسأل المسؤولين عن المكتبه دوروا ما حصلوا قالوا رجعي يوم غير

رجعتلهم قالوا ما حصلناه!!!!

المكتبة الرئيسية صكتنا بغرامه خخخخخخخخخخخخخخخ وقدرها خمس ريالات عمانية!!![/align]

**THE BOSS** · 22-09-2006, 01:54 AM

اغلب شي يكون انتوا ناسين اغراضكم فمكان وبعدين تروحوا تتهموا الناس وتقولوا انسرق عنا

إعـــــــلان

صارت معي ........فأحذروا!!!

صارت معي ........فأحذروا!!!

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق