أنت عماني ؟؟!! ليش ما قلت طيب..!!

سؤال غريبــ ,, وقصهـ غريبهــ ,,


هذا سلمكم اللهـ ,, واحد من اصحابي المصونين
يشتغل في أحد المطاعم المشهوره كعمل جزئي في الليل
طالب وفي حاجه لدعم ماديـ .. فاضطر لهذا العمل ..

وظيفته في المطعم توصيل طلبات الزبائن في قسم الفاميلي ( العوائل) ..

المهم ,,

أمس قابلته وحسيت انه مضايق

قلت عسا ما شر ..

قال أبد ,, مثل العادهـ ,, تعامل الزبائن ,,

قلت شصار اليومـ ,,

قال لا اليوم صار شي مختلف

شي غريب !!

المهم قلت سالشالفه ؟؟

قال وصلتني ورقة طلب ,, فيها حركات وبركات

وأخذت الطلب أوصلهـ لصاحب الطلب ,,

قربت من الطاوله وأستأذنت مثل العاده ,,

طلبت من اصحاب الطلب إني أدخل أنزل الطلب ,,

وكررت عليهم إذا كانو متأكدين أقدر أدخل ,,

طبعا بالإنجليزي لأنه المطعم أجنبي ,,

بعد ما أذنو لي دخلت وبكل أدب ,, قلت السلام عليكمـ ,,

كان ع الطاولة ثلاث بنات >> يا حبهم للأكل

وكانو كاشفين وفالين الشعر >> مو لابسين غطاء الوجه ,,^_^,,

المهم ,,

بعد ما سمعت صاحبي سلم ومن سلامه عرفت انه عماني ,,

بققت عيونها .. >> أخرجت عيناها من شدت الدهشه >> ابوك يا الشرح

قالت أنت عماني !!! وفوقها علامة إستفهام ..

رد صاحبي وهو متخرع إي عماني..

قالت .. طيب ما تسسسسستحي تدخل علينا ؟؟!!

قال لها أنا أستأذنت وكررت وقلتو لي أدخل ؟؟؟؟!!!!

قالت له توقعنا إنك هنــــدي .....!!!!!!!!!!!!!!!!!!!!!!!!!!!!


رد بكل برائه صاحبي وقال "والهندي موب رجال ؟؟؟؟؟؟؟!!!!!!!!!"


زعلتي لاني دخلت عليك وانت كاشفه حجابك ,, وما تزعلين لو شافك أجنبي؟؟!!


لا يكون في آية في القرآن تقول تغطو بس من العمانيين ؟؟!!!

.............


منقووول .~

بس حبيت اعرف رايكم بالحوار اللي صار ؟؟