بالأمس كان عندي موعد في مستشفى النهضة عيادة العيون
انا اعاني من ضعف نظر وكنت من فترة طالب تقرير طبي لعلى يساعدني في الحصول على وظيفة عشان اقدمه مع باقي الاوراق للجنة الحصر
المهم وانا رايح كان عندي أمل اني احصل التقرير جاهز مع العلم اني كنت متصل الأسبوع الماضي وما كان جاهز بس كان في أمل عندي انه يكون جاهز المهم خاب هذا الأمل قالو بعده التقرير ما جاهز وقلت انزين والحل أنا طالب التقرير من شهر4 وجددت الطلب مرتين مره في 30/7/2012 و مره في 30/9/2012
قالي الموظف المسئول عن التقارير من تدخل عند الدكتور خبره انك محتاج التقرير ضروري وعسى يساعدك
المهم انا من جاء دوري دخلت عند الدكتور ومن خلصت الفحص قلت دكتور عندي طلب منك فلمح الى تفضل
فخبرته إني طالب تقرير صارلي فترة وبعده ما جاهز قالي اطلبه مره ثانية قلتله دكتور انا طالبنه ثلاث مرات وأخر مرة كانت 30/9
ما قصر في الرد رد علي رد يسم البدن الحمد لله إني تماسكت نفسي
وإلا اذكره من رده علي
انه ما فاضي وان إحنا المرضى معطلينه وماخرينه عن أشغاله وانه ما فاضي يكتب التقرير او يشله البيت لان يحتاج معلومات من الجهاز ويقول انه عنده اولاد في البيت يريد يدرسهم ما فاضلكم
طبعا كان يقول هذا الكلام وهو معصب ما اعرف ليش امكن لاني طلبت التقرير
في مره من المرات قالي احد الموظفين ان هذا الدكتور مزاجي يعني يقصد من كلامه اني اذا بغيت الدكتور يسويلك شي لازم يكون رايقه

وش أقول غير حسبي الله ونعم الوكيل