قصيده عن بنت تطالع شاب وهو مع اصحابه في المطار
وما نزلت عينها منه وطلع الشاب شاعر
كملووووووووها اللاخير روعه صدقوني اقروها للاخير
يقوووووووووووول:
كل شبر بها الوسيعه ملك ربي تعلمين
واعلمي ان اللي خلقني هو خلق لك هالعيون
لكن انتي من جلستي وانتي فيني تناظرين
كن ما به ناس غيري بهالكراسي يجلسون
لو سمحتي عاد اسمعي وحتى لوماتسمحين
المهم اللي باقوله تسمعينه ويسمعون
عالاقل طرفك ليا ناظرتك سوي روحك تستحين
غظي طرفك مثل غيرك خوف ربعي يلمحون
الركاده عاده زينه والحيا في البنت زين
وفيك جازم لا ركاده ولا حياء يذكرون
تعرفيني؟ اعرفك؟ ما اذكر ان ملتقين
لا اعرفك من تكوني ولا تعرفي من اكون
واطمئني كان قصدك بس فيني تشبهين
ماهو انا اللي تعرفينه والبشر يتشابهون
ما دريتي من التشابه يخلق الله اربعين
واعرف اربع يشبهنك بس والله يستحون
وكان قصدك شي ثاني عاد قولي وش تبين
خايف ان نصير فرجه واللي ما اشتروا يتفرجون
واذا ببالك عاجبتني لا يوحشك تحلمين
بس وش اللي في حلاتك دام فيها ترخصين
حشمة البنت بحياها والكرامه يلفتون
ولو توفر فيك هذا من حلاتك تبشرين
ما هو انا الف غيري باب بيتك يطقون
وش علامك رغم كل اللي اقوله تسكتين
مو طبيعي هالسكوت وهالبرود وهالسكون
انتي خرسا؟..... اسالك والا منتي تسمعين
قالوا ربعي ذي كفيفه قلت لا لا تمزحون
لين شفتك يوم رحتي يمسكونك باليدين
ما دريت الا عيوني اربع اربع يذرفون
ااااه ياااانه مشهد يوم شفتك ترحلين
جيت اشوف عيون ربعي لقيت الكل يدمعون
يالكفيفه يالعفيفه ان قلت اسف تقبلين؟؟
يغفر الله ذنوب عبده ليا خطا وهل تغفرين؟