بعد الانتظار الطويل وسماع جميع سيمفونيات بيتهوفن وموزات لاكثر من 09:07 تسع دقائق وسبع ثواني يرد علي احد موظفين الخدمة او مركز الاستعلامات وكان المسكين مريض جلس يسمعني انه يسعل وانا على نياتي قلت الوووووووووه ....ولا كانه سمعني جلست اكمل استخدم الانترنت وشغلت السبيكر او السماعة الخارجية للهاتف وجلست على هذه الحالى ثلاث دقائق على بالي خلصن السيمفونيات ...وسعل مره ثانية قلت الوووووووووووو .....ولا رد علي ..... وبعدين تحم حم .....وقلت يالله جاك الفرج وكنت معصب مره على الاخر قلت له ياخي انا الحين على الخط لاكثر من 13:00 هل هذا معقول يرد قال ياخي رديت عليك بطاقتك ما فيها شيء تشتغل وانا ما كلمته ابد عن بطاقتي ..قلت له ما هذه مشكلتي الحين مشكلتي هي انتوا وخدمتكم . قال شوفيها الخدمه قلت له من هذا الغبي اللي ينتظر كل هالوقت معقوله
يعني ما حد مستعد يجلس ينتظركم اكثر حتى من ثلاث دقائق وبعد جدال واخذ وعطى قلت له عطاني مسئول هناك وقلت له ياريت كنت مسجل المكالمه قال كل المكالمات مسجلة وقالي انتظر المسئول.
ورجعنا مع الانتظار وخلاني اسمع كم معزوفه على الطاير ورد هوه علي وقلت له من معاي قال فلان الفلاني قلت له يعني انته مسئول هناك قال ايوه قلت ياخي شو هالخدمه معقوله كل هذا الانتظار قال ياخي فيه مكالمات كثيرة قلت له معقوله المكالمات توصل لربع ساعة قالي فيه مكالمات توصل حتى نص ساعة 00:30:00 وقلت له ما يوصل هالكلام للمسئولين قال ايوه يوصل كل شيء مع تقارير شهرية للمسئولين وقد تكون للمشكلة عدة اسباب وهي عدد المستخدمين والاخرى عدد اللي يردوا على الاتصالات قليل وقد ما يكون كافي قلت انا بخاطري شكلة الرجال ما بيدة الموضوع وسكت شوي وقالي عندك مشكلة في الانترنت قلت له ايوه تفاصيل الاستهلاك عندي ما واضحة والاهم من هذا متى يبداء يحسب في البورنت هل بداية الشهر او تاريخ 28 من كل شهر قالي وكانه ما متاكد قال بداية الشهر قلت له في الفاتورة مكتوب حتى تاريخ 28 وسكت وجلس يدق على الكمبيوتر وقال مثل ما قلت لك اخوي بداية الشهر قلت له اوكي مشكور وسمحلي وخلصت المكالمة بعد عشرين دقيقة.

طبعا انا ما سكت وقلت احسن حاجه مثل ما عملوا في الغرب اروح اسوي لي مدونة واخلي الشعب يعبر عن شعورة فيها بس خاصه المشاعر العاطفية لشركة الاتصالات العمانية وبدوين تجريح او تشهير وهذي اول مره اكتب فيها على الانترنت مقال او موضوع او حتى اشارك بموضوع في المنتديات بعد 6 سنوات من استخدام الانترنت.
عنوان المدونة على الانترنت
http://antiomantel.blogspot.com/