تويت
السلام عليكم ورحمة الله وبركاته
عضو جديد انضم لمنتداكم وان شاء الله يكون قلمي مميز في منتداكم المتميز
اليوم باخذكم في جوله في ذكرياتي
عضو جديد انضم لمنتداكم وان شاء الله يكون قلمي مميز في منتداكم المتميز
اليوم باخذكم في جوله في ذكرياتي
لمن كنت صغير كنت متعود اروح مع ابوي المزرعه (بيني وبينكم غصبا عني) وعاد ذكريات المزرعه ما تنتهي حبيت اخبركم بعض قصص طفولتي
مره من المرات 2 من اصدقائي وكنت عازمهم ع الغدا بيتنا بعد حلقة حفظ القران في المسجد وقلت العصر نروح المزرعه مع الوالد
المهم اخوكم حب يبهر اصدقائه> متعوب عليها كلمة يبهر
واحنا نتمشى بالمزرعه كان عندنا عجل(يعني ثور صغير) مشاغب واخذتهم عنده وشفتهم خايفين وحبيت اسوي رامبو
وكنت مصاب في ساق رجلي اليمنى مخيوطه وقصة الإصابه هم غبيه خخخخخخخ
كنت داخل بيتنا القديم ولا اشوف هندي شايل حنفيه ماي وثقيله عليه المهم رحت اساعده واحنا نازلين من الدرج والا الهندي يتركها وتطيح ع رجلي وجرحتني >غدر الزمان وخذني اخوي للمستشفى صراحه بكيت قبل لا يخيطون رجلي مدري حسيت نفسي بموت>متأثر بالأفلام
المهم
جيت ومسكت العجل من ذيله واسحبه وهو يركض ويسحبني بشكل دائري والجمهور مبهور من اقدامي وبسالتي> عاشو عنتره
المهم شوي والا يرميني العجل في الأرض واتلطخ بالسماد > السماد يعني فضلات الثيران ع الأرض وععععع
المهم خست وتفشلت وقهقه الجمهور كثيرا
قصه ثانيه
مرا انا واخوي رحنا مزرعة عمي اللي ملاصقه لمزرعتنا نبحث عن شي يسلينا
وفجأه ..................
نشوف حمار عمي شامخ وسط الحشيش > مسوي رومنسي
المهم ولا اخوي يشوف علي ويقول يلا نروح نأدبه ذا الدلوع
قلت وهو كذلك وطلع شرار من عيوني > قايلك لا تتابع سبيس تون
المهم
رحنا ولحقناه ومسكناه قلنا يالحبيب يلا نبي جوله
المهم بحكم ان اخوي اكبر مني بخمس سنوات فبديهي انه يركب وحظرتي اقود الحمار
المهم الحمار طلع حمار > سبحان الله
ما تحرك وانا اسحب واسحب لدرجه سويت حفره برجولي > ما شاء الله الصدق منجاه
المهم قال اخوي اقول خذ العصا هذيك وعطه بضربه اريده ينطلق سبعميه كيلومتر في الساعه
وابتسمت واشوف ع الحمار ولمعه في عيني >ياليل سبيس تون
المهم مسكت العصا وجيت ورا الحمار واخوي يحسب ويقول اريد اسمع الصوت مثل الرعد لمن تضرب >ياخي شاك هو الرعد ولا البرق اللي فيه الصوت
قلت له من عيوني
وارجع ورا واصوب العصا بقوه جهة الحمار وأرميها بما اوتيت من قوه ...........
وفجأه
اشوف العصا في ظهر اخوي
عاد هنا انا مت من الخوف اخوي كان ابليس شري
المهم اخوي الدب سوى نفسه ميت ع الحمار > لوح ولا حس بالضربه
وانا ابكي لا تموت اخوي لا تموت > حشا مسلسل نور(حفظته من كثر ما اسمع عنه في كل مكان)
المهم ولا اشوفه يقوم ويقول إركب انت فوقه وانا بضربه
بلعت ريقي وركبت الحمار
ويعطيه بضربه شنيعه مريعة فظيعه
ويركض الحمار 900 كيلومتر في الساعه> حشا ولا هيلوكبتر >فاهم غلط
وانا ابكي بطبيعة الحال
المهم تخيلو طحت من ع الحمار وزاد الطين بله طحت عند دجاجه وصوصها الصغار ولا تهجم علي والله اني اركض وابكي واصرخ > ياخي مدري ليش احسها تخوف
ما اخاف من ثور وخفت من دجاجه
هذي قصتين من قصص كثيره ومثيره
لي عوده واكمل لكم مغامراتي > عدال يا روبن هود وفي روايه ماوكلي
السلطان
تعليق