السلام عليكم يا جماعه....كيفكم مع رمضان.....الواحد من اليوع يبي ياكل اي شي...المهم انا راح اقول جدولي ابتداء من اليوم....والايام اللي ما احط فيها....سوولها طااااااااااااااااااااف :D



الافطار....
تمر
لبن
قهوه سعوديه (اللي يبي الطريقه ....يرفع صبعه)


السمبوسه....واكيد كلكم تحبوها ....وانا اليوم سويتها بالخضار
الحشوه:
5 بطاطايات صغيره او(3 متوسطات)
بصله صغيره
خضار مشكله
بهارات مخلوطه
ملح
شويه زيت


نسلق البطاطس.....وبعدين نسخن الزيت ونحمر البصر....ونضيف الخضار المشكله والبهارت والملح...وبعدين نقلب معها البطاطس المهروسه


بعدين نحشي السمبوسه........وبس....كلوها بالعافيه عليكم....بس لازم تنتظرو الاذان


شوربه حب
1كوب حب القمح والافضل اللى لونه ابيض
لحم مقطع قطع صغيره
صرة بهارات( هيل.....قرنفل .....زقرفه......فلفل اسود .....كمون حب .....2قطعه شيبه) ملح حسب الرغبه
حليب او لبن سائل
الطريقه
نسلق اللحم ونشيل الزفر عنه حتى ينظف جيدا جيدا

نضع الحب وصرة البهار ونتركه على نار هادئه لمدة ساعه الى ساعه ونصف مع مراعاة الانتباه له جيدا وان لاتقل كمية الماء يعنى اذا نقص زودى الماي
بعد ذلك نخلط حبة طماطم مع الحليب او اللبن فى الخلاط ونصبها على الشوربه

ممكن تستغنى عن الطماطم بس انا احبها كذا


الرز باللحم بالفرن (هذي رهيبه)
الـــــمــــــــقـــــاديـــــــــر
تكفي 5اشخاص تقريبي
كيلو لحم او دجاج
لسلق اللحم:2حبه لومي اسود+1ملعقه بهار مطحون( اي بهار)+بصله مفرومه+ملح +3حبات هيل+2حبه ثوم مقشرة فقط صحيحه+ 10اكواب ماء مغلي والسلق يحتاج لساعه ونص بس

لعمل الرز بالفرن نحتاج ل 3اكواب رزمغسول ومنقوع+
البهارات لازم تكون كلها حبوب صحيحه مثل 5حبات هيل+3حبات ورق غار+3حبات دارسين+4حبات قرنفل+ بصله صغيره مفرومه ناعم + فص ثوم مفروم وملح 2ملعقه ك و+ استكانة ماء فيها ماء عادي وماء ورد وعفران وشوي صبغة الصفراء للزعفران وملعقة شاي هيل مطحون+ ماء مغلي 5اكواب +نصف كوب زيت مازولا
الـــــــطــــــريقـــــه:

اسلقي اللحم بالطريقه المذكورة اعلاة ولعمل الرز احضري بايركس كبير الحجم او صينية تيفال المربعه وضعي الزيت والبصله والثوم البهارات الحب وحمريهم قليلا على النار ثم ضعيهم في البايركس واخلطي الرزوباقي المقادير الاخرى ما عدا ماء الورد والزعفران واضيفي اليها الماااااء المغلي (يجب ان يكون الماء فوق الرز بـــــ 1سنتيمتر وبعدين غلفي البايركس بالقصدير وادخليه الفرن على شرط الفرن موقد فقط من تحت لمدة نصف ساعه وباللحظه هذي تكوني قاعدة تحضرين الحشو للزينة:2بصلة ك مقطعه جوانح +رشة هيل وفلفل اسود لومي مطحون وملح +شوي زيت لحمسه الحشو
بعد نصف ساعه بتفتحي الفرن وتشووووووووفي المفاجئة شكل ولآ بالخيال كانها صينيه رز من بوفيه مطعم رااااقي وتضعين فوقها اللحم+الحشو + استكانة ماء الورد والزعفران وتفتحي الفرن من اعلى لمدة 3 دقائق عشان يحمس اللحم ويحمر شوي وتقدمي الى جانبها الدقوسوبالعافيه اللي راح تسويها قسما بالله رااااااااح تدعيلي


وعلى فكره بعض هالطبخات انا نقلتها بس طبعا بعد ما جربتها ...وضبطت معي


نشوفكم وقت ثاني