المقادير:

4 اكواب طحين ابيض

2 ملعقة كبيره سكر

رشة ملح

1/2 كوب زيت

ملعقة خميرة

ملعقه باكنج باودر

6 ملاعق كبيره حليب بودره

كوبين ماء دافئ

الحشوه:

جبن كرفت مبشور

الطريقه ,,

نخلط المقادير كلها باليد الين تتكون عندنا العجينه

وبعدين نخلي العجينه تخمر لمدة ساعه او ساعه ونصف

بعدها ناخذ شوي من العجينه ونفرده باليد ونحشيه بالجبن ونسكر العجينه طبعا نشكلها على شكل كور

ونرصها بالصينيه ولما نخلص ندهنها بالبيض ونرش عليها بالسمسم

وبعدين ندخلها الفرن من تحت وبعدين من فوق

الى ان تستوي ونطلعها من الفرن ونسقيها بالشيره



وبالعافيه

عاد ان شاء الله تضبط معاكي

احم احم

مشكورة حبيبتي بجربها

مشكووووووووووورة
بكتبه في ورقه وبسوي حال الفطور

تسلمي

هلا وغلا...
هذي وصفة للعجينة تقدري تسوي منها أي فطائر...

3 ونص كوب طحين
50 غرام أي ربع كوب زبدة
50 غرام أي ربع كوب سكر
1 معلقة شاي ملح
2 ملعقتين خميرة
نص كوب حليب وزيادة شوي
نص كوب ماء
بيضة وحدة

نسكب الحليب والماء والزبدة والسكر والملح في إناء وندفيه وبعد كذا نضيف البيض المخفوق وفي هالوقت نجهز ماكينة الخلط ونحط الطحين والخميرة في إناء العجن ونلفها دورها وحدة بعدين نضيف السائل الدافئ مع مراعة إن العجينة لازم تكون طريه ولينة مو صلبة

ملاحظة: إذا حبيتي العجينة تكون سوفت مره حطي كوب وشوي حليب بدل نص حليب ونص ماء
وإيضا لازم تستخدمي المقاييس تبع الأكواب والملاعق لأأن العجينة راح تضبط معك مية المية...

كل شي يكون ممسوح,,, يعني كوب طحين ممسوح ويا ليت لو تنخليه

إذا حابة تسوي عدة فطائر ضاعفي المقادير وبس...
3 ونص= 7
2=4
كوب= كوبين وهكذا

تنفع للبيتزا وخلية النحل ولفائف القرفة الدجاج واللحم وغيره