تويت
قصيدة عن الأقصى
قصيدة للأقصى الحبيب "منقول طبعا"
يا أقصى بطّل تنادى على العرب والمسلمين
يا اقصى سيبنا فى حالنا واحنا مالنا انت مين
ايه يعنى انك مسري .. سيد المرسلين
ايه يعنى انك كنت اولى القبلتين
ايه يعنى انك انت تالت الحرمين
مش فارق ويا العرب والمسلمين..
انت فين ولا انت مين
يا اقصى سيبنا فى حالنا واحنا مالنا انت مين
ايه يعنى انك مسري .. سيد المرسلين
ايه يعنى انك كنت اولى القبلتين
ايه يعنى انك انت تالت الحرمين
مش فارق ويا العرب والمسلمين..
انت فين ولا انت مين
يا اقصى بطّل تنادى على العرب والمسلمين
شوف حد تانى ينقذك ..قبل ما ناخد العزى
شوف حد تانى يرد عنك الاذى
وبلاش تقول ماذا واذا ......
هدّو اركانى فوق رؤس المصلين
شوف حد تانى يرد عنك الاذى
وبلاش تقول ماذا واذا ......
هدّو اركانى فوق رؤس المصلين
يا اقصى بطل تنادى على العرب والمسلمين
شوف حد تانى يمنعك من الانهيار
وبطل تقول الحفر شغال ليل نهار
والارض تحتك مش قادره تشيل الجدار
ولو حصلك انهيار.... وقتها بقى نفكر فى القرار
يمكن نلاقي حته تانيه تِدّيهالنا اسرائيل
وبطل تقول الحفر شغال ليل نهار
والارض تحتك مش قادره تشيل الجدار
ولو حصلك انهيار.... وقتها بقى نفكر فى القرار
يمكن نلاقي حته تانيه تِدّيهالنا اسرائيل
يا اقصى بطل تنادى على العرب والمسلمين
انت فاكر انك اهم عندنا من ماتش كوره ؟
او حتى فاول اتحسب بالخطأ على باك يمين .
عمرك شوفت ..ماتش كوره يوقع بين دولتين !!!
الا قلّى.. تفتكر مين الاحق بتمثيلنا فى المنديال ..
الاخضر ولا منتخب الساجدين ؟
او حتى فاول اتحسب بالخطأ على باك يمين .
عمرك شوفت ..ماتش كوره يوقع بين دولتين !!!
الا قلّى.. تفتكر مين الاحق بتمثيلنا فى المنديال ..
الاخضر ولا منتخب الساجدين ؟
يا اقصى بطل تنادى على العرب والمسلمين
دا العرب مهتمه اكتر بالفنانات والفنانيين
وفيه مسابقه على اللىي اخد اللقب من المطربين
جورج سلطان الطرب ….وعبده مطرب العرب
والاختلاف على الزعامه فى الحريم تروح لمين
ناس تقولك الاحق نانسى عجرم...
والاغلبيه تقول شرين
وفيه مسابقه على اللىي اخد اللقب من المطربين
جورج سلطان الطرب ….وعبده مطرب العرب
والاختلاف على الزعامه فى الحريم تروح لمين
ناس تقولك الاحق نانسى عجرم...
والاغلبيه تقول شرين
يا اقصى بطل تنادى على العرب والمسلمين
يا اقصى احنا بنينا اعلى برج فى البسيطه
و على الحدود غير السدود من الفولاز بنينا حيطه
واحتفلنا بانتصارنا فى ماتش غانا .... عملنا زيطه
ومهما تنادى باعلى صوتك.. احنا برده مش سامعين
بينى وبينك ........
عندنا ودن طرشه وودن تانيه من العجين
و على الحدود غير السدود من الفولاز بنينا حيطه
واحتفلنا بانتصارنا فى ماتش غانا .... عملنا زيطه
ومهما تنادى باعلى صوتك.. احنا برده مش سامعين
بينى وبينك ........
عندنا ودن طرشه وودن تانيه من العجين
يااقصى بطل تنادى على العرب والمسلمين
يااقصى متزعلش منى بس هى دى الحقيقه
الشباب على القهاوى بيعاكس بعيون جريئه
ولو حاولت تنصحه.. والنصيحه مش خطيئه
بالبونيه يروح مناولك وفجاءه تتفقعلك عين
الشباب على القهاوى بيعاكس بعيون جريئه
ولو حاولت تنصحه.. والنصيحه مش خطيئه
بالبونيه يروح مناولك وفجاءه تتفقعلك عين
يا اقصى بطل تنادى على العرب والمسلمين
يا اقصى حال العرب مبقاش يسر
كل حاجه اتغيرت حتى العسل بقى طعمه مر
ويا اقصى كل اللى عارف انت مين.... ماعادش حر
حطو فى اديه الحديد ..جُوّه القفص ... اصبح سجين
يا اقصى بطل تنادى على العرب والمسلمين
يا اقصى بطل صياح وبلاش تفكر فى اللى راح
انسى بقى.. ابن الوليد والمعتصم وانسى صلاح
اللى هب لنجدتك فى يوم حطين
يا اقصى عمر صوتك ما هيصحي الميتين
كل حاجه اتغيرت حتى العسل بقى طعمه مر
ويا اقصى كل اللى عارف انت مين.... ماعادش حر
حطو فى اديه الحديد ..جُوّه القفص ... اصبح سجين
يا اقصى بطل تنادى على العرب والمسلمين
يا اقصى بطل صياح وبلاش تفكر فى اللى راح
انسى بقى.. ابن الوليد والمعتصم وانسى صلاح
اللى هب لنجدتك فى يوم حطين
يا اقصى عمر صوتك ما هيصحي الميتين
يا اقصى بطل تنادى على العرب والمسلمين
يا اقصى انا مش يائس... بس عاجز عن المساعده
واللى ذيى لو سالته راح يقول معادش فايده
لازم نفوق ونبقى فوق ونقلل بينا الفروق..
والكلام ده مش مزايده
وكل اللى اقدر اقوله ان قلبى عليك حزين
واللى ذيى لو سالته راح يقول معادش فايده
لازم نفوق ونبقى فوق ونقلل بينا الفروق..
والكلام ده مش مزايده
وكل اللى اقدر اقوله ان قلبى عليك حزين
يا اقصى بطل تنادى على العرب والمسلمين
.gif "Smiles (71)")
تعليق