إعـــــــلان

**إبراهيم الشكيلي** · 19-05-2009, 07:07 PM

لـ الحب آلامٌ عشقنا جرحها .. ونزيد عشقا إن تثور وتغضبُ
فالحب لو كان الغياب وسامه .. يبقى عبيرا فاق ما قد يكتبُ!!

**إبراهيم الشكيلي** · 19-05-2009, 07:10 PM

ميدان... أول مرة ^_^

شفنا الشجر لابق من بعيد
وبنت البدو تصيح لحقوني
خيلي انا تفوز فـ الرده
وابو بكر فاز فـ الرده
الغالي يجيني ويومي بـ عيد
وكان تقدروا اليوم لحقوني

^_^

**إبراهيم الشكيلي** · 06-06-2009, 02:54 AM

الله على وقـتٍ مضى فيه ذكراكـ
عايش بذاتي/عمري ما صرت ناسيك

ولا تحسب اني ممكن بـ يوم انساكـ
والله لو انسى الموت مَ اقدر أداريك...

عن مسمعي عن ناظري عني وياكـ
ما دام دمي ما وقف... مـا اخليك

**إبراهيم الشكيلي** · 10-06-2009, 03:03 AM

مكتوب نحيا والزمن فيه عثرات
والشاطر اللي ما يكثر خصومه

ومكتوب ننسى لو بعد نهر دمعات
والعالم الله وش يجي عقب نومه

ومكتوب نحيا في عمرنا محطات
نرشف من افراح العمر أو همومه

واحلى مكاتيب القدر يا حلو الذات
إني أحبك... يا عسى الله يدومه

^_^ عذب احساس ^_^

**إبراهيم الشكيلي** · 17-06-2009, 02:19 AM

يا هـ البدر.. ليه انت وجهٍ لـ القمر؟؟!!

ليـه ما تكونـ انتـ القمر لـ عْيوننا؟؟!!

**إبراهيم الشكيلي** · 20-07-2009, 02:19 AM

مدري متى هـ النوم ناوي يجيني؟!
اليوم.. وللا بـاكر او عقب بـاكر!

من ساعة غيابك وانا وسط عيني..
صبحٍ يعـاند ليلها... لـو أكـابر!!

**إبراهيم الشكيلي** · 20-07-2009, 02:23 AM

ليه كلما زارني طيفٍ خجول
اشعر ان اسمي طلع من شفتك؟!

وليه كلما زاد في دربي عذول
قلبك اعلن لي زيادة لهفتك؟!

وليه لما تختلف عندي الفصول
أشعر بـْ لمسة دفا في شتوتك؟!

وليه انا دايم سكن فيني الفضول
ليه احب أسأل.. ومدرك ردتك؟؟!

قولها.. طفي لضى القلب العجول
جاوب اسئلتي وقول: (محبتكـ)

أحبكـ

^_^

**إبراهيم الشكيلي** · 26-08-2009, 02:02 AM

ثلاث سنين اشحت منك كلمة آسفه ولا جات
ثلاث سنين اتخيل غرورك يعتذر مني

ثلاث سنين أحفر قبر حبك.. للأسف ما مات
ثلاث سنين وانتي بس تمشيني على ظني

ثلاث سنين... وياليت السنين تبدلت لحظات
عشان يصير عمري في يديك ويفضحك سني

ثلاث سنين... احسب قربنا واتنفس الخطوات
اقيس الدرب ياهل بيدها ترشدك وتحني

ثلاث سنين... اتذكر هواك وتنزف العبرات
ويوم توقف العبرات اقول اهواك... وآغني!!!

**إبراهيم الشكيلي** · 27-08-2009, 02:50 AM

لازلت أحيا في هوى من عـانقتـ ... في داخلي عمق الحياة لـ تنهِني
فـ أنا هنا المكتوب مات بـ غفلة ... وبـ غفلةٍ قد عشت حين دفنتِني

**إبراهيم الشكيلي** · 10-09-2009, 01:24 AM

انـا ماني من اللي يجهلوا نوره اذا لـه نـور
انـا لا جيت قومٍ... صرت لـه شمسه وقنديله

انا اسمي يشرفني وشموخي في السما له سور
واذا قررت اكيد انسان.. قالوا الناس: (يحليله)!

حقيقة واجب اذكرها.. اذا بركان شعري يثور..
نصيحة لا تهاجوني.. تراي اقتل.. بـ تـفعيله

**إبراهيم الشكيلي** · 10-09-2009, 01:26 AM

انا ما اروح بالساهل.. واذا قالوا أدور آدور
انا لي عقل في راسي. ولي هيبة خرافيـه!

**إبراهيم الشكيلي** · 22-09-2009, 01:48 AM

صباح العيد والأنفاس رويانه
بنفحة حب في الخافق تسليها

تهني من سكن قلبي وبنيانه
وصار لدنيتي الجنه واراضيها

فديتك عيدك بقلبي يا سلطانه
حبيبي عيّد بروحي وحليها

لجل يعزف لك الاحساس ألحانه
عساه العيد أرضك ما يجافيها

كل عام وأنتـ بـ حبي

^_^

**إبراهيم الشكيلي** · 19-10-2009, 11:26 AM

أنا ميت..

يـ ليت الموت قبل الموت..

يحييني.،،،!!

**إبراهيم الشكيلي** · 19-10-2009, 11:28 AM

مـدري.. إذا أكتب شطر..
يصبح فـ عيني عادي

لكن.. إذا غيري قراه..
يقول.. منهو قدك؟!!

!!!!!!!!!!

أفتوني يا جماعة،،!!

**إبراهيم الشكيلي** · 19-10-2009, 11:32 AM

الوضع عادي.. بـس نــاقص وجودكـْ!
إنـ كنت بستثنى مع الـ (بـس) كلـ شيْ

... تـعــال

إعـــــــلان

بحيرات عذبة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق