إعـــــــلان

**mysteriousgirl** · 20-09-2009, 01:57 AM

/

مظلمة سكة عناويني ،،
يعني دربي صعب تحديده

\

شارع الغربة يمشيني ،
وحشته هي قار تعبيده

/

أشعل الآمال / تطفيني
و الرمآد ، فقلبي اتزيده

\

كل شيٍ طآح من عيني
و كل ما املكْه ماريده ..

/

يا شحوب الشوق بِـ يديني
منهو مثلي ، قاطعه عيده ؟

\

**mysteriousgirl** · 21-09-2009, 02:28 AM

كلّها ذبلت بساتيني
مثل قلب افراحه بعيده

\

طاير ن غنّي يسليني
واختنق صوته بـ تغريده

/

وش بقى للفرحة يغريني ؟
خاطري ماشي بيفيده

**mysteriousgirl** · 21-09-2009, 02:53 AM

.

بحط نقطة
\
قبل لا أنهي الفصل الأخير
و أحرق الأوراق ،
/
أظن كآفي مذلّة
في دروبك .. يا معنّيني ..
\
حرام انّه بعد
ما صآر قدرك .. في القلب
عملاق
/
تجي تهدم غلا
خمسة سنينٍ .. بينك
و بيني
\
و اذا يهمّك :
تناثر خاطري المكسور
من الفْراق
/
وكنت أنطر
تجي تلملم غلاك
وإنت نآسيني
\
خلاص القلب ذآك
اللي يحبّك .. مآت ..
وهو مشتآق
/
و صرت آدور
آآنا شي غيره ،،
يوم يحييني ..

**mysteriousgirl** · 21-09-2009, 02:57 AM

و بكرة العيد ،
وانا كل ما يقرّب عيد ..
آكون بعيد ..
أكون أبعد من إني أحتفل به
و يقولوا عيد .. و كلمة عيد ،
دوم آنا تلمّح لي
بجرح جديد .. !!

**mysteriousgirl** · 21-09-2009, 03:05 AM

يا حبيبي يابو القلب الجليد
كل عام وانتْ ناسيني ، وانا
كل عام اذكرْك وابدا من جديد
وكل عام آعيّد بـ جرح و عنا
آآآآآخ يا طعم الحزن واليوم عيد
ودي أبكي .. لكن أخواني هنا

لـ الرآئعة / العنود العبدالله ،

**mysteriousgirl** · 21-09-2009, 03:28 AM

و كنت انا قبل بدقيقة ،
أحسب ان الضيق واصلني لـ حده
لين هـ اللحظة
عرفت ان الحزن لي جاي انا ماني بقده ..
هذا كلّه
والصبح للحين ما جاني .. و بعده ..
جاي أكثر
الحزن بـ الذات .. ما يخلف لي وعده ..

،
و أنتظر ..
ما غير قلبي بـ مثل هـ الليلة .. لِـ وحده ..
/
وإنتحر
ذاك الحلم ، يوم ان قلبي قال مستبشر بِـ سعده ،
\
والصديق
اللي ، بغيت إنه يكحلها عماها ،
اللي كآن بْـ هـ الليال الموحشة
النجم و سمآها ..
صآر مستثقل يرافقني .. بِـ جرحي ،
صآر يبخل هوْ بـِ فرحي ..
\
وصرتْ
أغرق ، بـ الحروف ..
آوّن .. و هو قآعد يشوف ،
يا ترى هـ القد انا
في رفقته
قصرّت .. و كنت آنا جحوف ..؟
/
و اتتوالى الأسئلة
و كل منها ما انلقى له أي جوآب ..
غير إنّي ذآك انا ،، اللي يجازى بِـ الغياب
و بِـ الجروح ،
و ليتها لحظة تروح ...
\
و على طاري التمنّي ..
بنسى أمنيتي القديمة ..
ليت انا للحرف هذا ..
أي قيمة
لا انكتب ..
في أحد هـ القد مثلي
فـ ليلة العيد إكتئب ؟!!

.

**mysteriousgirl** · 21-09-2009, 04:12 AM

قلت :

/

مظلمة سكة عناويني ،،
يعني دربي صعب تحديده

\

شارع الغربة يمشيني ،
وحشته هي قار تعبيده

/

أشعل الآمال / تطفيني
و الرمآد ، فقلبي اتزيده

\

كل شيٍ طآح من عيني
و كل ما املكْه ماريده ..

/

يا شحوب الشوق بِـ يديني
منهو مثلي ، قاطعه عيده ؟

\
كلّها ذبلت بساتيني
مثل قلب افراحه بعيده

\

طاير ن غنّي يسليني
واختنق صوته بـ تغريده

/

وش بقى للفرحة يغريني ؟
خاطري ماشي بيفيده

و تقول الغالية نوتيلا :

كـنج انتي صدق تعنيني~
راسمتني ببيت وقصيده~
ذا شعورج نفسه هو فيني~
فامسكُـي قلبي ومن ايده~
ولطريق الفرح دليني~
والله اني صرت ما احيده~
وينه هذا العيد او ويني !! ~
وليه حزني محكمن قيده~
للسنين ان قلت فكيني!!~
ردها كُـلن يفكُـ ايده~
من ثمان اسنين يحويني~
حزن بيه لاقين عيده~
وكُـل ما اسدل هدب عيني ~
طاح دمعي ومعه تنهيده
وللحزن عايدت بيديني~
دمع عيني ورد لي كيده
لي متى حزني يخاويني~
لي متى يمشي معي سيده!!
بسني من الحزن يكفيني~
حزن قلبي فويش بيفيده
يامسي ارجووج رديني~
بيت حزنج صعب ترديده

و آرد اقول :

السهر ما صدق ايجيني
غير ليلة عيدنا قيده ،،
وش انا باكر يصحّيني
الصبح قربت موآعيده ..
ليت أحزاني تغفيّني
مثل ما هي نومي اتبيده
يا نوتيلا مدري اش فيني
ودي آصرخ آآآآآآه و آعيده
انتي ع الافراح دليني ،
عيدنا .. ذبلت تقاليده ..

**mysteriousgirl** · 21-09-2009, 04:20 AM

ماني بنادم لني قدّرت مثلك ،،
محدن غصبني بس هذي أخلاقي ،،

**mysteriousgirl** · 28-09-2009, 12:30 AM

ماظن لك باقي معاذير و اسباب
تشفع لِـ غلطاتك و دمعة عيوني
بمشي بدرب ن كله دموع و صعاب
كنه سما و الناس ،، ما يوصلوني ،،
أدري غبا أنطر نرد احنا أصحاب ..
وش ابغي في ناس ن ولا يقدروني ..؟
ماني انا اللي تذله أنياب أغراب ..
ولاني بحاجة مثلك ، ارتاح دوني
" مو عيب اجي مدعو ولا اشوف ترحاب
العيب لو اني رجعت ان دعوني
ما دمت اجي ولا يحسبولي حساب
حرمت اروح ،، اذا يبوني يجوني "

آخر بيتين لـ حامد زيد ^^

**mysteriousgirl** · 02-10-2009, 11:55 PM

أخاف العبرة تخنقني إلا مني نطقت بـ حرف
تخيّل ساكت لْـ حزني ، و يقولوا بخته يتسلّى

أتم منزّلن راسي و مجرى الدمع ابد مَ يجف ،
أخاف يْشوفوا دموعي .. أبي بِـ الصبر أتحلّى

تروح بْـ عالمك تلهى ، و آلاحظ فرحتي تْخف
و أقول بخاطري يحسب غلاته بس ... يتغلّى

و لكنّ الحقيقة مثل طعنة و جرح ن بْلا نزف
أغص ان بس افكر بان انته [ عنّي تتخلّى ... ] !

**mysteriousgirl** · 03-10-2009, 12:17 AM

خاطري هـ الدمع اسأْله

ليه يجرحني و يصب !!

حالتي ماهي بْ سهلة

علموه إليا انسكب

قلبي ما أقدر أحمْله

والله ان الليل صعب ،

و الألم ياليت أقتْله

أو أعيش بدون قلب

**mysteriousgirl** · 03-10-2009, 12:29 AM

اللي نسى من هوْ وذاكرته سقيمة
علمّوه ان حالته هذي عــلاج

**mysteriousgirl** · 03-10-2009, 12:49 AM

يرتعش قلبي أسى و ثقل أحزان
و اللي اكتشفته بان هذا مصيره

ماله أبد رفقة ولا ليه خلاّن ،
قدره فـ قلب الغير، نقطة صغيرة

دآيم يجازونه بحسرة و خذلان
ثم يتركوه يعيش في وسط حيرة

خلوه يشوف انه ترا سهل نسيان
ولا يساوي شي و راحوا لغيره

ثم طالعوه يموت في ضحكهم : هآن
يآهي جروحه من غباءه كثيرة ..

**mysteriousgirl** · 03-10-2009, 01:09 AM

كان حلمي في وجود انسان واحد بس [ وفي ]
انسان من بين الملايين اللي بالكون الفسيـح
و كان قلبي كل يوم يصيح يصرخ مكتفـي
الوفا هذا غدربه و صار باسبابه جريـح
كل شمعة للأمل طالعتها وهي تنطفـي
و كل شخص آنا رفعته شفته من عيني يطيح
المُحآل آنا رفضته قلت بـ انه مختفي
لين ما هز فـ قناعاتي و شكوكي حزن ريح
دآم عين أغلى صحابي دون شوفي بتْغفي
و بفراقي هو عايش ، صار دوني مستريح
ما اقول إلا يجوز ان ما بقى أيّه وفـي
او انا اللي ما اساوي شي .. بالكون الفسيح

**mysteriousgirl** · 03-10-2009, 01:31 AM

كيــــــــــــــــــف

إعـــــــلان

[ أنا ] .. اللي لا بغيت أنطق لقيت إن الكلام إنقال !

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق