إعـــــــلان

**شـافي الحاتمـي** · 27-07-2009, 08:58 AM

طاري الفراق

على طاري الفراق الي مساء البارح سهرته جراح

طرالي شي من هرجي عسى ما سمعه الغالي

طرالي صوت جريته بعبره يوم قفا ورااح

كذا قلته بلا اي شعور ولا ادري ما على بالي

زعجته لا ولا ادري بقلبه هـل عليه رمااااح؟

انا لي كنت اذكره بس دموعه وصوته العالي

تذكرته يقول امووت يا خلي الجفا ذباااح

وانا ادوور الموته قبل صده هوواا باااالي

**شـافي الحاتمـي** · 27-07-2009, 09:00 AM

لاتفكرني اذا اقفيت ف معاناه

حبيبي لا تفكرني اذا اقفيت ف معاناه

بعد لاولا تحسب على صدك ب ذوق الويل

اناماني هذاك الي الا ضاقت يردد اه

اناصدري ضحك ب اهات وذا صدك يطعمه هيل

على عزالوفا رابي شربت ومغتسل من ماه

يميل الدرب عن رجلي ولــكن ما يجيني الميل

اذاصديت عنه الشي ما ارجع ولو اهوووواه

احسبه تراب في صخره محى اثره غزير السيل

**شـافي الحاتمـي** · 27-07-2009, 09:01 AM

لا تجيبو طاري الاحباب

لا تجبوا طاري الاحباب او اسم المسافر

لان قلبي ان سمعهم دش في عالم كأبه

كل ابوهن كلمتينٍ بس في صدري خناجر

الاوله محرووم منها والمسافر صك بابه

**شـافي الحاتمـي** · 27-07-2009, 09:03 AM

سلامة اهدابك

سلامة اهدابك ي غالي عن جري زرق الدموع

وسلامة عيونك حبيبي عـن يدنسـها قـذى

تعال واضمك بصدري واحفظك تحت الضلوع

تعال يا خلـي فديتك ذي عيوني لك حـذى

اهديك وش اغلا الهديا بس لا تبكي الرجوع

خلاص اسكن داخلك ما دام بعدي عنك اذى

احلفت عنك ما اسافر ولا ولا اطفي الشموع

واسكَنك مقلـت عـيوني يا بعـدهم ذا وذا

غلاك فيني منزرع وفنخاع عظمي له رتوع

وحلاك هبل عقل شيخٍ وانغسى ابه وهذى

احلا المعاني في عيونك تنرسم مثل الزروع

واصل الورود الملكي ياخذ من خدودك شذى

**شـافي الحاتمـي** · 27-07-2009, 09:04 AM

يالي تقول الحب هين

يالي تقول الحب هين اعترف انك صحيح

تعال شوف الحب فيني وكيف ناره تصطلي

وشوف الضلوع المكبسه ولي وراها هو يصيح

طفلٍ يتيمٍ منفطم ما عاد باقي له ولي

الحب يا خلي بلا والقلب من عينك جريح

وعروق قلبي ثايره والدم داخلها يغلي

مدري اذا حب البشر هين وانا حبي فضيح

من يوم ما شفتك غلا والحب يقليني قلي

ان قلت لي شلونك معايه اقول لك لوني مريح

ولا انا قلبي مقطع وحال دمه منجلي

مثل الغصن ل صفر ورقه وانتثر ان هب ريح

ما عاد يبهي العين شوفه لو مكانه معتلي

اكف دمع العين ب ايدي والفرح ابها ذبيح

واسامر بحور التعب والنايفات الزحلي

اخيط جروحي بصبري والعتب فيها نطيح

ولا جيت ابشكيلك جروحي شفت حبك منزلي

صار الغلا مثل السفينه وانت مينائك شحيح

لا حضن ذيك السفينه ولا تركها بساحلي

ولا قلت بنسالك وجودك فز قلبي وجا يطيح

وقال الغلا وش هو الغلا الا ل حبي الاولي

**شـافي الحاتمـي** · 27-07-2009, 09:06 AM

تشطب السبع العجائب

طاهره مثل الطفوله وف الحسن بدر البدور

وف العذوبه منتهاها رجحت عن كل زين

ربي الله لي خلقها نور ما يطفيه نوووور

تشطب السبع العجائب ان حكينا ب اليقين

ما هي مثل الي تروي حسنها طيش وغروور

صافـيه مـن كل عيب وجنبت عن كل شين

اي نعم ذيك لوحدها بنت من جنات حوور

طاهره مثل الطفوله وف العقل شيخٍ رزين

الهــا زين المزيااا وان وصفناها قصوووور

وش نشبه مثلها الصـمت افضـل كل حين

ذيك فوق المدح هاامه في مثلها المدح زوور

تشطب السبع العجائب بس من نوور الجبين

**شـافي الحاتمـي** · 27-07-2009, 09:08 AM

مـن صـد عنـي ويرتجي كلمة تعال
اقرب له نجوم السماء عن لا يفكر اتبعه

**شـافي الحاتمـي** · 27-07-2009, 09:10 AM

حظي

في زمانٍ تردى قام حظي يهوي

ينثني من رؤوسه لين حده استوى

والزمن دار عكسي وذا طريقي يغوي

وجرح قلبي تشربك ولا لقيت الدواء

والثواني سريعة تلتوي بي لوي

ما وصلت المدينة ولا محبي ضوى

بت وسط الصحاري وقام ذيب يعوي

لا ونيسٍ لديه وسهم حزني هوى

ذا يميني شمالي ووقت ليلي طوي

ارتميت بقعرها وقعرها ما روى

غير صوت الهموم لي سمعته يدوي

هد صلب الصخور وفوق صدري دوى

هاك جرح ألمحبه حد سيفه قوي

ما قوته الضلوع ولا قواه إلي قوى

خل خلا خليه وصار وجده زوي

عن دروب السعاده وسعد حظي انزوى

طاف وقت الحراثه يوم زجري ضحوي

بين خضر الغصون وما عليها أحتوى

ويوم وقت الحصاد والنخيل تروي

ما بقى لي حصاد غير حمر النوى

**شـافي الحاتمـي** · 27-07-2009, 09:11 AM

الضيقه الي وقتها قبل الغروب
شحيليتي لا ياتني بجرحي القديم؟؟؟!

**شـافي الحاتمـي** · 27-07-2009, 09:14 AM

يا حمد

يا حمد ي عزوتي لا تستمع

قول من ياكم على شافي وشا

الوفا والغدر عمره ما اجتمع

ولا يسف الصوف في حبل الرشا

جاك مرعد ضي برقه ما لمع

ولا سحابٍ فوق بالعالي نشا

لو رئيت لواد فائض ما تسع

شوف مصدرنبع لي منه مشى

وان رئيت النبع اعرف ليه نبع

هل طبيعي النبع ولا قد حشا

قبل وقع السهم اعرف ليه وقع

واعرف الموقع قبل لا طرشا

الذيابا تحتشر لما تجع

تفترس بالبعض واخر تنهشا

والجروح انواع منها ما يجع

ما اوجع الاجراح من جرح الحشا

اقول لك ما روم قد ما استطع

من يموت الجرح عن لا تنقشا

**شـافي الحاتمـي** · 27-07-2009, 09:15 AM

أحبابنا فهموا خطا

ألمشكله الأحباب فهموني خطا

واشطبوا بالأحمر ف صفحة غلاي

واتركوني وسط حظي لي بطا

ما دروا وش قصتي وحظي بلأي

جيت دربٍ مغرم وحبي امتطى

الجفا والبعد وجروحي وشقاي

ورجعت منها محتسب أربع خطا

الوفا والصدق والعز وخطاي

يا درب جيت راجع وعزي عطا

ما ني بحاسب لي قفى ولوح ورأي

رجلي الثريا ورأس عزي ماوطى

إلا لرب العرش احمده برضاي

دربي تواضع نفس وأخلاقي غطا

وسواء خلق تحت الجذر قمة وفاي

ولي قفى عني وحبه لي سطا

ربي يسامح له قفيته عن هواي

إلي دعيته بالقمر وأم القطا

ما عاد أبيه وكان حبي له سماي

الله ييسر وجهته ويعله يهطى

وينسى دقيقه قال فيها ميت هاي

يا كم عطيته قلب وفهمني خطا؟؟!!

وصد عني وكان قلبي هو خطاي

**شـافي الحاتمـي** · 27-07-2009, 09:18 AM

انا المجروح وجروحي نزوفه
تسيل بخافقي وتشب جوفه
لها ايام ف ضلوعي معارك
جزتني طعنت العادي بسيوفه
اهل الدمع وعروقي توني
ونين الزير من جارة ظروفه

**شـافي الحاتمـي** · 27-07-2009, 09:20 AM

وش عاد يضوي الشعر وانطفة شموع
وش عاد يعـني الليل والقمر غـاب

ما دام وجه الصبح ضيقه مع دموع
وش عاد وجه الليل والجرح ما طاب؟

**شـافي الحاتمـي** · 27-07-2009, 09:21 AM

يكويني الشوق والعبره من الطاري
وانا بدونه جـرح ميت من الكي

إعـــــــلان

فــمان الله

فــمان الله

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق