#








يلمنا الشتاء بكره وتمطر سمانا
ونلتقي بالغيم والجو العليل'

*'









ملامحنا اغاني راحلين وليل
سوالفنا حنين صرنا للحزن اغصان
واول ما تهب الذكريات بعتمة
الماضي يحركنا الحزن ونميل '.

‏-









ولأنك قريب يالله ، قريب منّي وتسمعني أنا استغني عن إصغاء هذا العالم بأسره..

@''~






‏يارب أغرق صدري في بحر الرضا والتسليم ، علمني أن لا اضيق إن ضاق بي الطريق وغاب الرفيق ، أقنعني أن الخير فيما كُتب لا فيما اشتهي واطيق.

#يارب"

-






خُذ بِقلبِي ياللّه للطَمأنِينَة ، لِلحيَاه ، لِلجنّة و لَك ..()!

امي لم يعد لدي اصدقاء يعرفون اسراري و كل شي يخصني ، انا بت سراً لا يعرفونه ، زدت سوءً اكثر من ذي قبل ، قد ضاق بي الفضاء بما رحب ، حتى قلبي ي امي ؟ يبكي ، مكتئب جداً بما مر به ..

-








هُدنَة ()!

-








أُحبُ النُّجومْ ()!

يعني هذا تحديث الوتس ما نقوا يحدثونه الا لمن طلعت من الجروبات
وربيعاتي يطرشن و ما أرد و في يعرفن اني شفته
يعني ما نقوا غير احينه لمن انا سويت هالشي 😭

الشعور الحلوو لمن يكون الواحد عنده اصدقاء يطمنون عليه وقت غيابه 😊

ما كنت اقيس غلاتي ههههه بس مالي خلق لشي
و شسمه واديوه متصله تشاتمني ايوه قولي ما تشاتميني 😒
اونه ما سلمت طشت لي: : الكلبه ليش طالعه من الجروب يلا ردي ما عندي حد اناقره ههههه ، بس نطير حسنات وخاطفين

و قعدت شوي واتصلت صديقتي ميمووش اقرب صديقاتي هذي
يالله اشكثرر مشتاقتنها ومشتاقه قعداتنا نص الليل جدام الغرفه والسوالف والاندومي
هي اكثر من صديقة أختي اللي ما ولدتها امي ..
اكثر انسانه تعرفني وتفهمني
رغم عصبيتي و اني مزاجيه و حساسيتي الزايده عمرها ما تذمرت من تصرفاتي ..
مثل ما يقوول قلوب البعض جنةة 😊

لما اتذكر كيف عرفنا بعض اضحك كنا في الفاونديشن نفس الكلاس
و كانت تحسبني دحاحه و انا نفس الشي لحد ما مره المس كانت تنادي اللي
غيابهم واصل فوق و نادتنا انا وياها هههههه وكل وحده عرفت حقيقة الثانيه خخخخ
و ظلت فتره اتيي عندي تقولي علميني ابي ادش منتديات ههههه لكنها مول ما عرفت للحين تعبتني ع الفاضي
عقب سوالف ع المسن وانتقلت عندي و صرنا صديقات خخخخ وسالفة النقل بروحها قصة تقتل لكن ما تنقال ههههههه

تدرون شو اكثر شي مشتاقتنه مشتاقه لمن انا وياها بالليل ننزل تحت نشوف السما والنجوم حاجزين لنا نجوم ف السماا ههههههه كل وحده نجمه
اقصد نجمتين 😝
هههههههههههههه اقصد هي نجمتين و انا نجمه 😂🙊

لو تشوفون حالتنا وحن ندور النجوم ميانين بس نراكض ورقابنا بتنكسر ع الاقل فينا رومانسيه احس هههه

والله مشتاقه نقعد تحت المظله يالليل ونسوولف لين الفجرر مشتاقه نبخر غرفتنا ونفرح ونصارخ لمن نرتبها
مشتاقة ننظف ثلاجتنا اللي مليانه اكل محد ياكله ههههه
و ركيضنا لمن نشوف حشره ف الغرفه وصلاتنا ع نفس السياده
ونقرا القرآن والاذكار ويا بعض

و بعد لمن تنزل اغنيه اجنبيه نسمعها بسماعه وحده هههههه اخر أغنية بيرسونالي ههههه

ولازم نتغدى ونتعشى نفس الشي اذا وحده ما اكلت الثانيه ما بتآكل

ولازم كل كورس وحده من عباياتنا نفس الشي ،ونفصل نفس الملاابس 😔

ابي ارجع اعيش وياها

ما يايني نوم ولا عارفه شسوي يا اخوي الكبير عندي طشه و ساار 😩

`







لاتثقي في الذكور لافي أحاديثهم ولا في غزلهم وطيبتهم أو أخلاقهم
كوني أنثى لاتصدق من الرجال الا أبيها ورجل بالحلال يبتغيها

اقوووول يصير نحلم احد ما نعرفه و لا موجود ههههه يعني في حياتنا ما شفناه 😶

عندي صورتين في فوني كل ما اشوفهن اموت ضحك ههههه كل ما احس اني متضايقه شفتهم
لمن افضي بحطهن هني ههههه كأنج مشغولهه بشي

اليوم سرت اسوي شاي العصرر للأسف الشديد النتايج وخيمه
يعني ماعرف شقول بس ابريق الشاي صخّم ..😔😶
هههه احترق الشاي واحترق الابريق صااارر اسوووووود اسوووود مول ما ينفع خخخخخ نسيت اني حاطه شاي ههههههه
وعاد ما يحتاي اخبر امي يات وشافته ومسكت راسها ههههه
و هزبتني طبعععا قالت انتي ما تعلمتي تطبخين جذي الله يستر عيل عقب شبتسوين
قالها اخوي يوم قلت لكم هذي ما تنفع حج شي قلت له دخيلك اهم شي انت تنفع 😭😭
هزبتني نبع الحنان ههههه هذا ثاني ابريق شاي ع فكره احرقه
و عاد الشغاله بروحها تتنازع وسارت توره في الزباله
و أنا كأني مب مسويه شي قاعده و اكل شيبس 😂😂😂
مره سويت كيكه وطلعت تخووف 😔😢
كأنها شكل سطح القمر ماعرف كيف صارت بهذاج الشكل
ما كان قصدي 😢😣
والنهايه اقعد اصيح ماعرف ليش ههههههه والله اتضايق اقعد بالساعات في المطبخ و اخر شي يطلعن اشيااءات قبيحه

عيوني ما طايعه تنام 😳

اليوم اشوف موضوع في واحد من المنتديات يتكلمون عن صور الواتس وكل حد يعق خيط وخيط
احس الناس صايره وايد تهتم فلانه شنو حاطه و ليش حاطه هالصووره والهديه من منو ومدري شوو
ياخي خلوا الناس بحالها " من حسن اسلام المرء تركه ما لا يعنيه"
صحيح ما احب اشوف وحده حاطه تفاصيل حيااتها الزوجيه ف العرض لكن شو ابي فيها هي حره عقلها براسهاا
يعني في كم مره نتناقش ف كم جروب عن هالمووضوع وقالت وحده من صديقاتي ان مب حلووه الريال يحط ستيت لزوجته او العكس
او يسميها ف فونه اسم حلوو
قلت لها ليش عاد قالت المحبه في القلوب اووك دام المحبه في القلووب عيل لا تسمعينه كلام حلو
لا تهدينه لا تسوين شي عشانه المحبه ف القلوب ، سألتها انتي شو مسمنج زوجج في فونه قالت خالد ..😳😧
هههه قلت لها يعني عايبنج هههه والله لو مسمنج اسم حلو بتفرحين بس لان ما حاصل لج تقولين جذي
لو عنج بسميه مريم ههههه عسب يتأدب والا نعم عن اخليه يسميني هالاسم !!
** سالفة الستيت بنات يقولن اللي تحط ستيت لزوجها منتزقه هههههه
ضحكت يعني ليش اذا العباره عاديه
قلت لهن عيل انا بحط يوم غايته 😂😂
وتكلمن عليي عاد هههههه ، مب شرط الوحده تحط تفاصيل مجرد عباره بسيطه و أنيقة تكفي
عالمم يلوع قالن المنتزقه بس ابي اشوف شو يسووون لمن غايته
اذا الرسووول لمن كانوا يسألونه الصحابه من أحب الناس إليك يقول عائشه
كان يجاهر بحبه للسبده عائشه يايات انتن تقولن هالشي نزقه غيبن لااه


تراني ما محصله شي اسويه وقاعده اهريت ههههه باجر بنصدم من نفسي اتوقع
تصبحون ع خير

-





اكثروا من قول لا حول و لا قوة الا بالله العلي العظيم
فقد وصى النبي عليه الصلاة و السلام ١٩ صحابي و قال
* أنها كنز من كنوز الجنة
* أنها باب من أبواب الجنة
* كنز تحت العرش
-من له حاجه يدعو الله ب لا حول و لا قوة الا بالله-
بالدعاء تزهر الأماني البائسة أملا ..()!