الحكايا التي لا تحكى و لا تبكى تأكل القلب ببطئ حتى يموت

سرت أشوف شو كاتبه في مدونتي السنه الماضيه نفس هالوقت
و أثاريني ما كاتبه شي شهرين ما كتبت فيها تقريبا
المهم احسن

ما يايني نوم
مليت من القعده بروحي
اذا ظليت ع هالحاله بصراحه اتوقع شي بيصير فيني
كله بروحي
خواتي محد و حتى صديقاتي ما عادن يسولفن نفس قبل هالكورس وايد مضغوطات
و الباجيات متزوجات و منقرضات
الوحده تقتل

من تخرجت و احس اني فعلا كبرت و تغيرت وايد
فيه اشياء للأحسن و أشياء للأسوأ على قولة أختي مشتاقين غرور القبليه
حتى انا مشتاقتنها بس ماتن مواهبي الفكاهيه من الملل
احيان اقولهم لحد يرمسني خلاص و الا بضارب

اكره شعور والله

اختي تقول لي خلي ابوي يطلعج يمشيج ههههه
اقولها وين يعني سوق السمج و الا وين يعني

و بالجمعه اختي و زوجها شالين اليهال الألعاب و يقولون لي تعالي
قلت لهم والله ما ايي ما احب اروح ويا ازواج خواتي و مستحيل بعد حتى لو انهم عيال عماتي

مره ابوي طلعني السوق لو شايفين كيف فرحتي فرحه أطفال مجهزه العبايه و الشيله
و مرتبشه و حالتي حاله و ظليت يومين فرحانه بس ههههه
لحد يصيح خلاص بسكت خخخخ

انا مش بتعت الكلام ده

ع طاري السوق باغيه اروح السنتر هالجمعه و لو خبرت اخوي بيبلعني ههههه
لو قلت له سايره اشتري هديه حج ربيعتي هههه زواجها شهر 4
و ابي اخذ لها هديه
احسني من كثر ما فاضيه بس قاعده و اشتري هدايا هههه من كثر فلوسي يعني هههه
قبل اسبوعين خذيت هدايا لبابا و ماما ،، لأمي فصلت لها مخور
أما ابوي شريت له عطر عود / بخاخ
و عايبنه ابوي وايد اول ما تعطر منه خبرني بالباجر قالي امس الصباح
تعطرت منه و لليوم الريحه في السياره ههههه
و عادني فرحت وايد

و هديت نفسي و فصلت لي عبايه حج عرس وحده من اهل امي تقرب لنا من بعيد يعني
فقررت أفرح نفسي هههه تجهز هالخميس و حاشرتنهم حد يسير الفجيره اييبها

هذي الاشيا اللي تفرحني وبس
لو نتوظف زين بنتدلع زياده

اووووه صح هالاسبوع عرس ولد عمي
لكن ما بيسوي حفله و لا شي عشان الوضع
أيام زمان كان يحب اختي الكبيره و امي رفضت
و احين حليله بيتزوج
ربي يسعدهمم

كني قمت اخورها

سالفه ولد العم ذكرتني بسالفه
اعرف وحده كانت تحب واحد
هي بلوشيه و هو من قبيله ثانيه و حبهم مستمر 11 سنه تقريبا
من لمن كانوا صغار يعني
درست و تخرجت و لمن خلصت خبر اهله عشان يتقدم لها و رفضوا عشانها بس بلوشيه - مادري ليش يرفضون
المهم ظل يحاول و ما قدر لهم و عقب حبيبته هاي تزوجت
و عقب زواجها ب 6 أشهر تطلقت .. صارحت زوجها انها تحب احد غير
و ما تقدر تنساه و عقب ما تطلقت تزوجها حبيبها بالسر يعني اهلها يدرون بس اهله لأ
و عايش ف الامارات و لمن يقولون له اهله تزوج يقول مابي اتزوج
و هو عنده ولد اصلا هههههه

انا بصراحه ما حبيتها بنوب هالبنت دام انج ما نسيتي الاولاني ليش تتزوجين
و كيف ترضين تتزوجين واحد هله ما يبونج
و هو هم غلطان

احسن لي ارقد لاني احسني قاعده افضح الاوادم

-



أرح بالك ومسمعك
| - http://t.co/8QsYCahYLQ
❤❤

-




إن الله لا يبتليك بشيء الا و به خير لك
حتى وإن ظننت العكس
فالحنين ابتلاء , و الفراق ابتلاء
و المرض ابتلاء و الموت ابتلاء
كل أمر يزعجك و يعكر صفو حياتك
و ينزل دمعاتك فهو ابتلاء
فلا تنسى وعد الله تعالى "وبشر الصابرين "

#أرِح قلبك ��

‏​‏​‏​　











الكاتب والروائي الروسي #ماكشنوف_ريسلينر أصُيب بِسرطان الرأس عام ١٩٨٠ م ، وكان موته وشيك فقرر القيام بخطوه لم يسبقه أحدٌ لها ، كتب ١٠٠ ألف رِسالة حب لزوجته المعَشوقة "كارليتا" ، وكأنه يتحدث لها بعد وفاته ويطمأنها على حاله في الحياة الأخرى ، فأرسلها إلى البريد ودفع التكاليف بأن تُرسل لها كل أسبوع رِسالة ، ظلت تصل لها الرسائل حتى تُوفيَت .

فقيرة حياء تلك التي تحدق في الرجال