-





حين يرزُقك الله الرضا -
لن تهزمك دُنيا ولن تغلبك أوجاع
ستجتاز الحياهَ بأمان ، قُل دائماً :
اللهم إني أعوذ بك من جهد
البلاء و سوء القضاء .
صباح التوكل على الله

دثروني بصدق الدعوات في ظهر الغيب
لعلكم تكونوا أقرب منزله إلى الله مني

مساكم كل الأشياء الجميلة ك " أنآ"

أحلى شي خلصت اختبارين اليوم ومستانسه حدددي ، الحمدلله
ابي اخلص عندي ألف مخطط ومخطط أهم شي ابي اسوي حمله عناية بالبشرة والشعر
حاسه نفسي حلطة هههه
طبعا اليوم بشوف فيلم أنت حبي ؛ اللي محمسني أغنية الفيلم
حلو و و ه حيل
متكسرة من التعب مب راقده من يومين ارقد ساعتين بس

ووو إلى اللقاء تنكي وينكي
إلى اللقاء ديبسي
إلى اللقاء لالا
إلى اللقاء تليتابيز
ههههه معليه تحملوني

اليوم ف اول اختبار لمن خلصت حاله كتب للدكتورة
Dr plz help me i have 2 exams today
هههه مع إني حاله وطبعا رسمت فيسات يصيحن
الاختبار الثاني جان حليوو
والحمدلله اني ما صفعت هذيج اللي تراقب
اونه يايتني تركض وجنت حزتها رافعه ورقتي شوي
وصفعت الورقه وانتفضت بكبري
نزقتني ويا راسها وتروح لرفيجتي وتصفع ورقتها
عبالها باغين نغش يمكن
بس طبعا قبل لا أطلع عطيتها نظرة محترمه ومشيت
عشان تعرف تحترم
المستر الثاني بعده عنده ذوق
وتعامله لطيف وهي طايحة تصفع أوراقنا
وكالعادة محدثتكم الكريمة عيوناتها صايرات كورتين ههههه
ما رقدت فيني تعب الدنيا لكن كل ما اروح ارقد يطير النوم
وأمس من الضيج قعدت أصيح ابي ارقد وما أروم

برجع لكم يا هلي بشوقي ولهفتي ~

ضحكت من خاطري صراحة قسم هبال ع الآخر كل مرة نروح لأحد
اونه نفوشة تقولي مشتاقه لج البطرانة قلت حرام مب بطرانه ههه قالت فديتج وفديت بطرتج هههه
ما فيه أمل خلاص
وعقب سوينا اكشششن حمآسي بقووة مستحيل أقوله
لانه صج ينون يحتاج لنا ابن سينا
ع طاري الاكشنات وحده من الشلة بتتخرج هالكورس ولمن سارت عسب اجاراءات التخرج
عمادة شؤون الطلاب مب راضين يسوون لها اخلاء طرف
قالوا لها أنتوا قضيتكم ما انتهت
هههههه مشاكل الله وكيلكم مطفرين بالمشرفات ومشتكيات علينا
مسوين سوالف واكشنات هههه
يبي لهن قعدة صراحة

##
لا تسمح للآخرين أن يأخذوا الأولوية في حياتك ، عندما تكون أنت خياراً ثانوياً في حياتهم !
🔖تذكير قبل النوم🔖
الوضوء .. نفض الفراش ثلاثاً .. صلاة الوتر .. قراءة سورة الملك .. الاستغفار .. أذكار النوم .. تصفية القلب .. توقيت المنبه لقيام الليل وصلاة الفجر ..
كل ٲمنيآتي .. ٲن تكونوا دوماً بخير .. ♡

لولو الثعيرة لولو
لولو الذميله لولو
ههههههه أغنية لجين هذي ، هذي الفترة أنا فاقدة كل قواي العقلية
مشتاقتنهم ف البيت وخاصة الصغار على قولة امي ارتاحوا الصغار مني هههه
الواحد لمن أشيله خلاص يهتلك من كثر ما ألاعبهم هههه
أوني عاد تراني مسويه لهم سالفه عقب بضربهم مرة ضربت يمون
وقلت له ما أكلمك تخيلوا سار يصيح ح أمه وقالها شوفيها ما تكلمني ههههه
كله ولا حد يقوله ما نكلمك قسم يصيح من خاطره
ومعذب لجين وأخوه من الخاطر
اونه هذاج اليوم اختي يايبه الميلسه مال لجين ويمون يخمس بلجين ههههه
على كبر البيت خخخخ وهي تصيح من خاطرها وسرت له اهزبه ومب راضي
يصيح يقولي ييبيها أصمخها ههههه ولمن شلتها تطالعه وتصيح
اصمخها يعني اخمس بها هذا الانسان يقتل من الضحكك
ياخي حلوين افعصهم فعاص
هههه على قولة اختي عيالج انا متكفله فيهم ما ذنبهم انج امهم ههههههه
أبووو التحطيم صراحة
أنا في حالات ما انفع مرة لجين تعبت وأمها محد لو شايفيني كيف أشاهق من الصياح
خخخخخ اتصلت ح اختي تعالي بسرعه وأصيح زين ما أغمى عليي هههه
نعسانةة حدي « مستحيييييل ههههه
slp~

#








و انت تحكي
صوتك اعذب من قصيده في
ملامحها بكا .. و انت تحكي ،
ودي اهمس بأذنك ؛
انت اجمل من بهالدنيا حكى ♡

#'







يُوجِعني فَرح منقُوص ،أكثَر ممّا يوجِعني حزنٌ مكتَمل....!!

قبل ساعه اشوفهم يسولفون ف جروب العايله ولمن تكلمت
قالوا لي البيت ما حلو بدوني
وعقب ضحكت ع سوالفهم وقالت لي أختي غرور الضحكة ما من قلبج ليش !
صح والله ما جانت من قلبي ونزلت دمعتي واسولف وكله اكتب خطأ
ويضحكون عليي

استغفر الله

"يا ليتني مت قبل هذا وكنت نسيا منسيا"

رب في قلبي شيء لم أعد تحمله ، أسألك يالله
أن تمنح قلبي صبرا "

لولا السقوط المتكرر .. لما تعلمنا كيف نمشي !
🔖تذكير قبل النوم🔖
الوضوء .. نفض الفراش ثلاثاً ..صلاة الوتر .. قراءة سورة الملك .. الاستغفار .. أذكار النوم .. تصفية القلب .. توقيت المنبه لقيام الليل وصلاة الفجر ..
ٲحبتِّي ..
•إنَّها ليلةُ الجمعة فٲكثروا من الصلاة على الحبيب ♡♡
كُل ٲمنيآتي .. ٲن تكونوا دوماً بخير .. ♡

#





رب إني لا أشكو ولا أبوح لأحد كي اكتب من الصابرين
فبشرني بما يسعدني

صباح الثقة بالله

امس شفت موقف في قمة الوقاحة وقلة الأدب «وعذرا على هالكلام
اول شي ساكته عقب ما تحملت أشوف
بنتين ويضحكن ح هنود ومطيحات الميانة والكشه برا
وبعد ما من حلاتها
والهنود يغنون وهن يضحكن ويصارخن
اقولكم حسيت بسير أضاربهن والله
عقب عطتيهن نظرة وقلت لهن وايد عليكن
وصديت الصوب الثاني وسكتن وقعدن شوي وراحن
عاد لو ما رايحات احس عادي اصفعهن قسم عصبت
اول اقول مالي دخل عقب ما تحملت
ههههه اهم شي عقيت كلمتين

#












إنما أشكو بثي وحزني إلى الله ..

احسني حزينة
زعلت على خواتي واختي تطرش وما رديت عقب اتصل أبوي وما رديت
بس قلت بتصل فيه بيشوف آخر ظهور وبيعرف اني شايفه الاتصال ورجعت اتصل وما رد
وعقب اتصل وما شفت الاتصال
ورجعت اتصل أنا وسكره واتصل فيني
قالي اشفيج قلت له ماشي
قال عارف تراني قلت له زعلانه عليهم
قال مزحة بس لكن ما عليه
وانا طبعا منتفخة ما اتكلم وسألني تعشيتي!
هههه يووه مب من احين خبرني شو مسوين للعشا قلت هيه يوم انا محد تسوون قال ما يهمج
لمن ترجعين نسوي لج (فيس مستانس ومستحي)
ههههه عقب ضحكت وقعد يسولف وخبرني اليوم بيخطبون لعمي
حمماسيشن صراحةة عادني مفكرة بالستايل هالمرة ابو الطرطريشن إن شاء الله خخخخ
ورديت على اختي اهزبها ابرد فوادي خخخخ

رب أنت أعلم بكل شي ، أحتاجك يالله فكن معي


’’ الأخْلَاٌق ’’ .. تَكفِيكَك لِتَكونَ جَميلاً وَ بِأرقَى دَرجَات الجَمَال" 
🔖تذكير قبل النوم🔖
الوضوء .. نفض الفراش ثلاثاً .. صلاة الوتر .. قراءة سورة الملك .. الاستغفار .. أذكار النوم .. تصفية القلب .. توقيت المنبه لقيام الليل وصلاة الفجر ..
كل ٲمنيآتي .. ٲن تكونوا دوماً بخير .. ♡