https://www.youtube.com/watch?v=qXNwakKwyco

هذي النشيد كانت اهداء من شخص الله يذكره بالخير ان شاء الله دووم ويسعده..
كنت مريض في اول يوم العيد وترقدت أول الصباح قبل سنتين هههه وأهداني هذي النشيد هع

الكل عاتبني إني سافرت قبل العيد للهند..
أكيد العيد برع بعيد عن الأهل صعب.. لكن محد يعرف بالظروف غير الله..
وما عندي غير هالفرصة عشان الاجازة تكون طويلة وتكفي ..
الحمدلله على كل حال..
الحمدلله..

أشتقت لأشخاص كثيرين..

♥كل عآم وآنتم بخير وفي رعآيةة الله .. ♥

أمس تلعوزت في تغيير الحجوزات مالي للتذكرة والفندق
آخر مرة احجز في طيران العربية (فيس كاتم غيضه)
اوين بس اغير الحجز ادفع تقريبا مل 60 ريال يعني كأنها تذكرة جديدة هذا بالاونلاين.. هم يحسبوا ضريبة على قدومك مرة ثانية بالموقع..
بس الحمدلله رحت سويت بحث ف جوجل عن مكتب للطيران مالهم وحصلته قريب من الفندق الي حاجزنه ورحت معهم وخبرتهم بالمشكلة قالولي ايوا يعرفوا هالشيء..
عاد غيروا لي الحجز هم من السستم ما قصروا وبعد رجعولي 50 ريال هههه..
باقي تغيير حجوزات الفندق وبكرا ان شاء الله بروح إلى بنجلور وعسى خير..

آخر مرة احجز 2 way اذا ما كنت محدد وقت رجوعي ومكان الطيران..

وبس

فيني فضفضة عميقة


https://www.youtube.com/watch?v=ulgosC5EUy4


أحبك يآ ربي
فلآ تكلني إلى أحدٍ من خلقك ولا تكلني إلى نفسي

الحمدلله على كل شيء يدبرهُ لنا..
على الانسان انه يصبر حتى لو تعب او مل حاول بعدك تصبر وتصبر..
لان الله مع الصابرين..
الحمدلله..

الجامعة بدأ الدوام فيها
طبعا الحبيب ما في عمان وبعده لحد الحين ما سجل مواد
ما اضحك غير على نفسي اليوم اريد ادخل الموقع مل الجامعه بس للاسف كنت ناسي رقمي الجامعي هههه
احسني ما صاحي هع

باقي لي فصل ومشروع تخرج واخلص الماستر ان شاء الله
سبحان الله الايام بسرعة تمر
يالله بحسن الخاتمة ورضى الوالدين

حقق الي في بالك رويداً رويدا..
وتوكل على الله في كل خطوة..

ما عليك من كلام أحد.. ما عليك من الي يجرحك بالكلام وأنت ساكت..
ما عليك من الي خلاك وراح عنك وما وقف جنبك..
ماعليك من الي يظن فيك ظن السوء..

ما عليك غير بطاعة الله وصلاتك .. ورضى الوالدين..
وكون ايجابي في الحياه.. افرح وقت الفرح.. واحزن وقت الحزن..
لا تسرف في الفرح ولا تسرف في الحزن..
اسرف في ذكر الله حتى لو مشغول..

ههه من ضمن الكلمات الي البعض قالها لي:
"انت ما صاحي تعيد برع عمان"
"انت فيك حاله نفسيه ولا محد يسافر وقت العيد"
"شي وراك ولا من يسافر هالوقت وش تسوي مسافر"

هههه اوك وبعدين؟ خلصت الاسئلة..!!
ياخي ترا ما شرط ظروفك نفس ظروفي.. وما شرط اقول السبب ليش انا مسافر!! ياخي يمكن معي ظرف او معي شغل وما يصير غير بالاجازه.. يمكن ويمكن..
واخر شي محد له خص هههه

بس الفضول ليش؟
سبحان الله ي هالناس

مره شخص قالي جملة لن الحين في بالي في ما معناه "انت هامل نفسك" او "ما عاطي نفسي حقها"
اكثر جمله اثرت فيني .. لكن ارجع واقول الحمدلله على كل حال وهو اعلم بالحال..
الحمدلله الحمدلله الحمدلله رب العالمين..

اللهم لا تكلني الى أحدٍ من خلقك ولا تكلني الى نفسي يا الله..

نم وانت قرير العين دائما..
وابتسم بقدر المستطاع.. ولا تحزن ابداً..
كل شيءٍ أحزنك سيبدله الله لك بسعادة..

ألذ طاعة في الحياة هي طاعة الوالدين
تلذذ بها ما داموا على قيد الحياة..
وان لم يكونوا على قيد الحياة ادعوا لهم عند كل سجدة..
ولا تنسى ارحامك بالدعاء..
سيسخر الله من يدعوا لك بعد موتك ايضا ان شاء الله..

قابلتهم بالاحسان دائما..
وقابلوني بالإساءة من خلفي..
الله يسامحهم..

الله ولي أمرنا

"فالله خيرٌ حافِظاً وهو أرحم الراحمين"

شكلها مرحلة انتقال لي من تخصص برمجة الى automation هههه
بديت اتعلم PLC وبديت احب طريقة تشغيل الآلآت في المصانع والتحكم فيها

بس الحمدلله لحد الحين ما خربت شي انسان مؤدب هع

باقي لي يومين لن اختار مشروع تخرجي 0_o
ما عارف شو اختار وشو اسوي
عسى خير

هذي السنة ما متفق ل شيء من كثر المشاريع الي ماسكنها
كل ما يكبر الشخص تكبر مسؤوليته
ماعرف شو علاقة الكلام الي وفوق بالكلام الي بالنص هههه
المهم اني مزحوم وأبا احشش قبل لا أنام بس افضل احشش مع نفسي لان محد يتحملني
حلو لما تعيش حر وما مرتبطة حياتك ب اشخاص
الي يروح يروح الحافظ الله والي يجي يجي يا هلا به

وتصبحوا على خير

احبكم.. عسى الله يجمعنا في الجنة