إعـــــــلان

**حمد البدواوي** · 23-08-2008, 12:40 AM

محتاج للشعر ..امنحوني الشعر رب الحب والدهشة .

ملاك الطهر والميسر ، إناء الخمر ، قاتل كل عصفور ٍ
هو اصلا ً من بنى عشه !
انا محتاج للشعر
ادخلوني جنته ..أو فـ امنحوني خارطة
توصلني لعرشه !

المبدع .. تركي حمدان

**حمد البدواوي** · 24-08-2008, 02:48 PM

4 سنـيـن أكـسـر حدود الأماني
4 سنـيـن تخـون قـلبي ولا خنت

4 جـروح تـعـيش في شكل ثاني
كل عام وجروحي على شان هالبنت

**حمد البدواوي** · 02-01-2009, 10:38 PM

لـ وحدي ما معي غير الألم والخوف
يـ ربي وش عليه إن جا يراضيني ؟

..
..

**حمد البدواوي** · 02-01-2009, 10:49 PM

يـ بدرية ، مع أني ما زرعتك داخل أنفاسي
ولكني عجزت ألقى لـ ميلاد الجفا تبرير
تلاقينا وكن الأرض ما تستوعب إحساسي
تفارقنا وانا أهديتك خفوق وشمعه ونوّير

**حمد البدواوي** · 02-01-2009, 11:06 PM

حبيبي ، في الخفوق 4 غرف واختار وين تريد
ولكن لا تشاغبني وتعمـل فـوضى في قـلبي
ونام وقوم واستانس ، تدلل يا بعد هـ الغـيد
تمشى في شراييني وقول أن الهـوى غـربي
ودلع نفسك بكيفك لأنـك راس مـال وسـيد
وكل الشوق لعيونك يجي من لهـفته يحـبي
ونقّص أكسجيني أو على كيفك يا عمري زيد
تفحّص ذبذبات أم الخيانه ، والفحص سلـبي
حبيبي شوف لك حاجه على ما تشتهي وتريد
ومن ترجع بتلقى قصرك ف داخل غرف قلبي

**حمد البدواوي** · 03-01-2009, 03:31 AM

احس إني وانا معهم غريب اكثر من الماضي
لي الله كيف ألاقي في قلوب الصامتين دروب!!

**حمد البدواوي** · 12-01-2009, 06:48 PM

الإهدااااء .. إلى صاحبة القلب النرجسي الشفاف ..
ياللي يشاغبك الحيا ، حنيت لك كثر التراب

مـدّي لأحـداق الحــزين العنفوان
مـرّي عـلى جـرحه بنظرة خاطفه
واقـري عـلى صمته تعاويذ الزمان
بتطيح في حـضنك عذوووق السالفه
:
:
تـنبـت مسافـاته حـنين وأقحوان
تسكـت دمـوعٍ للعـروق الـنازفه
انسان لكن في شـمـوخ السـنديان
حـلـمه كـبـيرٍ والجـراح تلاطفه
:
:
ويهز صوتك غرفة ضلوعه : جباااان
ترميه بظـلال الهمووووم الوارفـه
مع أني ما أقـدر أعـاند هـالزمان
بوقـف جـبل حـتى تـمر العاصفه

الثلاثاء 12 / 1 / 2009 .. صباحاً

**حمد البدواوي** · 19-04-2009, 11:35 AM

عفـا الله عـنك من أول خطا لآخر خطا جبته
مسامح ، روح بس أرجوك لا تسأل علي ثاني

**حمد البدواوي** · 26-04-2009, 04:12 PM

دخيلك ، هات لي : قطن وكفن / مسك وبعدها روح
في عـيني الـدنيا ما تـسوى بعد عينك ولا حاجه

مدامك ما تبي تنطـق شـفاتك : يا حـمد مسموح
أنا ما عاد لي صـاحب في هـذا الكــون أحتاجه

**حمد البدواوي** · 13-06-2009, 08:33 PM

ما خفت من حاجه كثر طاري فراق
ما كنه إلا المـوت في شكـل ثاني

**حمد البدواوي** · 13-06-2009, 08:39 PM

مجنون بالعزلة / وفي داخلي شي
يجـبرني أتـرك كل حاجة وأسافر

**حمد البدواوي** · 18-09-2009, 05:37 PM

عطني عذر واحد يبرر غيابك
من بعدها فارق إذا ودك تروح

**حمد البدواوي** · 18-09-2009, 05:38 PM

تدري غيابك صعب وشلون فرقاك !!
ياللي مكـانك بيـن جفني وجفني

**حمد البدواوي** · 18-09-2009, 05:41 PM

تعبت أدوّر عـن صداقات وأحقاد
وأثره عدوي بين ضلعي وضلعي
يا ساكـن المنفى انا صدري بلاد
خانوك ناس وما وفى غير طبعي

**حمد البدواوي** · 04-10-2009, 12:30 AM

تلوميني عـلى العـشق القـديم وقـلة الحيله ؟!
على حـلو الكـلام اللي زرعـته داخل آذانك ؟!
على الحلم اللي داريته سـنين ومـات في ليله ؟!
على الشخص اللي خلاني حزين وعاف شطآنك ؟!

إعـــــــلان

سيمفونيات من وجع ...

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق