تويت
السلام عليكم
اليوم راح اكمللكم الجزء الثالث من الرحلة النهاشية لتايلاند
لمتابعة الجزء الأول اضغط هنا
لمتابعة الجزء الثاني اضغط هنا
طبعا هالجزء راح يتكلم عن فقط عن رحلة جيمس بوند
بالبداية كانت تكلفة الرحلة تقريبا 4000 بات .. ما يقارب خمسين ريال عماني لشخصين
شامل وجبة الغداء وجميع التكاليف و التوصيل من و الى الفندق
طبعا فهالرحلة نصب علينا المكتب .... كنا ع نياتنا و ما نعرف الاسعار
بعد ما حجزنا بيومين اكتشفنا ان سعر الرحلة بجميع التكاليف في مكاتب اخرى لا تتعدى 2000 بات لشخصين اي ما يقارب 25 ريال عماني
المهم الله كريم ... والله يسامحهم .. بس اذا رحتو ترا المكاتب نصب ف نصب ... اذا عطوكم قيمة طيحو اكثر من نص القيمة
المهم
طبعا انطلاقتنا كانت من الفندق الفنتك صراحه مثل ما عرفتكم عليه في الموضوع السابق
وبعد وجبة الفطور (( البوفيه )) المجاني من الفندق
وصلنا الى المينا الي بياخذنا في هذي الرحلة
مثل ما تشوفون اول شي نمشي ع طول المينا
اخليكم مع صور الاستعداد
وهذي بداية الرحلة ... طبعا خلال الطريق راح تشوفون جزر اخرى راح نمر عليها مرور الكرام
بس العجيب ... شوفو هالطبيعة كلها في جزيرة يحيطبها البحر من جميع الاتجاهات
سبحان الله
والحين هنيه وصلنا الى جزيرة جيمس بوند
بعدين خذونا برحلة قصيرة بالقوارب الصغيرة .. كانت ممتعة جدا صراحة
بعدين نزلنا جزيرة غير شكل صراحه
جزيرة عادية .... بس تدخل ف كهف .. وتطلع في مكان عجيب الاشجار فيه عجيبه ... اخليكم مع الصور
وبعدين عدنا مره ثانية الى الميناء ومنها الى الفندق .. ومنها نومه لمدة 15 ساعة
ترقبونا في الجزء الرابع و الرحلة الى تعرضنا للموت فيها ...
تعليق