ياسحاب الوسم يـاروح الحيـاه
ياغـلا محمـد وغايـة مطلبـه

-

ياقمر ليله ونـوره مـع ضيـاه
ياعيـون(ن) بالمحبـه ترقـبـه

-

حبـه الراسـي وأول مبـتـداه
واخر هموم(ن) تجيـه وتتعبـه

-

يادفـا قلبـه وطـبـه يــادواه
سلسبيـلا" عـذب ودي اشربـه

-

والله انك غايـة القلـب ومنـاه
والحنايـا فـي غيابـك مجدبـه

-

ياعذب انسام الهوى واقصى مداه
وياسبب ذيك الجروح المرعبـة

-

في عيونك ياوله مـوت وحيـاه
ونظرتك تكوي الخفوق وتلهبـه

-

بين رعشة جفنك وهمس الشفاه
ضعت ضيعة من خيالـه يجذبـه

-

لاقربتـي قلـت ياريـم الفـلاه
ولابعدتي فالشبه نفـس الشبـه

-

لاتخيلتـك وشفتـك يالمـهـاه
كننـي نايـم تـوقـظ وانتـبـه

-

ارحمي قلبا" تزايـد فـي عنـاه
هايم بشوقه وجرحـه ماصعبـه

-

وياسحاب الوسم ياروح الحيـاه
ياغـلا محمـد وغايـة مطلبـه


(منقول)