تويت
**..بلا زحمة ولا اشواك ولا ريح تلاطم بي..**
في زحمة الأشواك والريح تعسف بي
شرقت انا بريقي ومت من العطش ضميان
نسجت من التعب ليل عجزت اشوف لي صبحه
وتراكم همً بقلبي وتخالط مع قفص صدري
لقت كل الهموم اليوم بيت تسكنه لبكره
وعجزت القى انا شخص اعيش اليوم في صدره
رحلت..رحلت لصدر هالدنيا وتتلحفت الأمل..يمكن
يمكن يجيني شي من اقصى الخفوق اليوم ينعشني
يرتب باقي اوراقي يبعثر شي من همي
وتعطش هالهموم اليوم ولا تلقى لها ساقي
وتبختر في حانجرها سيول الكون وهي عطشى
وانا من كثر ما تضايقنت من سم الهموم اليوم ابي ارجع
ابي اشوف هالهم الثقيل يطيح او يصمد
ابي اطعن انا في صدري بسيفٍ من أمل بكره
وابا اتوسد أمل بكره وانام واهجر اضغاثي
ابي اصحى على خيلي الصمود سارجً ظهره
واسابق هالرياح اللي تلاطم حول اوردتي
وابيها من بعد ضرب السيوف فصدرها تنحب
ولا يبقى على كتفي هموم ولا بعد حسره
انا ان قلت بذبحها تراني ناوي اذبحها..
هموم في حشى صدري طغت واليوم بذبحها
بلا زحمة ولا اشواك ولا ريح تلاطم بي
الجاسي
تعليق