ويعني لو تفارقنا وبلل دمعك ثيابي
ويعني لو تعذبنا وضاقت روحنا فينا..
مشاعر قاتلة هبت على شباكك وبابي ..
جدار البيت يتناثر حطامه بين أيادينا..
بسيطة لو تألمت وطريقك تاه بأسبابي..
يكفيك الزمان اللي نهانا عن خطاوينا...
ياآخر عشقي..البارح وطت ذكراك بكتابي..
عجز هذا القلم يكتب ولا كلمة تواسينا..
يجي باكر يجي بعده ويلحق سكة أعتابي...
وإذا هذا الزمن يذكر أسامي ما يخلينا
ويعني لو لفى صوتك.يزور الدار بغيابي..
أنا صوتي رحل مبحوح بين البحر والمينا..
بدوّر عن بقايا صورتك برفوف دولابي..
وإذا شفتك..أبذرف دمع يحكي كل ماضينا..
أحس بشيء في وجهك...لعب فيني وفعصابي..
وأشوف الوقت يسرقنا..يدمر كل أمانينا...
ويعني لو تفارقنا..وتاه النوم بأهدابي.
ويعني لو بكى ليلك ألم ذكرى ليالينا
تألمنا..تفارقنا..وصرت آكسّر حسابي...
تذكرت الفرح وأيام مرت في تلاقينا...!