انـا معـك كـلـي و لانــي مخلـيـك
مابـي افـارق مهجتـك لــو ثـوانـي

قلبـي يبـي قربـك و روحـي تنـاديـك
و العيـن تحفـظ زولـك اللـي غوانـي

ابـي يدينـي عطرهـا دوم فـي يـديـك
يـا عـود مـوزٍ راويٍ مــع ليـانـي

ابيـك و اللـي نـزل الغيـث انـا ابيـك
حبـك سـرق قلبـي عـيـانٍ بيـانـي

و ابيـع كـل النـاس يازيـن و اشريـك
بالـروح و عيونـي و نبـض قحطانـي

اسهـر و اعـد نجـوم ليلـي اناجـيـك
و ارحّـب بطيفـك ليـا مــن لفـانـي

كلي معك ..لك..لاجلك..ازعل و اراضيك !!
و البسـك حـبـي و دافــي حنـانـي

و اغـار مـن اهلـك و نـاس حواليـك
و اغـار حتـى مـن ثيابـك و اعـانـي

اموت فـي عيونـك و زولـك و طاريـك
لا مـن نظرتـك صـار عشـري ثمانـي

حتـى عيونـي .. شوفهـا يـوم الاقيـك
و الا عـن العربـان ..؟ ربـي عمانـي

ودي تفـك ظلـوع صـدري و واوريـك
قلبٍ خظـع.. و احسـاس حـبٍ خذانـي

هـذا غـلاك مـوثـقٍ لــك بتملـيـك
لو قلت مهما قلـت .. يعجـز .. لسانـي