تويت
يكفي بروح العب بلاي ستيشن وبعدين يصير خير
-
ههههههه -
شــــــــــووووووووووووووووووف انته
انا جالسة اسوي كوبي بيست سمحلنا اخوي
عشان اقراه مرة وحدةOh Allah, Help us to Remember You, and Thank You, and Worship You in the Best of mannersتعليق
-
سوري ع الغلطة ....الجزء الثامن والثلاثين والتاسع والثلاثين بنزلهم مرة ثانية هههههههتعليق
-
الفصل الثامن والثلاثين.........................في شناص في المزرعة..........................حسن جاعد يسقي الأشجار...وعبد العزيز جاعد تحت غافة مهموم وايده ع خده .حسن يقترب صوب عبد العزيز : عزوز ماخلاص؟.عبد العزيز : ارجوك اسكت ياحسن ...أحس إني خلاص بموت.حسن : قوم قوم لاتبلينا...بوديك بيتكم لاتطيح علي هنا....شكلك بتمرض قوم.حسن يساعد عبد العزيز ع النهوض.عبد العزيز : حسن حسن ....أبي أروح لوى.حسن : ماشي روحة ...إنسى مفهوم؟؟.عبد العزيز : لا أتكلم جد.حسن : وانا اتكلم اجد منك .عبد العزيز : حسن أنا أحب شوج والله العظيم .حسن : ترانا ماجلنا شيء .وفجأة يرن موبايل عبد العزيز : ترررن تررن.عبد العزيز يمد ايده ع جيبه ويطلع الموبايل ويرد بدون مايشوف من المتصل .عبد العزيز : الووو شوج.المتصل : ..................!!.عبد العزيز : ليش ساكتة ؟؟.....ردي؟؟.المتصل : أنــا أنـــــــا......!!.عبد العزيز : أرجوج تكلمي لاتخليني ع أعصابي.المتصل (شوج ) : عبد العزيز الرسالة وصلتني تو.عبد العزيز : يعني كيف ؟؟....فات الأوان.شوج : لا لا لا لا لا.عبد العزيز : عيل كيف؟؟.شوج : الملجة تأجلت بسبب ظروف عند أهل عبدالله.عبد العزيز وهو يتنفس الصعداء : أحبج أحبج أحبج....شوج ماتحبيني ؟؟.شوج وبعد صمت : عبد العزيز ...هالكلام مب منه فايده في الوقت الحاضر ....لإن الملجة إتأجلت بس .عبد العزيز : شوج إفهميني ....أنا للحين ماعرف شعورج تجاهي ...ماجدر اسوي أي شيء .شوج : عبد العزيز ...زواجي من عبدالله زواج التزام .عبد العزيز : يعني إنتي ماتبين عبدالله ...ماتحبينه؟؟.شوج : أنا أحترم عبدالله ...مو أكثر ياعبد العزيز .عبد العزيز : وأنــــــا؟؟؟.شوج والدمعة خانقتنها : هي...ه.!!!.عبدالعزيز: فهمت ماراح أحرجج أكثر .أنا بكلم عبدالله وراح أجوله كل شيء.شوج : بس مب الحين أرجوك....لإن ظروفهم ماتساعد.عبد العزيز : تمام ...بجد ريحتيني ....تصدجين ماراجد من البارحة والله ...جاعد أحاتي....بروح ارجد تو.شوج : طيب عيل بخليك .عبد العزيز : اوكي...حياج...أجصد تصبحين على خير.شوج : وإنت من أهله.تغلق شوج الموبايل وعبد العزيز مب مصدج ان اللي صار قبل دقايق واقعي .حسن يقترب من عبد العزيز وبإيده عسو ( عذج رطب) وهو يجول : والحين شو تباني اسوي فيك؟.عبد العزيز : حسون لاتكون بتسويها ....ترا بجد أنا مريض.حسن : بخليك بس عشان شوج ...يالله إمشي أوديك البيت ....لإن شكلك يخرع.عبد العزيز : أدري ...يالله.عبد العزيز وحسن وهم يمشون في المزرعة متجهين للسيارة الا ويشوفوا رجية هي ومهرة يحوطن في المزرعة .عبد العزيز طنش وكمل دربه بس حسن وجف وجعد يطالع رجية .عبد العزيز : حسون ...شوفيك ؟؟.حسن سرحان ومنهمك بالمطالعة .عبد العزيز يضربه ع ظهره بقوة ويجول : عيب عيب تعاين البنت.حسن : اوووه والله بدون جصد ...زين كسرتلنا ظهورنا .عبد العزيز : أشوف تطور .حسن : شو تجصد؟؟.عبد العزيز : معجب برجية ؟؟.حسن : بس عاد عن المصاخة ...تراها تبيك إنت.عبد العزيز : اهاااا جيه السالفة ....جولي إذا تبيها وأنا حاضر ...وأمي مابتجصر ...وبعدين أنا وإنت واحد .حسن : تسلم ياصاحبي .يتجه الشباب الى السيارة عشان يروحوا البيت.......................في لوى في بيت ام مراد........................شوج جاعدة تتصل بمريم عشان تسألها عن أخبار منار.شوج : هلا مريوم شخبارج وشخبار بنت خالتج؟؟.مريم : أنا الحمدلله تمام ...تو نحن في المستشفى ...ومنار سوولها غسيل معدة .شوج : ياربي ...المهم هي تو بخير.مريم : هي بخير ...بس بصراحة صدمتنا لما عرفنا شو سبب إنتحارها .شوج : شو السبب جولي ؟؟.مريم : شوج تو إنتي بجد ماتعرفي ليش منارو انتحرت؟؟.شوج : لا ماعرف.مريم : يابنتي عشان تأجل ملجتكم.شوج : شو ؟؟...وليش تأجل ملجتنا ؟؟...شو هدفها؟؟.مريم : منارو تحب عبود.شوج : شو؟؟...منار تحب عبدالله؟؟...من متى ؟؟...وليش أنا آخر من يعلم ؟؟.مريم : مب مهم اذا تحبه او لا ....المهم عبدالله يحب منو ؟؟...صح ولا لا ياآنسة شوج؟؟.شوج : طيب عبدالله يمج ...أبي أحاجيه.مريم : عبدالله مع منار ...هي طلبت تشوفه.شوج : اوكي يالله حياج مريوم.مريم : شوج كأنج زعلتي .شوج : لا بس ياليت لما تشوفين منار جوليلها سلامات.مريم : تمام حبيبتي باي.شوج : باي .تسكر شوج الخط وهي تجول بخاطرها ... منار تحب عبدالله...وهو يبيني أنـــا .( مصائب قوم عند قوم فوائد... يمكن اللي صارلمنار يكسر الخاطر من جهة ....ولكنه أنقذ شوج من الغلطة اللي كانت بتسويها من جهة أخرى )..........................وتمر الساعات والأيام حتى أصبحنا في منتصف الاسبوع التالي ...........................الساعة الثانية ظهرا في شناص في بيت ابو عبد العزيز ...........................عبد العزيز جاعد في غرفته جدام المنظرة وبإيده الموبايل وهو يجول : أنا عبد العزيز ياعبدالله وبغيت أجولك إني مب موافج ع زواجك من شوج لإن شوج تحبني وياليت تتتفهم هالشيء .يسكت عبد العزيز ويجول : لاه هذي وقاحة .أنا بتصل وبخلي كل شيء ع طبيعتي .يتصل عبد العزيز على عبدالله وبعد ثواني يرد عبدالله : الوووو.عبد العزيز : الووو السلام عليكم .عبدالله : وعليكم السلام ....إتفضل.عبد العزيز : أنا عبد العزيز مال شناص .عبدالله وبعد سكوت : عبد العزيز ...غريبة ....ليش متصل ؟.عبد العزيز وبتوتر : أنا متصل ياعبدالله ....عشان أجولك إني عرفت إنك كنت بتملج ع شوج الأسبوع الماضي .عبدالله : ياسلام ...ومنو جالك عاد ؟؟...شوج؟؟.عبد العزيز : لا ..بس هذا مب مهم جد ماهو مهم اللي أبي أجوله.عبدالله : وشو اللي تبي تجوله ؟؟.عبد العزيز : إني مب موافج ع هالملجة .عبدالله : نعم نعم نعم ....مب موافج ؟؟.عبد العزيز : إسمع ياعبدالله ....شوج تبيني وأنا أبيها.عبدالله : ومن جالك إن شوج تبيك ؟؟.عبد العزيز : عبدالله سبب موافجة شوج ع الزواج هو الالتزام مب أكثر .عبدالله : إسمع ياأخ ....أنا محترمك بالرغم إنك جاعد تتكلم عن البنت اللي راح تكون زوجتي بآخر هالأسبوع.عبد العزيز : وأنا أحترم شوج وربي يعلم بهالشيء ....ولو ماكنت محترمنها ومقدرنها ماكنت بذل نفسي للشخص اللي كان بيفرقنا انا وهي .عبدالله : عبد العزيز ...شوج تحبني وأنا متأكد من هالشيء .... وع العموم كذا أو كذا راح أتزوجها لإن حبي لها كافي .عبد العزيز : لا مب كافي ...لاتكذب ع نفسك ....أنا كنت كل يوم أتجطع وأتعذب بمجرد التفكير إن البنت اللي أحبها وافجت ع ريال ثاني .عبدالله : بلا كلام فاضي يلا .عبد العزيز : عبدالله إفهم أرجوك .ويسكر عبدالله الخط بويه عبد العزيز .عبد العزيز : الله يستر بس ...لازم أخبر شوج باللي صار ...إنشالله ماتتضايج بس .( ياترى هل ستنجح محاولة عبد العزيز للتأثير على عبدالله ؟؟...أم إن عبدالله راح يركب راسه ويصر ع الزواج ...كل هذا بنعرفه فيمايلي) هههههههتعليق
-
الفصل التاسع والثلاثين
.........................في لوى في بيت ام مراد ........................شوج جاعدة بغرفتها لابسة بنطلون ابيض وبلوزة حمراء وجاعدة تسحي شعرها .وفجأة يرن موبايها على إتصال ...تنهض شوج وتاخذ الموبايل وترد .المتصل : مساء الخير يالغالي.شوج : مساء النور...هلا عبد العزيز شخبارك ؟؟.المتصل ( عبد العزيز ) : مب تمام مول .شوج : شو صار ؟؟.عبد العزيز : إتصلت بولد عمج ...وجلتله كل شيء.شوج : جلتله كل شيء ....أنا خايفة ياعبد العزيز ....يمكن كان المفروض إنا نسكت وننسى .عبد العزيز : مافي إنسان يحب ممكن ينسى حبه بسهوله ....خصوصا إذا كان هالإنسان أنا ....ماأبي بكرة أندم وأجول ياعبد العزيز ماسويت شيء عشان تنقذ حبك .شوج : طيب ياعبد العزيز ...شو كانت ردة فعل عبدالله ؟؟.عبد العزيز : جال سواء كنتي تحبينه أو لا ..راح يتزوجج.شوج وهي تصيح : يعني خلاص ياعبد العزيز ... الزواج من عبدالله لامفر منه.عبد العزيز : طبعا لا ...شوج أنا لو أضطر إني أذبح عبدالله عشان مايتزوجج بسويها .شوج : لا أرجوك الا هذا ...طبعا إذا ماتبيني أتعذب طول عمري .عبد العزيز : شوج أنا أحبج ...وإنتي للحين ماجلتيها ...تحسسيني أحيانا إنج ماتبيني خصوصا لما تجولين إنسى اللي كان بينا .... إنتي ماتعرفين إنج جاعدة تجرحين قلبي الف مرة؟؟ .شوج : عبد العزيز أنا أحبك .عبدالعزيز بعد سكوت : يووووووووه عذبتيني وايد لحد ماسمعتها أخيرا ....وصدجيني هذي راح تقويني أكثر عشان أدافع عن حبنا .شوج :عبد العزيز أنا لازم أسكر الخط تمام .عبد العزيز : تمام ومتى قررتي تجولي لهلج ؟؟.شوج : بعد مايوافج عبدالله انه يلغي الملجة نهائيا .عبد العزيز : اوكي باي.شوج : باي..........................في شناص في بيت أبو عبد العزيز ..........................جواهر جاعدة في الصالة تتصل بفراس .جواهر : طيب خبرني عن الشغل ؟؟.فراس : أنا تو في المستشفى جاعد أزور أحد من الربع تعرض لحادث .جواهر : اوك ...سلامته مايشوف شر..يعني باجر بتيي ؟؟.فراس : إنشالله ...كيف صحتج الحين؟؟.جواهر : البارحة رحت المستشفى وجالولي إن الجنين في حالة زينة .فراس : الحمدلله ياعمري .جواهر : تمام عيل بخليك.فراس : تمام باي .تدخل مهرة ونها من الباب وهن يركضن .جواهر : نها ...مهرة ..تعالن هني .مهرة : شو تبي خالتي ؟؟.جواهر : من وين جايات ؟؟.نها : من بيت جوم رجية .جواهر : اهااا ....وشو كنتوا تسووا في بيت رجية ؟؟.مهرة : كانت تشرحلنا رياضيات .جواهر : ماشالله ...رجية بنت حبوبة صراحة ....ياحظ اللي بياخذها .نها : كيف خالو ؟؟.جواهر : ولاشيء حبيباتي ....يالله روحن غرفتكن .تركض نها ومهرة واتم جواهر لحالها ..........................في لوى في بيت ابو عبدالله ............................عبدالله جاعد في غرفته ماسك موبايله وهو معصب.وفجأة يتصل بشوج .عبدالله : الووو.شوج : الوو.عبدالله : السلام عليكم .شوج : وعليكم السلام .عبدالله : شخبارج شوج ؟؟.شوج : تمام .عبدالله : ليش خايفة ؟؟.شوج : مب خايفة .عبدالله : الظهر إتصلت فيج بس الخط كان مشغول .شوج : اهااا صح .عبدالله : من كنتي تحاجين ؟؟.شوج : كنت أحاجي ....!!.عبدالله : عبد العزيز ياشوج ؟؟.شوج : هيه.عبدالله : مب حاسة ان هذي خيانة ؟؟.شوج وبتردد : إمبلا ...بس....انت السبب.عبدالله : أنا السبب؟؟.شوج : لأني أنا جبانة وماأجدر أواجهك .عبدالله : وليش ماتجدرين؟؟.شوج : ياعبدالله إنت عمرك ماغلطت بحجي ....وفوق هذا تعزني وتحترمني .....إشلون بجدر اواجهك .عبدالله : يعني الكلام صح؟؟.شوج : صح بس ....كل شيء بإيدك ياعبدالله ...أنا لك من ايدك اليمين لإيدك الشمال ....إذا اصريت ع الملجة أنا موافجة وإذا لغيتها أنا موافجة بعد.عبدالله : شوج بصراحة أنا مب مصدج اللي يصير .....معجولة هذا يطلع منج؟؟.شوج : .........!!.عبدالله : شوج إنتي بجد تحبينه وواثقة فيه ؟؟.شوج : لو كانت عندي ذرة شك ياعبدالله ....كنت بتزوجك بدون تردد.عبدالله : بس ليش ماجلتيلي من قبل ؟؟.شوج : لإني ماكنت أضن إن الحب ممكن يخلي الشخص يغير أطباعه ومبادئه.عبدالله : كافي ياشوج.شوج : أنا أحبك ياعبدالله ...بس حب الإحترام والتقدير ...حاولت أدرو الحب اللي إنت تحسه تجاهي بس مالجيته لإنه كان لعبد العزيز من البداية.عبدالله : طيب ياشوج ...أنا مب من طبعي إن أوقف حجر عثرة بين شخصين ....وراح يكون لكم اللي تبونه.شوج : عبدالله!!؟؟.عبدالله : شوج إنتي ماغلطتي ....كنتي رافضتني من قبل بس أنا اللي كنت مصر .شوج : أنا اسفة ياعبدالله.عبدالله : راح أجول لهلي اليوم إني أنا وإنتي قررنا مانتزوج .شوج : عبدالله أرجوك سامحني .عبدالله : شوج أنا مستحيل أزعل من الإنسانة اللي احبها ....وبعدين تكفي صراحتج معاي ....لإني للحين ماجدرت اكون معاج صريح بكل شيء .شوج : شو تجصد؟؟.عبدالله : اجصد موضوع منار ياشوج ...راح استأذن مع السلامة .شوج : مع السلامة.يغلق عبدالله الخط وهو شبه منهار ومب مصدج إنه إتخذ مثل هالقرار الخطير.وفجأة حد يدق ع الباب وكانت مريم وبصوت عالي تجول : عبوووود العشا جاهز....يالله إنزل بسرعة .عبدالله : ياربي أنا شو بجول لأبوي وهلي؟؟...............................في لوى في بيت ام مراد..............................شوج جاعدة تصيح في غرفتها من اللي صار ...تمسك موبايلها وتتصل بعبد العزيز...الا ودقايق ويرد عبد العزيز .شوج : الووو .عبد العزيز : يامرحبا شواجي .شوج : وين إنت تو؟؟...وشو كنت تسوي ؟؟.عبد العزيز : أنا في المول وجاعد أغازل .شوج وكانها تضايجت : اوكي .عبد العزيز : شوج ...تضايجتي؟؟...جاعد امزح والله ...كنت اتعشى في البيت ويا هلي .شوج : ولك خلج مزاح بعد ...تمام ....يعني انا زاعجتنك؟؟.عبد العزيز : الا هما زاعجينا يالغالية .شوج : اوكي ...بغيت اجولك ان عبدالله وافج انه يلغي الملجة نهائيا ....والحين أنا ميتة خوف.عبد العزيز : اصبري اصبري ....عبدالله وافج.....عيل الحين بيي اخطبج .شوج : لاتستعيل ياعمري ...أجصد ياعبد العزيز .عبد العزيز : شو جلتي شو جلتي ؟؟.شوج : بالغلط والله.عبد العزيز : فديت الغلطانة أنا ...ع العموم إنتي خايفة من شو ياعمري ؟؟.شوج : من ردة فعل اهلي وأهله .عبد العزيز : لاتخافين ولايحزنون ....أنا يمج وبدافع عنج ...دامي موجود ماحد يجدر يسوي فيج شيء .شوج : طيب لاتتجدم تو ...أتريا لحد ماجولك .عبد العزيز : إنشالله ياشواجي ...صح إتذكرت بغيت منج طلب .شوج : إتفضل .عبد العزيز : أبيج لما ايي أخطبج ...تلبسين نفس الفستان اللي لبستية في ملجة بنت عمج .شوج : عبد العزيز !!.عبد العزيز : جاعد امزح والله ...اصلا ماشفت شيء يومها ....لإني حسيت إني أخونج ...كنت متخيل بشوفج بالعباة بس عواطف يسامحها ربي .شوج : ماعلي أنا فهمت الموضوع ....والعتب على اللي مايعرف يختار ربع شراتي .عبد العزيز : تماااام يالله عيل .شوج : يالله حياك .عبد العزيز : حياج يالغالية .تقفل شوج الخط وهي مستانسة لإن الامور تمشي مثل ماتبى ...ومابجى الا إقناع الأهل .( وياويلج ياشوج من إقناع الأهل ...ع العموم الامور لحد الحين ماشيه صح ...بس اللي مفرحني أكثر إن شوج بدت تعبر عن حبها لعبد العزيز بجرأة). هههههههتعليق
-
الفصل الأربعين............................في بيت ابو عبدالله ...........................الجميع جاعد يتعشى ...وفجأة ينزل عبدالله وهو لابس دشداشة رمادية وشكله ناوي يطلع .عبدالله : السلام عليكم .الجميع : وعليكم السلام .ابو عبدالله : عبود ....ع وين ؟؟...تعال تعشى .عبدالله : أنا مب يوعان يبه .ابو عبدالله : شو ؟؟...تعال تعال أجعد وخل عنك هالسوالف .ام عبدالله : تعال ياعبدالله ...اليوم مسوية مجبوس .عبدالله : بالهنا والشفا عليكم .حصة : عبدالله شوفيك ؟؟...:كأنك متضايج .مريم : وبعدين وين رايح؟؟ ...شلني معاك .عبدالله : أنا بطلع عشان أشوف واحد من الربع ....بس بغيت أجول لكم شيء.ابو عبدالله : شو ياعبدالله ؟؟.عبدالله : أنا وشوج قررنا مانتزوج أبدا .ام عبدالله وبصدمة: شو ؟؟.مريم : وليش ؟؟....أكيد هي السبب.عبدالله وبعصبية : أنا خلصت كلامي .ويطلع عبدالله من البيت وهو متضايج بدون مايرد ع ابوه اللي كان يناديه ........................في بيت ام مراد..........................شوج جاعدة تتعشى هي وأمها وأخوها مراد.شوج : أمايوو مرادوو ...بغيت أجول لكم شيء .مراد : ومانجيتي تخبرينا بهالشيء الا ع العشا .شوج : مافي وقت مناسب غيره ....بعد العشا كل حد يروح يشوف شغله .ام مراد : شو السالفة ؟؟...جولي لاتأذينا .شوج : أماه أنا وعبدالله ماراح نتزوج.مراد وهو يغص باللقمة : كح كح ...شو شو ؟؟....شو تجصدين ؟؟.شوج : أنا مابي عبدالله وخلاص .ام مراد وهي معصبة : وهذا اللي ناجص بعد ....ترفضين ولد عمج بعد ماكنتوا بتملجون ....وبيبدي الحش عاد ....تبي تفضحينا جدام الناس...وبعدين ماحد يتجدملج.مراد يعصب ويشل بنفسه ويتجه غرفته عشان مايمد ايده ع شوج أو يسمعها كلام مب زين.وتتبعه أم مراد عشان تهديه.اتم شوج ع العشا ودموعها ع خدها ...وبعدين تجوم وتروح غرفتها .............................الساعة الحادية عشرة ليلا في بيت ابو عبدالله.................................ابو عبدالله وام عبدالله وحصة ومريم جاعدين في الصالة والجو مكهرب.ابو عبدالله : الله يعلم وين راح هالولد ... إتصلت فيه الف مرة ومايرد .ام عبدالله : الله يستر بس ....إنشالله يكون بخير بس.حصة وهي تحضن امها : بيكون بخير إنشالله .مريم وهي معصبة وتجول بخاطرها : والله لو صار لأخوي شيء ياشوج ....ماتلومين الا نفسج.حصة : مريوم ...إذا إتصل هزاع فيج ....لاتخبريه شيء عن اللي صار.مريم : تمام .وفجأة يرن موبايل ابو عبدالله .ابو عبدالله يرد : الووو.المتصل ( المستشفى) : الوو ...السلام عليكم .ابو عبدالله : وعليكم السلام ورحمة الله وبركاته .( المستشفى) : إنت والد عبدالله بن يوسف المعمري.ابو عبدالله وبخوف : نعم أنا والده...شو السالفة ؟؟...شوفيه عبدالله ؟؟.(المستشفى ) : يالوالد... ولدك تعرض لحادث وهو الحين معنا في مستشفى صحار .ابو عبدالله : حادث !!.يسكت ابو عبدالله ويسكر الخط.ام عبدالله :حادث شو؟؟ ... هاه شو صار بعبدالله ؟؟؟.ابو عبدالله : عبدالله في المستشفى .حصة : لااا.مريم جعدت تصيح بصوت عالي وهي تجول : هي السبب ...هي السبب.يتجه ابو عبدالله وأم عبدالله بسرعة الى السيارة عشان يروحوا للمستشفى.ويخلوا حصة عشان تهتم بمريم الي كانت منهارة تماما.( ماتستاهل ياعبدالله اللي صار فيك ....إنشالله تقوم بالسلامة ....وإنشالله ترجع الإبتسامة لك من جديد).............................في المستشفى في صحار............................ابو عبدالله وأم عبدالله جاعدين ع أعصابهم ينتظرون الطبيب المعالج عشان يطمنهم ع حالته.ام عبدالله : يارب يكون بخير يارب.ابو عبدالله : وينهم تأخروا ...وين الطبيب؟؟.و بعد نصف ساعة يطلع الطبيب ويظهر ع وجهه التوتر.الطبيب : إطمني الوالدة....إنشالله بيكون عبدالله بخير ...لاتحاتي بس إدعيله ......ابو عبدالله لو سمحت بغيت أكلمك على إنفراد.ياخذ الطبيب ابو عبدالله ع جانب .ابو عبدالله : خير يادكتور ...خوفتني .الطبيب : بصراحة يابو عبدالله ولدك حالته صعبة شوي لإن الحادث كان خطير.ابو عبدالله بخوف :إشلون يعني ...ولدي بيموت ؟؟.الطبيب : لا إنشالله ....الله لاقال ...بس عبدالله عنده كسور وصار عنده نزيف ....ويحتاي دم فورا .ابو عبدالله : نحن مستعدين نتبرع يادكتور .... بس الله يخليكم ساعدوه .الطبيب : راح نسوي كل شيء نجدرعليه ...ادعوله.يتجه الطبيب لغرفة العمليات ويتم ابو عبدالله متحسر ويضرب الكف بالكف . هههههههتعليق
-
متى النهاية؟؟؟؟؟؟؟؟؟؟؟Oh Allah, Help us to Remember You, and Thank You, and Worship You in the Best of mannersتعليق
-
الأحاث ساااااااااااااااااااخنه متوشقه أقرا الباقي
بليييييز حاول تنزلهم كلهم قبل الجمعه العصرلأن بعد الجمعه العصرمابكون عندي جهازحد بشله...............gif "Smiles (38)")
وبرجعوه لي بعد فترهما تركت لي كلمة الحق صاحبا
الإمام علي (ع)
اللهم صل على محمد وال محمد
تعليق
-
اوككككككككككككككككككككككككككككككيك هههههههتعليق
-
واااااااااااو هالقصه وجهها حلو علي
قبلوني ف الجامعه
حمااااااااااااااااااااااااسشلونــــك حبيــبي ؟ مشتــاق لك
مــر عمــري كــله حبـــيبي و أنــا أتخيــلــك
بـــعدك مــــلانـــــــي جـــــروح
وفــــــكرة تــــجي و تــــــــــروح
متقـــولــــي ويـــــن اروح لو احتـــاجلكتعليق
-
مرحبا ,,
اشحالك اخوي ,, قصتك دماار صراحه ,, هاي اول قصه اقراها بغير لهجتنا ,, اتمنى انك ما تطول علينا وتنزل الاجزاء ,,
ولك تحياتي ,,
اختك ,, اتعبوني بهواهم ,,مدريــــ عقـــ زايد ــب أعزيجــــ يــــــ الامارات ـــــا ؟؟ولا أعـــــــ كل طفل ــــزي ما شافــــــ زايـــد
أتدري لماذا نحبك يا زايْد؟
لانك أول من روضَ وحوش المستِحيل أمامناَ
وأول من هْزمَ ذئاب الايامَ لاْجلِنا, وأول من أضْاءَ لاعينناَ عتمة السماء.تعليق
-
قصتك مره رووووووووووووعه .. ننتظر الجزء الاخير لا تتأخر علينا.... الله يفوفقكتعليق
-
خيووو سؤووال :::
انت في البوستر في توقيعك كااتب ان القصه وواقعيه ... وتجي تقول لناااا مني انهاا من خيالك شلون هااي ...؟؟؟
واذااا قلت لنااا ان انت بس شذي كتبتهااا للفت الانتباه لا اكثر ... وين مصداقيه الكاااتب ؟؟
For u CCEisCollege Of Commerce and Economics but ,For me CCEis creation + challenge +effort =successتعليق
-
الواقعية ...
تعني أنها من الواقع ,’’’أي لها صلة بالواقع،،،، يعني رموزها من الحياة ...ممكن أن تحدث أو قد حدثت فعلا
يعني مافيها شيء خيالي مثل الأشباح مثلا مثل أفلام الرعب ....هذا اللي أقصده بالواقعية
أنا عندي مصداقية هههههههتعليق
-
ولد لوى ماشاءلله عليييك مررره القصه حلوووة
اندمجت انا هع
تسلم // وفلانتظآر
تعليق
تعليق