الأحبة هنا

إليكم هذه الوحشة

للإستماع و الحفظ

من وحشة البرد للشباك لاسراري
....................... للشارع اللــي تطفينــي عناوينــه

قلت أخنق الصمت فيني وآخذ بثاري
....................... حلمي ترمد قبل أوصــل ميادينـــه

جيتك بقاياي أنفضني من غباري
.................... لأوجاع نبضٍ من أول يوم ناسينــــه

سلمى وأنا اللي زهق هالضيق بأزراري
...................... ما غيره فيني و ما غيـرك تفكينـــه

جنب البنايات وحدي والحزن عاري
...................... "تأخر الوقــت" ما جيتــي تغطينــه

ميعادنا اللي طفى في خيبة آذاري
...................... آذار عدى و وقتــي راح تشرينـــه

صدرٍ يجيبك غصب ويبعثر أفكاري
................... سلمى فديتـك وش اللــي بينك وبينــه

بشفاه كل الأماكن كنتي الطاري
...................... وبشفاه ليل ٍ مشيتــي ما تمرينــه

سنتين وأقراك كل ليلة بمشواري
......................والقاك القاك حلم ٍ صعـب تكوينــه

منفاي أدري أنا المنفاي بدياري
.......................مليت مني و مـن دربٍ تجافينـــه

باقي بهالليل نزف و ريح أشجاري
..................وأشيائي اللي تنــادي جـرح مخفينــه

بابي و ظلماي دمعي ضيقة جداري
.......................طفل بضلوعــي تبكينــه تبكينــه

دولاب مكتب وجع منثور بأشعاري
....................جوال مقهور ما صرتـــي تدقينـــه

و شرفة تسلل مسا أحزانها لداري
.............. و شاعر بدونك تلاشت زهـــرة سنينــه

خبيت حزني معاي بشنطة أسفاري
................ مْسافر اليوم بس هذا السفر وينـــــه؟؟؟

للوحدة للبرد للشباك لاسراري
..................... ولشارعٍ نـــام نامت به عناوينـــه


عبدالعزيز السعدي