تويت
آه يا طعم المسافه لو غدى جرحي كبير
لو رضى قلبك خضوعي و انكساري و انصياعه
آااااه يا مرّ الحقيقة لو جرَح ظهرك حرير
لو غدى حولك (قريبك) ينهشك نهش الضباعه
كيف لهفتها عيونك للضيا و انته ضرير
كيف طعنات الدقايق و الثواني حلم ساعه
إييييه يا نخلة (خلاصي) ماي (بيرك) صار غير
صار يشرب من ضلوع البحر ملح(ن) ..يا ضياعه !
يا ضياع الحلم الأزرق و الأماني و العبير
قد تجمّد (ماي) بحري و الهوامير فـْ مجاعه
لعنبو جدّ الحقيقة لو تكالب كلّ طير
قد ربى في حضن أمي و انكسر صدفه قناعه
جا يطبطب فوق كتفي (لسّه الدنيا بخير)
جا يواسيني و يرمي (طهْر) قلبي للجياعه
أي ديانه تعتنقنا/ مالنا أي خطّ سير
قد كرَه دمي وريدي و ابتدوا قصة قطاعه
أي أمانه لو يخون(الماي) عشقه للخرير
لو غدى جرحي نصيب(ن) ما حفظ سري و ذاعه
أي صداقة/ أي محبة/ أي وفا/ مات الضمير
أي ثقة/ أي ودّ فينا/ أي تسامح/ أي قناعه
آاااااه يا طعن الحقيقة.. ريحة الموت المرير
آاااااه تغلي في عروقي .. آااااه يا قبح البشااااعه
آه يا طعم البراءة/ انتحر طفل(ن) صغير
ابتلع غصّات قلبه قبل ما تك/سر شراعه
آه يا قلب(ن) تربّى ما يعاير أي فقير
ما عِطى إكليل شوك(ن) أو طعن شخص(ن) و باعه
قم و نادي: يا منايا في ضلوعي (زمهرير)
يا حلاتك تنشليني و ارحمي باقي الجماعه
جاسم آل محمد
April 2005
تعليق