يقول المعمري:

من عابك بفقرك ولا يدري بك
والفقر يا عريف ماهو عيبك

شاعر ولك هيبة ملوك البصره
أسما سمو الشعر في تنصيبك

هيبت ملك بس الملك متواضع
لي ما يعرفك صار يجهل طيبك

تفخر بك الاشعار يوم أكتبها
لانك كريم ومدتك من جيبك

وتقول أنا جودي على موجودي
واقول هذا يعذرك من شيبك

ما جيتلك ياشيخ طالب حاجه
بس جيت فازع من عوى لي ذيبك

ملزوم تتبع خطوتي يا شايب
مطرش اليلة عشان أثيبك

الدار ما تامن على صاحبها
في خطتك أرسم لها تجنيبك

يا مصوب البندق على مذعوره
لو بندقيتك مهدفت تصويبك

معذور نابه هي بعد مذوره
ما عاد ينفعها كثر تانيبك

يرد: الراشدي
جتني بيوت الشعر من ترتيبك
ولزوم أفزع لك ولا أجفيبك

شاعر وقدرك مستنيف وعالي
وسط المجالس صاحبي نهذيبك

ما يستليم الشان رافع شانه
غير الملامه بالفخر تسمي بك

ماهوب أنته وسمعتك ما هوبه
شعار إحنا وشاقنا تطريبك

الوالده حنت على ربربها
يامفسر القصه على تعريبك

أنا شربت الطايله من مده
مدت كريم الجود لي يلفيبك

نعرف وجوه~ن تحتريها غبطه
وضحكت سنون_~ن زايفه تسريبك

ياغير نلنا فالمراجل راجل
والفقر ماهو عيب لو يغليبك

نعز جفن~ن لو قليل الحيله
نبش خاطر نصبح ونمسيبك

نقول معنا لو قليل~ن معنا
معنا سخاوت نفس ما تسخيبك

وارقب ردودك لو بدتك حاجه
مشمعه للطارش مكاتيبك

ياطارش الموهوب هات الزانه
يود على من قدتها تزهيبك

شجرى وغاربها طويل~ن باعه
تلهم زبدها وسيرها يلضيبك

تخببك ولا تساير سيرك
ريف مراكبها إذا تدليبك

عمدتها في جدة الحرسوسي
عهدا~ن عليها بيومها تضويبك

سلم على أحمد كثير سلامي
(بن جابر) وتحت الغوافر هيبك

لو قدر الله ناوي له بزوره
في غرة المسحاب ليسديبك

اختم مثالي على النبي الهادي
عد القرايح ف الشعر توحيبك


قال المعمري

من لؤلؤ الشعر الثمين الغالي
في سوق طواشه يعاف المالي

ما يعرف الخسران في منطوقه
له فالثريا والزحل منزالي

يترك قوافي الشعر في مسراها
يوم ادلجت تقصد ديار الغالي

قرب أديم الطهر يا سحابه
اسقي جزيل الشعر والأفعالي

إللي تعنى لي وانا مدري به
يقول داره وسط ربع الخالي

إللي تشوف من الربارب فيها
يقودها مترف حذر يفالي

وفيها الجوادل من حسنها تبهر
متميزه بسر الجمال العالي

الموقف إللي ما نسيته منك
لانك خوي الحل والترحالي

فوحت لك دله تناسب كيفك
بن العديني وزعفران وهالي

هذا وتمت في بقاع الصحرا
فكرة قصيدة تنولد في بالي

يقول الراشدي

أبدعت لك منطوق من موالي
فيد طارش بلغك مرسالي

أشهد به المرسال حث بسيره
وياب العلوم الطيبه والفالي

ياصاحبي وش هو علوم الديره
وعلوم صف~ن دوم يتراوالي

أهذي بكم ياصاحبي واطريكم
من فرقكم ما طاب لي منوالي

ياصاحبي هذه الدنا شرواها
كانك بتعرف عنها وتسالي

أنا دنايه صاحبي غنت لي
وايزيت فيها مطرب وشلالي

روف الموده دنيتي رافت بي
ودهر~مضى لي راف بي وغنالي

وعقب الصفا فيها تكدر حالي
وتبدلت بالحوف والانكالي

ضربة عصاها م الوجع ما هانت
حسيبها الرب الكريم العالي

ويا مرسل الأرزاق في منواها
أستغفرك يارب فالأمثالي

أحمد تحيد الوقت لي مربنا
تذكر زمان الجود والأوصالي

وتذكر غضي الطرف لي نعنىى له
ما يهمنى سيح~ن وند~ن عالي

ذيك السنه يوم الحيا شامو له
شمنا وزهر الفوع عوده مالي

غنن لنا سود الهدب بغناهن
واحنا قصينا الأولي والتالي

ياما قطعنا مبدهات الجده
ياما قطعناها سيوح طوالي

نخوة عرب فينا سمات الجوده
مايهمنا سيح~ن وند~ن عالي

حزتو مودتنا وف إللي نوده
ما يضيع زرع اليود ف الأبطالي

ويا طارشي بكلفك وتعنى
لا تهاب من لهوال وزلزالي

رد بتحيه لمن يردك صوبي
أحمد ولابته وشفه الغالي


قال :المعمري


حزينه مرت الدنيا حزينه
مع إللي منحرم شوفة ضنينه

خذاه الدهر منه بعد غفله
ثلاث سنين ما شافته عينه

توفته المنيه وسط حضه
وهو يصرخ إذا تبغي رهينه

سلامي للذي يفهم كلامي
هذاك إللي يبر بولدينه

سلامي لك أبن راشد سلامي
عدد ما فاح طيب الياسمينه

وعدد ما غنت الورقى وناحت
فوقت العصر فوق أغصان تينه

قصيده من مشاعر شعر أحمد
إلى أهل المراجيح الفطينه

أنا طرشتلك مندوب عني
وقال الحين ماشي في يدينه

تراها المسأله مده وتعدي
ولي نيه أزورك ف المدينه

تحيه والنهايه في ختامي
على البحر صخري تجري السفينه


قال الراشدي:


شظوف الصخر عني جاوبينه
بصرخات الصدى بعد السكينه

وهبي يا رياح~ن شردتني
على هفوات حب~ن فاقدينه

تسامرني من الأشعار كذبه
بأن الشعر صرنا بايعينه

وصرنا نحتري فيه المشاعر
خساره يا مشاعرنا السجينه

إذا السجان بالأصفاد محكم
فكيف نصير احنا ضالمينه

وإذا للحب عنوان~ن مزيف
أسوق الجاه ما بيني وبينه

ف أرحل يا غرام الكذب أرحل
وموتي يا شياطينه العينه

إلى أحمد جزيل الشكر أبعث
سطور الشعر أبيات~ن رزينه

عسى أحمد ومن يهواه أحمد
سلام طال سيح~ساكنينه

وسلامتكم
ك :أحمد بن عبدالله المعمري
والشاعر يوسف بن راشد الراشدي