تويت
قصيدة رثاء
السلام عليكم اتيتكم
بقصيدة رثاء وللعم ليست قصيدة موقف القصيده خيال في خيال حفظكم الله من كل مكروه
بقصيدة رثاء وللعم ليست قصيدة موقف القصيده خيال في خيال حفظكم الله من كل مكروه
تفتت هالصخر من صرختك يا طفلي المسكين
تمنيت الممات انـه خذانـي قبـل تسمعنـي
بغفلة تخطفك مني المنيه بـس غفلـة عيـن
ياليت العين لي غفلة على لقيـاك تجمعنـي
مدام ان البشرمن طين ومرجعهم لذاك الطين
انا راضي بحكم إللي على خلقـه مسنعنـي
ولكن الضنى الله وهبـك ايـاه مثـل الديـن
وطفلي يامـلا هـذا يمـوت ومـا يودعنـي
يموت وتظلم الدنيا بعينـي والضيـا للحيـن
ابد ما لاح في عين الظـلام إللـي تتابعنـي
ياليت إللي دهس أبني غرز في داخلي سكين
ياليت أنه ترك هالطفـل وبالسكيـن قطعنـي
أحبك ياولد من كثرحـب أخوانـك الغاليـن
ياليت الحين بس تدري فراقك كيف يوجعنـي
عدد هذي النجوم إللي ضياها ما وصلني زين
عدد كل شي في هالبيت به ذكرى ترجعنـي
ترى خوانك إذا سألو عن غيابك اقلهم وين؟!
وهم متعوديـن أنـك فكـل جيـه ترابعنـي
وإذا ردو لي أعمامك من الغربه ومشتاقيـن
لشوفك كيف اعلمهم لسانـي مـا يطاوعنـي
تمنيت نقسم قلبي عن الفرقـى إلـى قسميـن
تمنيت انقبـر جنبـك إذا هالقبـر يوسعنـي
ايا الاثنين ماكنك على بعضـك ايـا الاثنيـن
رحل فيك الذي فراقه ذحاح السـم جرعنـي
ايا كفان لا تكفن صغيـري طالبـك بعديـن
تكفن لي رفض أنه مـن شتاتـي يجمعنـي
تعليق