بدايه هم .. تجي و تضم

و تجرحني و تتعبني

غريب أوطان .. أعيش أحزان

فقدت أشياء تسعدني

غريبٍ صاح .. بعد ما راح

محد يدري و يسمعني

أنا يا ليل .. أعيش الويل

ندا الخلان يتبعني

فراق الأم .. يجيب الغم

و ذكراها تجالسني

هناي أبوي .. و شوف أخوي

لهم مشتاق و متعني

فقدت أذان .. ذكر قران

بلاد الغرب تشغلني

تركت أصحاب .. وطن و تراب

طلبت الله يثبتني

وطن ما أنساك .. تجي ذكراك

و دمعاتي تونسني

و أرد الآه .. تلو الآه

و صدى الآهات يذبحني

غريبٍ صاح .. بعد ما راح

محد يدري و يسمعني

أنا يا ليل .. أعيش الويل

ندا الخلان يتبعني.