[align=center]لا هي عيون ولا بقى الشوف ينشاف ..

................................... الله يرحم نظرة اللي نساني


لا صوت يطرينا .. ولا قلب لهّاف ..

................................... ولا حرف يكتب للمعاني معاني


من يوم غاب اللي الفرح دونه انعاف ..

................................... وآنا سهير الليل أشكي وأعاني


( الوقت غدر .. وآخر الليل ينخاف ..

................................... والصبح لا ضحّ بشعاعه كواني )


يسرقني الماضي على درب الأطياف ..

.................................... وأسجنه فيني نبض قلب وأغاني


من عقب جرحي جاني الحزن نزّاف..

................................... يبتاع فيني .. والفرح ما شراني


وأصبحت فيني ساكن ٍ ما له ضياف ..

................................... حزن ٍ مكان الدم ويصرخ : " مكاني "

وأذرفت دمع ٍ .. ما تحدّر.. من عجاف ..

................................... لين انغرس في القلب ( علّة زماني )


وأصبحت مجنون ٍ على حدّ الجراف ..

................................... معصوب عينه والفكر فيه جاني


يا ( قلب ) معنى الحزن ما تكتبه قاف ..

................................... ولا عين تقوى تسكب الدمع قاني


الموت حيٍّ يقتل الحب بإجحاف ..

................................... والحزن موج ٍ ما يعرف المواني


ما غير أنا اللي ( قاصر الشوق ) بالقاف ..

................................... ومنفاي فيني .. وقلبي اللي نفاني


مذبوح بيدي ذبحة إيدين سيّاف ..

................................... الله يرحم نظرة اللي نساني[/align]




ولنا لقاء