ابيك وما ابي أعلن
اخاف يكون اعلاني ..
من اسباب الألم وانته
بعيد ودنيتك ابعد ..

أخاف تكون بسماتك
بوجهي عامل انساني ..
وانالك بسمتي والله
لأني بشوفتك اسعد ..

حبيبي لا يغرونك
هذر "تعداد" خلاني ..
انا ماخون لو حولي
من العشاق ماينعد ..

انا احبك و بك آمن
وانا مضمون إيماني ..
وانا من واعدك يوفي
وانا اوفي اذا اوعد ..

حبيبي صدج ماتذكر
سهيله بنت جيراني؟؟ ..
تخلي كل خلق الله
و يمك ضاحكه تجعد ..

واضرب خدها واصرخ
ترى حمود "لي آني"..
اجر بشعرها الأشقر
وألعن جدها مسعد ..

أعض بأيدها و أتفل
أذا مازاد شيطاني ..
ألين تفكنا وانته
حزين وداركم تصعد ..

وأجول انتي مزعلته
بعد ما بيتنا جاني ؟؟ ..
وكل الغيض بعيوني
وصرخات الألم ترعد ..

تخاف البنت لا تاكل
من ايدي كف سلطاني !!
و تشرد بيتهم تبكي
تنوح بأسفل المقعد ..

فديتك ابتسم و اضحك
ترى مولك على شاني ..!!
واذا ما يوم زعلتك
قبل لتروح مني عد ..

اذا ماردك الواحد
يجوز يردك الثاني ..
من الأرقام دام اني
ابيك و ما ابي تبعد ..