هااااي
هذي قصه اعجبتني ونزلتها واتمني انها تعجبكم
القصه للكاتبه: هازمه البلايا

¤؛؛¤؛؛¤دموع متفرقه¤؛؛¤¤؛؛¤

دموع الحب هي أجمل مايكون** ناعمة لطيفه .. تتساقط باشتياق رهيب.. لذاك الكيان الذي تخلل ظلمة أحشاؤك بصمت مؤلم
هازمة البلايا


*********** الفصل الأول*************

بعد انتهائها من المرحلة الثانويه لم تشئ أن تنتهي رحلتها التعليميه إلى هذا الحد **وكان لابد لها أن تلتحق بدراسة ما لأنها ضاقت من الملل وقسوة الأيام ،،ولم تكن ترغب بالإبتعاد عن عذاب الزمن وظلم أخيها وتفرج عن نفسها وحسب!!
بل كان لابد لها أن تكمل تعليمها ولكن كيف!؟
وهي لاتملك القدره على ذالك؛ فكلن نفسي نفسي... حتى إخوتها لن يكترثوا لها ¤:¤

شروق تعاني من قسوة أخيها لها ف طلال يظن أن بقسوته سيحافظ على أخواته.. غير مكترث بأمه وأخوه.

¤.¤..¤¤.¤.¤.¤.¤
شروق:أمي لازم أدرس مايصير كذا أتم بعد الثانويه..كل البنات درسوهن إلا أنا.
الأم : إنتي تعرفين إنه ظروفنا ماتسمح وأخوج طلال مابيوافق ومصاريف الأكل والملابس والكهربا وش نسويبها ؟!
شروق: لازم أدرس حرام عليكم أبا أشتغل وأتعلم وأصرف عليكم و ع نفسي ويكون لي كيان ف المجتمع والله يغنيني عن حاجة اخوي
الأم: قالت كيان ف المجتمع خلي عنج انتي سيري اطبخيلج سميكه وتعلمي فن المكابيس أحسنلج
شروق: شو أتعلم مكابيس بعد !؟ شو أنا طباخه؟!
فيصل يتدخل: لا انتي فرن ههههاهاهاااااي حلللوووه.
شروق بعصبيه: بااايخه واسكت لإني ما ناقصتنك
أم شروق: خلاص اسكت عنها
فيصل: حشا حشا صحيح انج ملبق
شروق:انت بتنطم والا شو
فيصل:خلاص سكتنا( يحط ايده ع براطمه)
شروق: شو قلتي أمي؟!
الأم: شو قلت ف شو؟
شروق: يعني بتدرسوني والا شو بالضبط؟
الأم: يابنتي سيري تعلميلج طبخه تنفعين بيها ريلج باكر وبعدين انتي يايه تقوليلي أنا؟.
شروق:هيه أمي انتي ولية أمري وكل دنيتي ومحد له شغل
الأم:يا شروق انتي عارفه إن أخوج طلال ما بيخليج
شروق: وليش ما يخليني حرام عليكم لمتى بظل عبده له وانتو ساكتين
فيصل تعدل من سدحته: شروق انشالله بتدرسين ولا يهمج خلي الموضوع علي
شروق: يعني شو بتسوي؟!
الأم: إسمعني يافيصل ترى أنا ما ناقصه أمراض ولا تسبب مشاكل
فيصل: لا تحاتين أمي راح يوافق طلال وغصب عنه
الأم والدموع بعينها: أكيد بتتضارب وياه وبيناجر اختك.. انتو تبون تذبحوني
فيصل: لاتحاتين أمي انشالله ماشي ضرابه
شروق: فيصل خلاص اتفاهم ويا طلال بس ترى لازم أدرس بليز حاول معه
الأم:ياشروق خلي عنج الدراسه ودخلي المطبخ باكر بييج نصيبج ومحد بينفعج غير شغل البيت.. ترا الرجال مايحب بيته مكركب وحلاة البنت ف بيت ريلها.
شروق: امي شو هالحكي أنا مابعرس وأبى أتعلم والله حرام
أم فيصل: سيرة كليات أو جامعات ماشي
شروق بيأس واشمأزاز:أوووووههووووو لاحول ولاقوة إلا بالله.
وراحت,شروق عند اخواتها ف الحجره
ويلست ع الكرفايه وتمت تنافخ وتتأفف
سهى: حششششا وش فيج انقلبتي ديناصور ويلستي تنافخين
شروق:انطمي انتي بس
سهى تضحك: والله شكلج يضحك وماعندج سالفه
شروق: صبري انتي لبعد الثانويه وشوفي كيف يلسة البيت غاويه م الخاااااطرررر
سهى: فال الله ولا فالج انشالله شو تدعين علي ما أجيب نسبه؟!
شروق: ههههههه لا بس والله قهر بنيلس تحت رحمة طلال لمتى؟
سهى: وش دراج يمكن تتزوجين بسرعه وتفتكين من جبرووووت قراقوش
شروق: ومن قالج اني بعرس م الأساس؟!
سهى: هيييييييه انتي لاتضيعيني بعدي صغيرونه ع هالمواضيع
شروق: وس يله ما كنج انتي اللي فتحتيلي هالسالفه
سهى: حبووووه أمزح عندج أنا عاد انتي بسرررررعه تشتعلين
شروق: لا بس والله جد كرهت كل الرياييل بسبة طلال الله يسامحه
سهى: هيه بس هالشي اللي تقولينه غلط لإنه أصابع ايدج ما متساويه ع قولتهم
شروق: يعني أطلع من تسلط وظلم عشان يجيني ريال ثاني يتسلط علي؟!
سهى:صحيح انج دهوووووي وطمطامه بعد
شروق: أييي انتي احترمي نفسج انا اختج العوده ترا
سهى: أعرف انج اختي العوده بس كلامج غلط يا ستي
شروق: لا غلط ولا شي شو بيفرق عن طلال يعني!؟ وحتى أبوي اللي ما نشاد عنا
سهى: أبونا الله يسامحه وأمي تكفينا عنه صايره لنا الأم والأبو فديتها
شروق:بس طلال ياليته كان أحن من كذا شوي
سهى: عيل شوفي فيصل فديته وشحلاته ومافي أطيب منه
شروق: ترا طلال مسيطر علينا كلنا وحتى فيصل معنا بعد
سهى: لا فيصل يحترم اخوه وما يرضى الذل لنا والا يقدر حتى يضاربه
سكتت شروق وحطت راسها ع الطاوله تفكر *** ياترى جاسم مثلهم عديم الإحساس والا طيب وغير عنهم مثلما قالت سهى... آآه يا جاسم ليتك تحس فيني☹

وفجأه تدخل ندى
شروق سهى تعالن محطوط الغدا
شروق وسهى: يلا جايين

****الكل كان متجمع ع الأكل****
صخه الكل ساكت وشروق خايفه لا أمها تفتح موضوع دراستها قدام طلال
فيصل : أمي تسلم عليج خالتي أم جاسم
الأم: الله يسلمها ويسلم من ياب سلامها وين حصلتها؟
فيصل: مريت عليهم الصبح وطلعنا أنا وجسوم انحااوط
شروق تحس بدقات قلبها تتسارع من سمعت طاري جاسم
سهى: يا حظكم والله تحاوطون ما مثلنا أحنا يلوس بها البيت
سعاد زوجة طلال تطالعهن وتطالع طلال علشان يتكلم
فيصل: فااااالكن طيب بس خبروني ساعتها
وبحوطكم
سهى : صدق؟ مشككوووور فديتك

طلال: وبإذن من انشالله تطلعون
سهى: حرام احنا دوم الا يالسين ف البيت
طلال: انتي تسكتين ولا كلمه
فيصل: بإذني أنا يطلعون وطبعآ بعد موافقة أمي
طلال: انت تبى تضيع البنات علينا
خلهم يذاكرون وينتبهون للبيت أبرك لهم
فيصل:ما قلنا شي بس الحين عطله ومافيها شي لو طلعوا شوي يتمشون
طلال: ما يطلعون دام راسي يشم الهوى
الأم بعصبيه: بس بس غثيتوني ماعندكم احترام لأمكم وللنعمه اللي قدامكم
الكل سكت
فيصل : الحمدلله شبعت وحب راس أمه وراح لغرفته
وشروق: الحمدلله ،،،، وراحت لغرفتها
سهى: الحمدلله،،، وراحت
وهكذا ندى ومها
سعاد ف داخلها: وانتي متى تروحين غرفتج وأرتاح منج بعد/// تقصد أم طلال///

طلال: سعاد وين منال؟
سعاد: راحت بيت أختي عند كوثر بيروحن السوق وبيمرن هنا
طلال: عطيتي بنتج فلوس ؟
سعاد :هيه عطيتها خلها تستانس ويا ربعها
طلال يلس ياكل وياكل
الأم : مخلي بنتك هالصغيره تحاوط فالسوق ويا ربيعتها وخواتك حرمت عليهن الطلعه ويا فيصل؟
طلال: ............. ساااكت
سعاد: كل حبيبي انت ضعفان هالأيام لازم تاكل
وطلال منهمك بالأكل
الأم : الحمدلله و قامت وتردد حسبي الله ونعم الوكيل ع الظالم
سعاد: هيييه انت ماتشوف امك يالسه تدعي علينا
طلال: ماعليج حبيبتي هي ماتقصدج انتي
سعاد: إلا تقصدنا احنا... وقولها مره ثانيه لاتتدخل فبنتي أنا امها فاهم
طلال: انشالله حبيبتي

شروق تكلم نور: متى بتزوريني؟
نور: انشالله هالإسبوع بنتجمع كلنا
شروق: صدق؟
نور: شو شايفتني أكذب يعني
شروق: محشومه فديتج بس والله فرحتيني
نور: الله يفرحج دوووم فديتج
شروق: آمين جميعآ .. بس ماقلتيلي من بيي بالضبط
نور: أنا وبلقيس و جنان وأمل بنت عمج
شروق: الله روووووووووعه
نور: عاد ما أوصيج بذاك العشا الغاوي
شروق: أفا عليكن ولاااااااا يهمج
نور: عندي لج سوالف مخبتنها من آخر مره شايفتنج
شروق: لااه وليش ما تكتبينها ف الدفتر وتطرشينه لي؟!
نور: أولآ الدفتر عند بلقيس ماعندي وثانيآ الشي اللي أبا أقولج اياه ما أبا أقوله لحد
شروق: ما تعرفي ان احنا مانخبي ع بعض شي يعني كتبيه ف الدفتر
نور: أوكي فالج طيب

.... كانت شروق والشله مسويات دفتر خاص يتراسلن عن طريقه ومايخبن شي عن بعض... طبعآ هذي فكرة شروق عشان يظل هالدفتر ذكرى

====و ف اليوم الثاني =====

منال بنت اخو شروق وعقلها سابق سنها:عموه اخذي هالجريده وشوفي الإعلان
شروق: إعلان شو ياحظي؟!
منال:انتي شوفي وخلاص.
شروق: انزين هاتي وقومي عني تراني مافيني بارض حق حد
منال بزعل: هذا يزاي إني يايبتلج الإعلان مشكووووره ويجي منج أكثر
شروق: آسفه منول والله محد حاس فيني ولا تلوميني
منال: ولايهمج لو ماحاسه فيج ماكنت يبتلج الإعلان ويله أنا سايره
شروق: اوكي سي يو
منال: سي يو

كان محطوط إعلان عن معهد بمسقط وتكاليفه مقدور عليها..وبعد إلحاح قررت أم شروق تدرس بنتها وترتاح من صدعتها بس طبعآ بعد موافقة طلال

شروق بنت ف التاسعة عشر من عمرها
تعيش مع أمها الطيبه وأخواتها (سهى ١٦سنه)بأول ثانوي و( مها ١٤))بثاني إعدادي و (طلال ٣٢ سنه ) موظف بشركه كبيره ومتزوج سعاد وعنده (منال ١١ سنه)بصف خامس و(أحمد ٣ سنوات) ونكمل أخوان شروق (فيصل ٢٥) يدرس بالكليه
** أما أبيها فهو منفصل عن أمها ومتزوج من امرأه أخرى ولديه ٣ أولاد و ابنتان وكانت زوجة أبيها تمنعه من زيارة أولاده و الإنفاق عليهم و الأب طبعآ لا يهمه أمرهم أبدآ بل بالعكس رحب ب كلام زوجته
**/__\**
قررت شروق إنها تواجه أخوها وتفاتحه بموضوع دراستها،، عل وعسى يحس فيها و يقول ف نفسه البنت سوتلي قدر وشاورتني فيوافق بسرعه انشالله،،،،

شروق تحمل الجريده بإيدها وتروح حق أخوها طلال اللي يالس ف الميلس

تسمعه يرمس ف االتلفون وباين معصب
طلال:وانت ليش توافق إنك توقع ع الإتفاقيه؟!
.......: .....................
طلال:ومن سمحلك؟! كان المفروض إنك تشاورني وإلا أنا طرطور عندك !!
.......: ..................
طلال:اسمعني ، لو ماحليت الإشكال ترا راح أدفعك غرامه عن كل فلس و مصيرك راح يكون السجن تفهم والا لا
،،ويغلق المكالمه ويسب ويلعن الريال اللي كان يكلمه
،،شروق كانت ترتجف لإنها عارفه إذا طلال عصب يمكن تروح بستين داهيه
فقررت تنسحب شوي شوي بدون لايحس فيها طلال
رجعت شروق للخلف شوي شوي وبكل خفه وفجأه ارتطمت بالتحفه اللي كانت محطوطه بأول المدخل
وينتبه لها طلال......
طلال بعصبيه: تعالي هنا أشوف
شروق وهي ترجف و الجريده بإيدها :انشالله
طلال: من متى وانتي واقفه مثل الصنم هنا؟
شروق: والله ماكان قصدي
ويقاطعها طلال بصراخ
ماكان قصدج شو ؟؟ أنا كم مره قايلج هالميلس ما عاد أشوفج تحوفينه؟؟
شروق وصوتها يتقطع وماقادره تبلع ريقها
والله كنت جايبتلك الجريده
يقاطعها طلال: لما أنا أتكلم إنتي تسكتين فاهمه؟
شروق نزلت راسها للأرض وابتدت تبكي وتشاهق
طلال: يلا أشوف هاتي اللي بإيدج وسيري ياعل عيني ماتشوفج

رمت شروق الجريده وراحت تركض بغرفتها وهي تبكي بحرررررقه
شافتها أمها بس ما قدرت تسوي شي غير إنها تروح لطلال وتفهم منه السالفه

الأم:شوفيك تصارخ وحالتك حاله
طلال: خلوني أربي هالبنت مثلما أبغي ومحد له شغل
الأم: وأنا تشوفني حيطه قدامك مالي قدر ولا حشيمه؟!
طلال: لا يا أمي بس أرجوج البنات لازمهم مراقبه وتربيه فخلوني أربيهم بطريقتي
الأم: طيب علمني شو سوت لجل تصارخ كذا!؟
طلال: أبد بس حضرتها مشتغله جاسوسه علي وأنا قايل لها هالميلس ماتجي صوبه

طبعآ طلال حاط أوراقه المهمه فخزانة الميلس وبلاويه اللي يسويها بالشركه لهذا مايحب احد يدخل الميلس ...وهو يقضي معظم وقته ف الميلس..لإنه منفصل بعيد عن الغرف ،،بعكس غرفته المتداخله مع غرفة اخوانه و مايقدر ياخذ راحته فمكالماته الهاتفيه...
الأم تبكي: حرام عليك اللي تسويه فهالبنات إنت شو من بشر
طلال: أنا أبا مصلحتهن
الأم: مصلحتهن بإنك تكون قاسي وجاف عليهن؟!
مصلحتهن إنك تضربهن وتصارخ عليهن وحتى ابتسامه ما تتبسملهن!؟
أي مصلحه هذي اللي تخلي القريب يصير عدو ع أقرب الناس له؟؟!!
طلال : الظاهر إن أنا ريال البيت واللي ما عايبه قدامه الحيط
الأم : أنا تقولي هالكلام يا طلال
وتطيح الأم ع الكنبه وتبكي قلة حيلتها بها الولد...لاهي قادره تردعه ولا تطرده مالها بد عن عيالها.
ويقرب طلال من الكومدينه اللي عليها الجريده وياخذ الجريده
ويقلب الأوراق بعيون كالجمر.. وإلتفت للإعلان لأن شروق معلمه عليه باللون الأحمر.. طلال بعد انتهائه من قراءة الإعلان: هذي وين تبى تدرس؟!
الأم بدون ما تطالع لطلال: مثل ما انت شايف معهد .
طلال باستهزاء: ويلسة البيت ما قد مقام الإستاذه شروق
الأم: البنت تريد تخدم نفسها وتنفعنا وكلها سنه وتخلص
طلال: خلي بنتج تتعلم الطبخ و الكناس ابركلها؛ ماعندنا بنات يدرسن دام نسبتها ما تأهلها تدش تربيه
الأم: أنا أمها وأدرى بمصلحتها
طلال: وأنا أخوها الكبير ولي سلطه عليها،، قلت لا يعني لا ،،،،،

وفجأه يدخل فيصل كالعاده يصفر ويغني وشال الدنيا شلول...
فيصل : مرحبا مامي ومرحبا خيووو
ويتفاجأ بأمه والدموع شاقه خدودها وطلال عاطي الكل ظهره ومتجه ناحية الدريشه وكاتف أياديه
فيصل: شصاير؟!
الأم من شافت فيصل زاد بكاها وحست إنودها تشكي لفيصل اللي دوم مقابلها ويضحكها ويفرفشها
فيصل:طلال شو صاير؟
طلال شصاير بعد غير نكد بنكد بها البيت
...الأم تبكي
ياخذ فيصل الجريده ويشوف الإعلان ويفهم السالفه
فيصل: وحضرتك يا سي طلال معارض كالعاده صح؟
طلال: أنت ما دخلك واطلع برع الموضوع
فيصل: احلف انت بس..
فيصل يكلم أمه: أمي فديتج خليني بروحي مع طلال وانشالله بييج بعد شوي ومايصير خاطرج الا طيب ويبوسها ع راسها
وتطلع الأم وهي تدعي بالصلح لعيالها و بالهدايه لطلال
فيصل: شوف طلال من غير لف و دوران
اختك بتدرس بالمعهد برضاك أو بدونه
طلال: لا والله!! هو بكيفك يا القاصر
فيصل: لو سمحت لا تقول قاصر لإن عمري ٢٥ وأنا أفهم منك ومن أشكالك
وهي كلمه وحده،، شروق بتدرس وإن سمعت منك كلمه زياده بطلع فضايحك اللي تسويها بالشركه
هنا اصفر ويه طلال وقال بارتباك: أي فضايح تتكلم عنها أنا واثق من نفسي وما انت اللي تهددني
فيصل: أي فضايح ها..فضايح الرشاوي والإحتكارات اللي تسويها ضد شركة عمي
طلال : طلع من المجلس ولا علق بأي شي

... سبحان من خلق وفرق بعض الإخوه رابين وعايشين فبيت واحد لكن تصرفاتهم مختلفه
طلال شخص أغلب أوقاته ساكت شخص قليل الضحك قليل الكلام مع أهله عدا زوجته طبعآ اللي مخليته خاتم بأصابعها
طلال يعتقد ان اخواته ف عهدته ودايمآ يطلع غيضه ف شروق أكبر البنات
شخص عصبي قلبه ع زوجته وشغله وناسي أمه واخواته اللي محتاجين حنانه خاصه بها السن الحرج..

@@@@الفصل الثاني@@@@

ودعت امها وأبوها واخوانها وراحت للعاصمه حيث مقر المعهد
في السياره 'شروق تكلم نور
شروق:نور تظنين راح أرتاح بعدما تركت البيت ورحت للمعهد؟
نور:انشاء الله بترتاحين بس انتي لا تفكرين وايد
شروق : نور تظنين أخوي بيتركني فحالي الحين والا بيرجع يعاملني نفس أول؟!
نور: تعوذي من ابليس حبيبتي اخوج خلاص بيفهم انج كبرتي وماراح يتدخل فيج
شروق: أتمنى يانور ،، والله تعبت ألاقيها منه والا من أبونا اللي تركنا ولا سائل عنا
نور تلطف الجو:طول ع صوت الأغنيه شوي" شروقي هذي إهداء مني لج((وتغمز لها بنص عين)) ^__~

¤.¤.¤عيونك آخر آمالي وليلي أطول من اليم""
كيف ألقى كلام عنك يوصف دافي احساسي"
عشقتك قبل ما اشوفك وشفتك صرت كلي حلم""
ابي رمشك يغطيني وابيك اقرب من أنفاسي "
أبيك تعرفي انك قتلتي في سنيني الهم ""
قتلني ضحكك وجدك قتلني بيرك القاسي"
رميت أقداري فدربك وصرتي في عروقي الدم""
أحبك كثر ما سالت دموعي وما نسا ناسي "
شروق:فديتج الله لا يحرمني منج

وبعد عناء الطريق والسوالف مع بنت خالها اللي كانت تدرس بجامعة السلطان نزلت أغراضها من السياره وسلمت ع نور اللي ما تخبي عنها شي بس بسبب ظروف دراستها في الآونه الأخيره ما كانت تشوفها وايد.
دخلت السكن
شروق: السسلام عليكم
البنات : و عليكم السلام ورحمة الله أهلآ شروق تفضلي
شروق تكلم نفسها هذيلا كيف عرفن اسمي؟؟!!!
المشرفه منى: انتي شروق إذا أنا ما غلطانه صح؟
هيه: هيه أنا شروق وكانت مستحيه مررررره ^__~
المشرفه منى: ايش أخبارك ياشروق؟
شروق:الحمدلله طيبه طاب حالج
المشرفه منى تنادي عبير: عبير ياعبير
عبير: نعم أستاذه
المشرفه: روحي طلعي شروق للغرفه رقم ٦ وعرفيها ع البنات
عبير: انشاءالله استاذه

**وأول مادخلت الغرفه حطت الجنطه ع السريركانت الغرفه وااسعه وفيها ٤ درايش و ٤ أسره وكل سرير فيه بنت إلا واحد كان يبين ماعليه حد
السرير الأول لعبير ويقابله سرير هدى
والسرير الثالث كان فاضي وأما السرير الرابع فهو مخصص لشروق.
كانن نص بنات السكن مجتمعات بالغرفه ينتظرن شرووق لأن عندهن خبر إنها بتجي

عبير:بنات يلا قيام و الآنسه تفضلي غرفتج
البنات :هلا هلا بشروق تو ما نورت الدار
شروق تسأل نفسها:غريبه البنات كيف يعرفن إسمي
:::_وابتدن كل وحده تسلم ع شروق
وهي مستحيه مووووووت وتحس جسمها يرجف وشعور غامض وماتدري ليش هالضعف صابها
ليلى:شروق حبيبتي تفضلي يلسي لا تظلي واقفه
شروق:مشكوره اختي
نعيمه وكانت شايله ولدها تركي ع خصرها:ياربي كيف مستحيه وجها صار تقول طمااااطه
شروق زاد الحيا فيها وتحس ببروده بأطرافها وتحاول تمسك نفسها لاترتجف وتتفشل
إيمان:هي بنات شفيكن تطالعن البنت كذا كنكن بقر شايفات حريجه
الكل:هههههههههههههههه هههههههههههه
ليلى:شروق اعتبرينا احنا اخواتج و البيت بيتج اخذي راحتج ولاتستحي
شروق:انشالله اختي
ليلى توجه نظرها للبنات:يلا بنات لوسمحتن طلعن برا الغرفه خلن البنت تاخذ راحتها وترتاح من تعب الطريج

وطلعن البنات
خلعت عبايتها وعلقتها وابتدت تطلع الأغراض وترتبهم ف الخزانه وهذا طبعآ لإنها تريد تشغل نفسها
عبير: شروق هذي غرفتنا
وابتدت تعرفها ع بنات هالغرفه وكان سرير واحد فاضي
شروق: إلا بسألج هالسرير لمن؟
عبير:أي صحيح نسيت أخبرج..هذا لزميلتنا أمل مسكينه مريضه ف اضطرت ترتاح اسبوع عند أهلها
شروق:آها الله يشفيها
عبير:آمين
هدى:كانت مستلقيه ع سريرها شروق أحطلج عشا ؟
شروق:لا أبدآ مشكوره/ وشروق أصلآ ميته يوع
هدى مبتسمه:أوكي براحتج
ودخلت شروق الحمام وبإيدها سائل غسول الوجه
وأول ما قفلت الباب انفجرت من البكي
ياربي رغم ان البنات حبوبات إلى إني ما ارتحت ياربي ليش ياني هالشعور معقول بقدر أتأقلم مع البنات؟!
وين اخواني و أمي والله الحين زاد قدركم فداخلي وعرفت إن مالي غنى عنكم
استعاذت شروق فداخلها
وغسلت وجهها بمااي بارد لعله يبرد ع قلبها
ولما طلعت
هدى: شروق تعالي بوديج هذيك الغرفه بدل لا تيلسين بروحج
وطبعآ شروق راحت
..وأول ما دخلت
إيمان: هلا شروق اشحالج عساج بخير
شروق: الحمدلله تمام بس بسألج كيف عرفتوا اسمي من أول مادشيت عليكم؟!!!
إيمان: لأن من اسبوع ننتظر طلتج البهيه ~__^
المشرفه منى: ها شروق كيف نفسيتك عسى ارتحتي للبنات والسكن
شروق: الحمدلله
المشرفه منى: الله يعينج عليهن تراهن طفففررره
شروق: لا لا تطمني ترا أنا ألعن عنهن
المشرفه منى: الله المستعان
الكل:ههههااههااهااااااا
وبعد حوالي نص ساعه حست عصافير بطنها توصوص من الجوووع
ياربي شسوي يوعانه واستحي أطلب أكل

عبير:من راح يساعدني وياكل معااي؟
هدى: بالعافيه علييج اكلي بروحج
عبير :شروق اشرايج تاكلين معاي؟
شروق : لا شكرآ حبيبتي عليج بالعافيه
،،،، ،،،،
ماأدري ليش حسيت بغربه وأنا وسط البنات حسيت كأني طفله صغيره وانزعوها من أحضان أمها
المهم نمت وأنا ميييته يووووع

ا^^^^الساعه الخامسه فجرآ^^^^
عبير: شروق شروق يلا قومي صلي الفجر
شروق: هاا انشالله
وبعد ماتخلصين انزلي تحت وهاتي مصحفج وراج
شروق:ليش ؟؟؟
لجل تحضرين معانا حلقة
شروق :أي حلقه؟؟!!!
عبير:هيه نسيت أخبرج ان احنا كل يوم الصباح وبعد الظهر انسوي حلقه ويتجمعون بنات السكن كلهم ونتلو آيات القرآن ونتدبر أحكام التجويد
شروق:آهاااا طيب انشاءالله
ولما نزلت الحلقه تفاجأت شروق بوجود بنات غريبات ماشافتهم قبل كذا وطبعآ انصعقت واستحت مووووت لإنها البارحه واصله السكن وكانن هذيلا البنات نايمات فما لحقت تشوفهم
وابتدت قراءة القرآن وصوت التلاوه يعلى طبعآ كانوا البنات مسوين دائره شكل الحلقه
و بالترتيب كانت القراءه بينهم
يمكن هالشي كان مفاجئ لشروق بس ارتاحت بعدما سمعت آيات القرآن
********************

كانوا البنات والدراسه بادين قبل شهر رمضان وأما شروق فداومت بعد شهر رمضان فعلشان كذا ما كانت متعوده عليهن

المشرفه بعد انتهاء الحلقه: كل وحده منكن تشوف شغلها اللي تنظف تنظف واللي تطبخ تطبخ والباقين مذاكره يلا أشوف
شروق: تعالي عبير أنا وين أروح الحين؟؟!؟
عبير: هيه صحيح نسيت اخبرج روحي عند المشرفه منى تبغاج شوي
شروق: انشالله عبير

شروق تدق باب غرفة المشرفه وتدخل
المشرفه منى: هلا شروق تفضلي ادخلي
شروق : السلام عليكم
المشرفه منى: و عليكم السلام والرحمه هلا تفضلي اجلسي
طبعآ يا شروق انتي طالبه جديده و ف البدايه راح تشوفين صعوبه ف قوانين السكن بس انشالله راح تتعودين
شروق: انشالله
المشرفه منى:طيب راح تحصلين جدول أعمال وأتمنى تتبعينه
شروق: انشالله استاذه
طبعآ كانت شروق تعبانه ونفسها تنام لكن راحت تشوف الجدول
^^الجدول^^
كان جدول نظامي أو بالأحرى هو جدول أعمال الطالبات ف السكن
كل طالبه وعملها
شروق و مزنه الاحد الفطور والثلاثاء الغدا
و الأثنين والأربعاء ينظفن الفناء الخارجي والداخلي للسكن

شروق والدموع خانقتها:ليش كذا ؟! أنا داشه الخدمه العسكريه والا داشه معهد !؟

انقلت شروق الجدول وراحت للغرفه
ارتمت ع السرير بكل قوتها وخدودها يسيل فيها الدمع ياربي ساعدني حاسه بضيق أنا هاربه من قسوة أخوي وظلمه بس ما أحس براحه ف هالسكن
وتطالع شروق الورقه اللي بإيدها واللي بللتها الدموع
خلني أصير خدامه ف هالسكن بس أرتاح من عذاب البيت وهمه
وبعد ساعه تقريبآ ليلى تدق الباب
شروق: تفضلي
ليلى: شروق نزلي تريقي
شروق:انشاءالله
ليلى:وين زميلاتج اللي ب الغرفه
شروق: ماأعرف بصراحه
ليلى: أوكي أنا راح اشوفهن وأناديهن انشالله
شروق: طيب أنا نازله الحين
ليلى: لا يلا قومي هاتي إيدج بننزل مع بعض
شروق:يلا
شروق تكلم نفسها: يحليلها هالبنت وايد شكلها طيووبه

**************

نزلت شروق مع ليلى لتناول وجبة الفطور
كانن البنات كلهن متجمعات
سلمت شروق وجلست
المشرفه منى:هلا شروق تفضلي ولا تستحين اوكي
شروق تبتسم:لا ما راح استحي
وابتدن البنات سوالف وضحك ويا بعض
حنان: بنات فاااااتكن نص عمركن
سليمه: ها شعندج بعد
وفاء: هذي سوالفها ما تخلص ما شالله عليها أكيد شي مسويه
حنان: بعيييييد الشر خلني أرمس خذتني بشراع وميداف
مزنه تقلد العيايز: أييييييييييهييييه شراع وميداف ذكرتينا بأيام الغوص
الكل: ههههههههههههههههههه
حنان :لا بس أمس رحت السوق مع زوجي
وكنت لابسه غشوه..وكنت شايله ولدي حذيفه بحضني وفجأه ما ألاقي نفسي إلا و طايحه ع الأرض والغبار متناثر فوقي
البنات:ههههههههههههههههههههه
سليمه:طيب وزوجج شو سوى؟ أكيد افتشل قدام الناس ب السوق
حنان:سكتي ما خبرتج
سليمه:شوووو
حنان:زوجي أول ما حس إني بطيح سحب عني حذيفه..وخلاني أنا وسط الغبار
البنات:ههههههههههههههه
حنان:أكيد الأهم الولد الصغير أما إحنا لنا الله

وكملن البنات الأكل والسوالف
شروق كانت تايهه ما عارفه وين تروح أو شو تسوي

المشرفه :شروق أحسج شي تبين لكنج مستحيه؟
شروق:لا أستاذه أبدآ بس ماعارفه شو أسوي
وأساسآ شروق نعسانه بس قانون السكن مايسمحلها تنام
المشرفه:طيب روحي انقلي المحاضرات اللي طافتج من البنات
شروق: أوكي انشالله
وصعدت شروق للغرفه وحصلت البنات مسويات شله وسوالف وضحك
إيمان:مرحبا مليوووووون بشروق
شروق:هلا مرحبا
وراحت شروق تطلع دفتر المحاضرات وعيون البنات تراقب كل تحركاتها
وشروق تتصرف ب إرتباك ..وبعدها نزلت تحت

طبعآ شروق حست إن هالبنات متحفظات وايد.
ضحكهن محدود ويسولفن بس بحدود
.. السكن كان أشبه بالسجن بقوانينه النوم ممنوع إلا بوقت محدد .. الأكل له أوقات إذا فات موعد الأكل خلاص محد يسأل عن حد وطبخ و غسيل صحون ومسح زجاج وكنس الأرض ومسحها والدرج لازم يكون يلمع من فوق لين تحت وكل هذا بإشراف المشرفه طبعآ..
كانت شروق تشوف كل هذا وكاتمه ف نفسها ما عارفه شو تسوي.
نزلت شروق وحاسه بداخلها ضيق وكان ودها ترجع البيت بس شو تسوي ؟شافت بنات متجمعات ف ركن
فجلست جنبهن وكانت مستحيه لأن البنات يطالعنها وساكتات ما يتكلمن
شروق فسرت نظراتهن عدة تفاسير و فالأخير قالت أنا وش دخلي
شروق:سليمه ممكن تعطيني أنقل المحاضرات اللي فاتتني؟
سليمه:ولا يهمج اخذيه
شروق تقلب ف دفتر سليمه :شو آخر محاضره كانت ؟
سليمه:محاضرة ف النحو درس الأفعال الخمسه.
وابتدت شروق تنقل المحاضرات والبنات يسولفون مع بعض
شروق كانت تبى تقضي وقتها وتمت تكتب وتكتب وبعدها...
شروق:خلاص سليمه مشكوره إخذي الدفتر
سليمه : لا شكر على واجب حبيبتي اخذي الدفتر معاج ومن تخلصين جيبيه
شروق: طيب مشكوره..يلا أنا بطلع فوق
البنات: حياااج
البنات حسن إن شروق شي فيها
ناجيه: ألاحظ إن هالبنت ساكته أكيد شي مخبيه فداخلها
سليمه: شو بتخبي بعد لا تقولن عن شروق كذا؟!
هدى : إلا صح كلامها ناجيه شروق حتى ف الغرفه ساكته وتقرا ف المجله كأن احنا ما عايبينها
ناجيه:وحتى هنا يات ونقلت المحاضرات ومطنشه ما تسولف
هدى: شايفه حالها علينا هالمغروره
سليمه بعصبيه: ليش تحكمن ع البنت بها الطريقه وهي المسكينه البارحه بس جايه؟!
ناجيه تطالع هدى ورافعه حاجبها: ع العموم الأيام بتبين كل شي
سليمه هزت راسها بكل أسف

راحت شروق الغرفه وكانت فاضيه هالمره
يلست ع السرير مقابل الدريشه فحست إنها أول مره تيلس مع نفسها
فتحت الدريشه و يلست ع السرير تشوف المنظر برع من بعييد. .والدموع تسيل ع خدودها.
شروق: آه يا دنيا معقول اللي أنا فيه!؟
افتقدت أهلي امي واخواني وتتذكر موقفها مع طلال وتزيد ف البكي.. حتى موبايل ما رضى أخذلي.. آآه كيف بقضي هالسنه وأنا فهالسجن .. ماأقدر أتحمل لازم أترك المعهد خلاص هونت.
وتبكي شروق لين غالبها النعاس ونامت

@@@@@الفصل الثالث@@@@@@@

ف الجامعه عند نور
نور: مريم انتي هبله؟ أقولج الدكتور قال بيعطينا إجزام ونبهنا ندرس زين
مريم : قولي والله؛
نور:والله .. انتي وين كان تفكيرج؟
مريم: الله ياخذه من دكتور ماسمعته أبد
نور: لاتدعين ع الدكتور .. إنتي الدهجه ماتسمعين عدل
مريم: حراااام عيل شسوي الحين ؟
نور تسحبها من ذراعها: تعالي ياحظي بلخصلج شوي أحسن من لاشي
....
ف بيت أم شروق
الأم: فيصل اتصل بالسكن وعطني بكلم شروق حليلها
فيصل: أتصل من الصبح ويعطيني هذا الرقم لم يتم توصيله
الأم: شو يعني ؟ أنا لازم أكلم بنتي والله مايصير كذا
طلال كان يقرا جريده: يعني هي مسافره والا مغادره عشان تكلميها؟!
الأم: ولو أبا أكلمها ،، يمكن محتاجه شي
فيصل: انشالله أمي عندي رقم المدير وبخذ منه رقم السكن
ويتصل فيصل ب المدير وياخذ رقم السكن ويعطيه أمه
الأم تتصل:ألو السلام عليكم
المشرفه: هلا وعليكم السلام
أم شروق: أنا أم شروق بس بغيت شروق الله يخليج
المشرفه:اشحالج ام شروق؟
ام شروق: الحمدلله طيبه طاب حالج
المشرفه: تطمني بنتج الحمدلله بخير ومرتاحه
أم شروق: الحمدلله وأكيد انتو ماتقصرون
المشرفه: أكيد ولاتحاتين بنتج أبدآ
دقايق وبتكلمج
أم شروق:انشالله
المشرفه: ليلى سيري نادي شروق قوليلها تيلفون من اهلج
ليلى: انشالله
وراحت ليلى ودخلت ع شروق اللي نايمه
ليلى شهقت من شافت شروق وحطت ايدها ع صدرها وراحت ركض ع شروق
ليلى: شششرووووووق قومي نشي قومي
شروق: شووو
ليلى : يصرف بليسج ليش فاتحه الدريشه والستاره؟!
شروق: ليش؟!
ليلى: ماتعرفين ان هالشي ممنوع؟!
شروق: لا محد قالي
ليلى: إذا المشرفه شافتج بتكتب ف تقريرج هالشي والتقرير يوصل للمدير وومنها لأهلج
شروق باندهاش: انزين ليش كل هذا؟!
ليلى: بعدج ماشفتي شي بتشوفين العجايب بها السكن
شروق: ......
ليلى: ع العموم نزلي تحت ياينج اتصال
شروق: قولي والله
ليلى: الحمدلله والشكر يلا اشوف نزلي
شروق: دبه ليش ما خبرتيني يالسه ترجرجين ع راسي م الصبح.
وطيران راحت تركض وليلى تصرخ عليها لاتطيحين من ع الدرج بس.
ليلى : مسكينه هالبنت احس شي بداخلها كاتمه او انها ما ارتاحت للسكن.
ليلى تتنهد : ومن ارتاح فهالسكن م الأساس؟!!

شروق : امي ليش ما اتصلتوا عليي البارحه؟!
الأم: صدقيني شروق ماحصلنا الرقم ولولا فيصل دق ع المدير وخذ رقم السكن ما كنا حصلناه
شروق وفيها غصه ما عارفه تتكلم والمشرفه مقابلتها: طيب شخبار اخواني وسهى وندى ومها كيفهن ويا الدراسه؟!
الأم؟ والله كلهم بخير ويسلمون عليج
شروق : الله يسلمهم انشالله
الأم: ماخبرتيني كيف الوضع وياج مرتاحه والا؟
شروق تعاين المشرفه: هيه امي انا مرتاحه وايد ما شالله السكن مريح وماعليه كلام
الأم: الحمدلله يابنتي ،،دوج اخذي سهى تباج

وتسحب سهى التيلفون من امها
سهى: ألو شروق حبيبتي اشحالج اشتقنالج مووت مووت البيت ولا شي بدونج
شروق: انزين حبه حبه كليتيني بقشوري
سهى: والله لج وحشه لاتلوميني
شروق: انا بخير الحمدلله وانتو شخباركم؟
سهى: الحمدلله احنا تمام بس والله البيت بدونج صخه
شروق: شو قصدج يعني أنا كنت ربشه وصدعه ف البيت!؟
سهى: لاااااا أفا عليج أقصد صار البيت بلا طعمه ع قولتهم
شروق: انزين خواتي شخبارهن
سهى: مثل حطة ايدج توم وجيري ف غرفتهن شوي هوشه وشوي ضحك مايتغيرن
شروق: فديتهن والله تولهت عليهن وايد
الأم: هاتي التيلفون يابنيه بسج هذره
سهى مطنشه وتكلم شروق
سهى : ماخبرتج عن طلال البارحه ياي معصب و ويهه تقول طماطه
شروق بخوف: ليش شو صاير؟
سهى: اشدراني عنه يمكن البورصه خسرت خخخخخخخ
شروق : تتطنزين؟!
سهى: صوبنا اللي مايرضون ع اخوانهم
الأم: يابنيه هاتي التيلفون غثيتي اختج
سهى : دقيقه اماه
شروق: انزين كملي سالفة طلال
سهى: وبس هذي سالفته وأنا من شفته ابتسمت بويهه وكان يخزني بعيونه اللي كنهن جمر وشردت غرفتي وانا أضحك وقفلت الباب بالمفتاح
شروق: انتي بعدج ماتيوزين عن حركاتج
ترا بيضربج يوم وحده
سهى: اصلآ طلال طيب بس لما يهدى يكون عسووووول ع الآخر
شروق : هيه صحيح صحيح ،،، عطيني امي انتي بس
سهى: اندووووووج
الأم: اسميكن ماتشبعن سوالف وحتى ف التيلفون تهذرن
شروق: يعني ماتعرفين سوالف بنتج
الأم: انزين انا بخليج الحين،،، ناقصنج شي تبين شي؟
شروق والدمعه تجمعت بعينها: لا لا مشكوره سلمي ع فيصل و ع خواني
الأم: انشالله يله مع السلامه
شروق: بحفظه.
وصكرت شروق السماعه ويات بتطلع قبل ماتشوفها المشرفه
المشرفه: لحظه شروق
شروق منزله راسها وتداري دمعتها
المشرفه: شروق إذا تبين تسولفين مع أهلج اخذيلج موبايل
شروق: ليش؟؟!!!
المشرفه: هالتيلفون ما مسواي عشان الهذره الزايده وانا ما سمعتج قلتي شي مفيد
وإذا بتتكلمين مره ٢ لج عشر دقايق بس
شروق: انشالله
وراحت شروق الغرفه ويلست ع السرير وما قدرت تقاوم دموعها
ليش كذا ؟! حرام أحس نفسي ف سجن كان نفسي أفضفض لسهى ع الأقل ارتاح

يارب ساعدني

حد يدق الباب """"""""
شروق مسحت دموعها وشربت ماي ع السريع

شروق: تفضلي دخلي
ليلى بابتسامتها: ممكن أدخل والا من غير مطرود
شروق: افا عليج تفضلي
ليلى يلست جنب شروق وخذت دفتر المحاضرات وقامت تتطالعه
ليلى: فديتج شروق مالازم تنقلين الدروس اللي فاتتج ترا هي كلها شهر واخذي دفتري ذاكري منه بأي وقت تحتاجينه
شروق: انشالله وتسلميلي
ليلى: الله يسلمج ""
ليلى تتأمل شروق ،،،،شروق احسج مهمومه وشايله الدنيا فوق راسج
شروق تستهبل: من قال؟!
ليلى: أنا أقول وترا المكتوب باين من عنوانه
شروق: لا بالعكس انا وايد مستانسه
ليلى: شوفي شروق ... انتي يمكن ما ارتحتيلي بس أنا بصراحه حسيتج طيوبه وبسرعه تدشين الخاطر
شروق: فديتج تسلميلي وبالعكس ارتحتلج من بد بنات السكن كلهن
ليلى: ما أصدقج
شروق: لييييش ما تصدقين انشالله
ليلى: لأنج ما قلتيلي شو مضايقنج
شروق: صدقيني ماشي بس لإني يديده ف السكن ومحتاجه وقت اتعود
ليلى:شروق..أنا عارفه انج استغربتي من وضعنا هنا بالسكن بس تحملي مثلما احنا متحملين
شروق: والله انتي,محظوظه ع الأقل تقدرين تروحين عند أهلج بأي وقت مكانكم قريب شوي م السكن
ليلى: ما أباج تحسين إنج غريبه.. ترا احنا اخواتج
شروق: انشالله

ف الجامعه عند نووووور
مريم: شخبار شروق ما كلمتيها؟
نور: لامسكينه من آخر مره شايفتنها ماكلمتها
مريم: يلا باكر بتتلاقن فالسياره انتن ورايحات البلاد
نور: انشالله،، خلينا نسير ناكل ترا بطني يوص وص فشلني
مريم: ههههههه حتى بالمحاضره ضحكنا عليج ويا بطنج
نور: والله فشيله مابغى يوص وص الا لما استوى هدوء ف الكلاس
نور ومريم:هههههههههههههههه
وراحن الكفتيريا طلبن اكل ويلسن
يات شلة بنات صوبهن
اسماء: هاي نور ومريم
نور: هايين
مريم:وعليكم السلام ورحمة الله وبركاته
منى:يعيش المطوع
وضحكن البنات الا نورهههههههههههههه
مريم: تفضلن يلسن
اسماء:لابنسير عندنا محاضره وشاردين عنها
بنحوط شوي بالممرات وبنرجع الكلاس
مريم: انتن ماتيوزن عن حركاتكن؟
اسماء: نوووووو
مريم: الله المستعان
اسماء: دكتورنا مليييييغ وشرحه يلوووووع
منى: كريه ما نحبه
مريم: ماشرط تحبنه بس هذا مامن صالحكن تحاوطن
اسماء: يلا قومن ويانا نمشي
مريم: نور يلا انروح احنا فاضيين ماعندنا محاضره؟
نور: لا انتظر بنت اباها شوي
منى: خلصي اسماء يلا نروح نعدل ميكبنا قبل لانمشي
اسماء: يلا
وراحن،،،،
مريم: نور من تتريين ؟
نور: ما اتريا حد
مريم: عيل؟
نور: انتي تتفلسفين؟ يعني تعرفيني اني ماأطيق هالشله
مريم: بالعكس حبوبات مووووت
نور: هيهه صح باين
مريم: انزين يلا انروح نيلس خاري
نور: يلا توكلنا

فبيت ام شرووق،،،،
فيصل:امي بسير عند جسوم حاجه أماره؟
الأم: لافديتك مشكور
فيصل: عيل اترخص انا
الأم: سلم عأم جاسم واايد وقولها تيي عندي ترا مشتاقتنها وايد
فيصل بفرح: انشالله فالج طيب

وراح فيصل يفكر بنور ويقول بخاطره
يالله ياجسوم لو تيوزني اختك
وراح فيصل
ام طلال: ياالله احس جسمي تعبان وماقادره اتحرك بنادي البنات
ياسهى سهى يامها وينكن
ومحد يرد عليها البنات راقدات والبيت هادي
ام طلال:بروح اسويلي شوية شاي اخضر وبعدها بخذ الحبوب

نسيت اقولكم ان ام طلال مريضه عندها القلب ولازم تاخذ حبوب باانتظام
وراحت المطبخ
ام طلال: لكشمي ..لكشمي يالكشمي وينج
آه حاسه بهبوط ودوخه
وجهزت ام طلال الشاهي بتعب ولما يات تصبه فالدله أغمى عليها واحترقت رجلها(قدمها)

الخدامه يات وشاله المكنسه بتحطيها فالمخزن وشافت ام طلال طايحه
لكشمي تصرخ: ماما ..ماما قوم ماما هرام قوم
وبها الوقت يات سعاد الصاله وحتى ماغاسله ويهها الحرمه
لكشمي تبكي: ماما سآد تآلي
سعاد: خير انتي بعد يلا قومي من ويهي
لكشمي: لا ماما بليز تآلي ماما موت ماما موت
سعاد: انتي شفيج تتحرطمين يله سيري سويلي ريوق
وراحت لكشمي غرفة البنات
لكشمي: سهى ..ندى.. مها ماما موت ماما موت
وشهقن البنات وراحن ركض ورى لكشمي اللي خطفت تركض
وتداورن بأمهن وصراخهن يرتفع
وسعاد سمعت صراخهن فاتصلت بطلال
طلال: الو
سعاد: هلا طلال شحالك
طلال:بخير بغيتي شي
سعاد: لا بس امك طايحه بالمطبخ تعال ودها الدختر
طلال: لاحووووول ولاقوه انا الحين بدش اجتماع طارئ خلي السايق يوصلها
سعاد: السايق طرشته يجيب فطاير حق منال تبى تتريق
وبها الوقت يات سهى وخذت السماعه عن سعاد
سهى: طلال تعال امي طاحت واحترقت ارجوك بسرعه الله يخليك
طلال: انتو ثيران ماتفهمون اقولكم عندي اجتماع اتصلي بالسايق والا شوفي ها الفيصل وخليه.......وتقطع سهى الخط عنه وتدق ع فيصل
ويا فيصل طيرررررررااااااااان وخذ امه المستشفى ومها تصيح وتدعي الله يشفي امها
وسهى : سايره راده قدام الباب وتدعي ربها وتتحسب ع طلال من صوب
فيصل: يبكي ويدعي ان امه تشفى

وفجأه انفتح الباب
تراكضوا على الدكتور
طمنا دكتور دخيلك شحال امي الحين
الدكتور وشكله معصب: انتو الزاي تسيبوها من غير دوى ؟وم جبتوهاش بدري ليه؟!
وتتحسب سهى ع طلال
فيصل: غصب عنا يادكتور مابيدنا
سهى: الله ياخذها داقتنها سالفه معه وآخرتها اجتماع اجتمعن عليه العفاريت قولوا آمين
فيصل: سهى ممكن تسكتين
انزين دكتور طمنا عن أمنا
الدكتور: الحمدلله المرادي عدت على خير
والحرء كمان مش عميق بس حتفضل تحت مراقبتنا علشان ننتبه لأي مضاعفات لاقدر الله
,,,,,ومشا عنهم,,,,,
فيصل: انزين دكتور ممكن انشوفها
الدكتور: ميصحش تدخلوا عليها خلال ١٢ ساعه دي لإنها تحت تأسير البنج ولازم ترتاح
,,,وراح الدكتور,,,,,
فيصل: يلا بنات انروح وانشالله بنييها مره ٢
ندى تصيح: لاأنا بتم عند امي
مها: وأنا بعد
سهى: لا فديتكن مايستوي احنا بنسير البيت وبنرجعلها انشالله
وراحوا البيت ،،،، وف السياره اتصلت منال بفيصل
منال: ألو
فيصل: هلا منال هلا
منال تصيح: اشفيهاامي تقول لكشمي انها ماتت
فيصل: فال الله ولا فالها هالعنز يعني انتي ماتعرفين حركاتها
سهى تقاطعهم : كله من لكشمي ياويلها مني ,,مادري وين نافده وخلت أمي تسوي عنها الشاهي
فيصل: قدر الله وما شاء فعل,,,لاتعقين لومج عهالفقيره
سهى: ماعليها
منال: مايخصني قولي شفيها امي
فيصل: ماشي بس تعبت شوي والحين هي ف الدختر وما عليها الا الخير
منال: ابا اشوفها
فيصل: مايصير فديتج مايدخلونا
بنييها وقت ثاني
منال: بس لكشمي تقول انها محترقه وماتتحرك
فيصل: منال الله يهديج يعني انتي ماتعرفين لكشمي وحركاتها
منال: انزين عيل اترياكم
جاسم يتصل بفيصل
فيصل:انزين صكري عندي خط ٢
منال:طيب
*****
جاسم:مررررحبااا مليووون ولا يسدن
فيصل:هلا هلا فيصل
جاسم:اشحالك يالطيب
فيصل:طيب طاب طاب حالك وانت
جاسم:الحمدلله تمام,,,,يلاتعال الكفتيريا الشباب يتريونك
فيصل:لا جسوم اعذرني ماأقدر أيي
جاسم:أففااا عسى ماشر
فيصل:الشر مااييك بس امي تعبت علينا ووديناها الدختر
جاسم:لا تقووول سلامتها انشالله ماعليها شر
فيصل:شر يتعداك يارب
جاسم:ومتى صار هالشي
فيصل:اليوم والحين رادين م المستشفى وخلوها تحت الملاحظه
جاسم:حليلها خالتي الله يشفيها خلاص انا بروح لأمي وبخبرها
فيصل:تسوي خير
جاسم:يلا نلتقي
فيصل:نلتقي
ولما وصلوا البيت
أول ما دخلت سهى راحت للكشمي
سهى: كله منج ,,كله منج
لكشمي : ليس أنا سو يسوي؟
سهى: خليتي أمي تسوي الشاهي لين احترقت
لكشمي تصيح: ماما مايقول مشان انا سوي ساي بروهه يسوي
وبهالوقت طلال دش م الباب
طلال : تحاسبين لكشمي يالرديه
سهى: ما أحاسبها بس هي دوم تسير تحوط وتخلي امي ف المطبخ
طلال: بدل ماتحاسبين هالفقيره المسكينه حاسبن عماركن قبل ,,الوحده كبر البقره ومتكلات ع الشغاله و عأمي هااا
سهى: وسعاد بعد حرمه وحالها من حالنا ليش ماتقولها هالحكي
طلال: سعاد حرمه عندها مسؤولياتها ,, ويله سيري من ويهي ,, حماره تراددني بعد
وراحت سهى تصيح ,, وخواتها قامن يصيحن وياها


,,,,,,,,،,,,,,,,،ف السكن,,,,,,,,،,,,,,,,,،
شروق يالسه ع الدرج اللي يودي السطح
بعيد عن عيون البنات

بعثرتني غربتي ،، بين أسراب الطيور
تلتف حولي صقور كرونق سحري لامع ،، يخبئ خلفه أشواك فضيه ، ، وحيد أنت ياقلبي
كالقمر وسط السماء ،،
غلقت الدفتر وراحت الغرفه
عبير: بكرا بتنزلين عند أهلج والا بتمين عندنا خميس وجمعه؟
شروق: لا طبعآ بنزل اشتقت أهلي
عبير: ع راحتج
هدى: يمكن احنا ما عاجبينها لهذا ماتبى تيلس عندنا
شروق: من قال هالحكي يا هدى،، بالعكس بس هذي فرصتنا نرجع البيت يومين
هدى: ع راحتج
وبندن الليت والكل استعد للنوم
الا شروق تتقلب ماعارفه ليش ما ياها رقاد
شروق: قلبي مامتطمن ما اعرف ليش!! الله يستر بس
والصبح الساعه ٧:٢٠
المشرفه منى: يلا بنات الباص واقف برع
وكل بنت خذت كتبها وركبت الباص
شروق تطالع الشارع من بعيد وزحمة الناس وتفكيرها عند اهلها وكأنها حاسه ان شي صاير
ووصل الباص عند المعهد
ليلى: شروق يبتي دفتري ؟
شروق: هيه يبته عندي
ليلى: زين يبتيه أبا أشوف مسأله كنت كاتبتها فيه
شروق: اخذيه ما أحتاجله الحين
ليلى: تعالي انروح نيلس قبل لا نبدي الدروس
شروق: يلا
ويلسن يسولفن ف ركن فاضي
ليلى: اليوم حماس بنرد بيوتنا
شروق: احلى شي هذا
ليلى: صدقج
شروق: يلا انروح بتبدي محاضرتنا
ليلى: يلا

الأستاذ يشرح وشروق سرحانه وتفكيرها ماعندها
ليلى تدزها بريلها: ايه انتبهي للأستاذ
شروق: اوكي آسفه

وبعد المحاضره
ليلى: شروق انتي اشفيج وين تفكيرج؟
شروق: ما أدري حاسه ان شي صاير ف البيت
ليلى: صدق؟! انزين اخذي تيلفوني وكلميهم
شروق: لا لا مشكوره اليوم بروح البيت انشالله وبعرف كل شي
ليلى: اخذي ياشروق كلميهم مافيها شي
شروق بخجل: لاياليلى مشكوره والله
ليلى: ياشروق لاتزعليني منج واخذي ,,,,,,,,,وبالحيله خذته
ودقت ع تيلفون البيت
سعاد: ألو
شروق: ألو السلام عليكم
سعاد: وعليكم السلام هلا شروق
شروق :هلا ام منال شخبارج
سعاد: الحمدلله بخير
شروق: امي شخبارها واخواني عساهم طيبين
سعاد تحوس بوزها: اخوانج كلهم بخير وامج بخير بس تتدلع شوي
شروق: الحمدلله انهم بخير وامي شفيها؟ شو تتدلع بعد!
سعاد: هي فالمستشفى يقولون محترقه وطايحه
شروق: شو يقولون ما يقولون ؟ خبريني امي اشفيها؟
سعاد:هيه انتي عن الصراخ امج بخير احيدها ومايحتاي كل هذا
شروق: انزين عطيني سهى
سعاد: انزين صبري
,,,,,,,,,وراحت سعاد وتمت عشر دقايق,,,,,,,,
/////الرصيد المتبقي في حسابك غير كاف لإتمام هذه المحادثه////طوط طوط طوط

استحت شروق من ليلى وايد
شروق: ليلى سامحيني خلص الرصيد و أوعدج بكرا ,,,,قاطعتها ليلى
لا ماعليه والله يفداج الرصيد وراعية الرصيد بعد
شروق: تسلميلي حبيبتي
ليلى: انزين طمنيني شخبارهم
شروق ابتدت تبكي: كنت حاسه ان شي صاير
ليلى: شو صاير عسى ماشر
شروق: امي تعبانه ياليلى تعبانه وسعاد ماخبرتني شفيها بالضبط(وتبكي بصووت)
ليلى: ماعليها شر انشالله تعالي غسلي ويهج وانشالله امج بخير
شروق: لا ابا ارجع الحين واشوفها ارجوكم حرام
ليلى: انشالله بتروحين اليوم وبتتطمنين عليها بنفسج
شروق:ليش ماخبروني ليش 'مابسامحهم ابدآ
ليلى:تعالي انتي الحين غسلي ويهج وتوكلي على الله
وراحن عند براد الماي وغسلت شروق ويهها وارتاحت شوي


بعد ما اشوف الردود بنزل الباجي
@@@@@الفصل الرابع@@@@@@