[align=center]للأستماع أضغط في الاسفل [/align]


[rams]http://www.angelfire.com/un/theeeb/kthb.rm[/rams]

[frame="2 80"][poem=font="Simplified Arabic,3,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ابتسم وانسى حروفي والقصايد=ابتسم .. وانسى .. وعلِّمني الغرور
ابتسم واطلب من حروفي قلايد=غرِّق حروفي وسط لجَّ البحور
وش عليك ان صار في بعدي فوايد=دام شوقي جمر .. واشواقك بخور
ودام عينك والكحل رسم و عوايد=كحَّل عيونك وزيد النور .. نور
وكان ودِّك تسمع الراي المحايد=وانت رايٍ ما تعدَّاه القصور
أٍّما تعدل في الهوى والحق زايد=ولا تظلمني اذا كنت مْعَذور
وان سألت الورد يا باهي العوايد=عن جناب العطر ليه انه يثور
السبب انِّك اذا ردِّيت عايد=تستثير بْمَشْيِتِك كل العطور
وان بغيت الصدق .. لَوْ للصدق رايد=انت اصل العطر وانفاس الزهور
كل زهره في حلاها لو تزايد=ما تساوي جملتك بين السطور
وان سألت النور في غز الوقايد=عن بزوغ الشمس يا ضيَّ السحور
يخبرك عن ظلم عتمات الوسايد=كيف يحضن نور وجهك في سرور
لين يصبح من غلا حَرِّك برايد=يا شتا صيفي ويا برد الدهور
وان سألت الدمع لو شفته زهايد=في محيط الجفن والرمش الصبور
ليه عينك تشتكي من دمع سايد؟!=وليه عيني ما شكت ظلمٍ وجور؟!!!
وانت تدري من سبب كذب الوعايد=صار دمعي مزن .. والخدِّين خور
لاَجْل هذا اعفني كثر البعايد=واجبر اشواقي ولا تبطي شهور
وان سألت القلب ليه الشوق قايد=ليه اصبح خارجٍ عن كل طور
تَسْتِميحك عذر اجابتك البلايد=لو جهلت اشواق قلبي فاْنت ثور
لو سطى شوقي رغم كل الشدايد=لا تلوم الشوق يا جسر العبور
وان سألت الشعر يا حبر الجرايد=كيف اترجم دم قلبي والشعور
وكيف اخلي الكذب في شعري فرايد=وكيف اصفي ناتجه دون الكسور
يعلمك حبري بلا شك ومكايد=انك اللي تلهمه حسن المرور
وان نويت تحرك ركون العقايد=لا تِحِّل البيت وتهد القصور
ولا تجاحد يا فهيمٍ بالجحايد=ولا تزور يا خبير بْكل زور
وان بغيت احلى حروفي والقصايد=ابتسم لي .. ثم علمني الغرور
لين تصبح لك حروفي صيد صايد=انت سيدها وسيد كل حور


للشاعر هادي المنصوري [/poem][/frame][/CENTER][/QUOTE]