كلمني وأسمعني صوته
قبل زفته بدقايق
قال حبيبتي بودعك وبعطيك من وقتي دقايق
ودي اسمع صوتك حبيبتي
ودي أنسى كل شي وأبقى مع صوتك حبيبتي


ما قويت انطق ولا أتكلم
ما عرفت بها الظروف وش أقول
كنت دايم اسمعه ضحكتي
كنت دايم أوريه لهفتي
واليوم جاني يعذبني يسمعني صوت الدفوف


قال حبيبتي هذا صوت أم العروس
تنادي علي وتقول يالله تعال عجل
ودي حبيبتي ها اللحظه تطول
وأبقى مع صوتك دهور
وين راح الحكي مني


وين ألقى الحروف
قلت ارحل عني والحق صوت الدفوف
واتركني بوحدتي انسج أبيات الحروف
وأقول يمكن ألاقي مع الوحده صدى لي


قفل وراح وأنا وحدي ويملى مسمعي صوت الدفوف
صوته بعثر أوراقي وخلاني مع همي أطوف
أحتري موكب عريس بين الشوارع والمداين
قلت يمكن تلتقي بهاللحظه العيون


ونتحاكى ما بين كل الخلق بعيون ودموع
للأسف ما كنت ادري ان قلبي بها اللحظة يحتضر
وكان الكفن صوته والدفن موكب عريس
ورحت أمشي شايل قلبي وسط كفي


أدور مقبرة ادفنه فيها وأستريح
شفت كوشته منصوبة على أعلى الدرج
وانحنيت احفر وادفن القلب الجريح
شفت في الحفرة قلبه مدفون


وانكتب في وسط الحشا كلمتين
حبيبتي مستحيل يعيش
في ها لقلب غيرك
مستحيل