أحيانا أحس انه يحبني ويبادلني المشاعر
يسولفني ويحكيلي عن حبه فخواطر
يوصفني فكلامه وآآآآآه يا محلا كلامه
احس بحبه وحس اني ملكت كل وجدانه
بدوني ما يبي الدنيا ويعوف كل من فيها
نعيش فجنة اشعاره فابيات اهو يكتبها
يصورلي شكثر حبني وانه يموت من دوني
يقولي شفتك بحلمي حياتي سيدة كوني
ويهمسلي شفتي الورد؟ انتي اجمل الوانه
اطير من الفرح عالي وضيع فكل ابياته
حبيبي ويا بعد عمري فداك الكون وحياتك
اتوه فعالم اشعارك وشعوري يضيع بعيونك
وكل ما يزعلني يراضيني بخاطره وكلمه
احبك يرددها احس فيها وتاثر بسرعه
وانا ارضى ولاني احبه اغفر كل زلاته
ويضيع احيانا احساسي كان انفصام شخصيه
احيانا اشوفه بعيني ولا يسال ولا يسلم
ولا يمسي علي وهو يطالعني ما يتكلم
ما زعلته وما ضايقته ولا ودي يفارقني
ويمر يوم يومين عن احوالي ما يسالني
احس بحبه ذا كذبه وقلبه من الاصل خاين
يحاول يخليني اصدق ولكن كل شي باين
مشاعر حيل كذابه يقول احبك لك اخبيها
وانا بكيفي اصدقها وطير من الفرح بيها
يقولي دروس في حبه وعلى الحفظ يوصيني
دروس ما اقدر انساها تهز اشواقي وشجوني
ونسى يعلمني كيف انسه وكمل حياتي بليه
وانا كل همي اشوفه دوم بقربي وعيش وياه
تعلمت القوافي منه تعودت اكتبها ورتبها
ورسله قصايد حب في عيونه انضمها
حبيبي بس ابي منك تصدق يوم بحساسك
وانا والله ابيع الكون ذا كلها ولو لحضه اكون وياك