تويت
مدينة مبهمة
وتحاربت ظلمة سواد الليل مع نور الصباح
وثارت بهم أمواج من شاطي المدينة المبهمة
الحزن فيها شي واضح ظاهر بذاك الوشاح
متجسدة حيرة أهلها في زوايا معتمة
بانت ملامح وجهي المجهول مابه انشراح
في زاوية تكتم عليه العاطفة بي مفعمة
ساكن ولكن في فوادي عاصفة" شدة رياح"
تهدم تفاؤل عشت اعوام ن طوال أرممّه
تقتلني الحسرة على كل الفرح اللي استباح
آآ واحسافه يا ليالي السعد صرتي هادمة
بعد الضحك اللي تعالى جو يغزوه المزاح
ارسيت وحدي عايش الماضي معاي آلملمه
دوري اواسي الدمع .. امسح كل لتر ف خدي طاح
أنيّم الذكرى وأصحي بنت فكري النائمة
يمكن ألاقي من يخفف لوعتي من هالجراح
يزرع أمل باكر بجوفي في تراب المرحمة
لكن ضلوعي ترفض تكمل معي دور الكفاح
ترفع برايتها وتستسلم بلا أي تمتمه
كل الأمل اللي زرعته مع هبوب الريح راح
واللي بقى منه جمعته في حنايا مظلمة
وسط الطريق البائس اللي زاد به ضجة صياح
عانقت احزاني ووادعت الجروح المؤلمة
قررت ارحل ياجروحي دام عطر الهم فاح
قررت ارحل واعذريني "مابقت فيني سمة"
سلامتكم
تعليق