بشتٍ مورّث عند عمّه
لا قام يمشي به يطيح

أطول من فعوله وكُمّه
أقول أحسن يستريح !

مدحٍ بغير أهله مذمّه
ياللي تحبوون المديح !

حمود بن وهقة اليحيائي ...

اللي غفى على كتابه تعب ليل
وهد السهر حيله بأحلام باكر

الله يعوض جهده وهدة الحيل
ويوفقه ربي كثر ما يذاكر

ما اعرف كاتب البيتين ... .. بس تتناسب مع الوضع الراهن ..
ربي يسدد خطاءكم ... وفالكم A .. جولوا امين ..

الصمت زين و السكوت سلامة _ _ _ فإذا نطقت فلا تكن مهذارا
و لئن ندمت على سكوتي مرة _ _ _ فلقد ندمت على الكلام مرارا

تــرى مـا جابني إلا أنت .. وشوقي يـا أقرب الخلان

تــرى مـا جابني إلا أنت .. وشوقي يـا أقرب الخلان

الشوق في عيني وياصاحبي لا هنت .. مـدري الشـوق يدفعنـي ولا غيبتـك يـ فـلان

كنت ولا زلت في قلبي وأبد ما خنت .. وعشرتك لا زلت أغليها بلا زيفٍ ولا بُهتان

تبي تعرف شلون نهج التطرف
شف حآلة الأشوآق بينك و بيني

هذا و أنآ معطيك حق التصرف
حطمت لي قلبي و بكّيت عيني

البارحه سافرت نفسي الى نفسي
ولقيت اشياء واجد كنت فاقدها
طفولتي يومني ماكنت
اعرف اقسي
واسماء واجد لنآس الوقت بعدّها
وتمردي واغنياتي وطيشي
وحدسي
واول حبيبه ابيضها واسودها
مدري تذكرني الحين اوني منسي
او تحسب اني بكل اشعاري اقصدها
بس الاكيد انها شافتني بصور عرسي
الشهره احيان تجرحها
وتسعدها
ياليت بكراي ياخذني الى امسي
وياليت الاشياء لا راحت نجددها
انا اعذر الانبساط اليا جفا نفسي
الاشياء تفقد غلاها من تعددها

حــد(ن) تــشوفه دوم رايــق ومسرور
وحد(ن) يضيق ويشرب الهم في كاس

وحد(ن) من الاشعار يكــتب له سطور
وحــد(ن) اذا يرمــس تــوزنه بألــماس

لنســـان بالــطيبه وبــالخير مــذكور
طيبه زهابه ولبـــسه الطيــب لــباس

هــذي الحــياه وأمــرها مـــر لعصور
صحـــيح صعـــبه لــكن نقـول لاباس.

‏فيني { إنتّ } و فيني { خوُف } قد هَـ السّماء عليك ،و فيني { أبيك } لي لـ حَالي و مَا يضرّك آحدّ . .♥

آلبآرحه جآنآ على شآن معروف
بعد مآ إنتهى معروفنا مآ عرفنا !!

لآ مرنآ في آلدرب مآ كنّه يشوف
لكن على مآ قيل : شفنا وعفنا !!

مافيه أطهر من قلوب العصافير
ولا فيه انجس من نوايا العقارب
لولا المرابح ماعرفنا المخاسير
ولولا التباعد ماعرفنا التقارب
ولو الجمالـه تنحسب بالفواتير
ماشفتنـي أفقر رجل بالمضارب
ماكل طير ٍ تعتـزيه الصقاقير
ولاكل شارب تنتخيه الشوارب
وش فايدة ربط السواني على البير
إن صار مابه للضوامي مشارب
إن كنت تنشد عن معزه وتقدير
قدر العمـايم غير قدر الجوارب
كانك كسبت من الحياة التباشير
أنا كسبت من الزمآن التجارب
ياكم هقوه.. باليال المعاسير
ضيعتـها .. مابين لحيه وشارب
ياللي تّدور للمطارق مسامير
كلمة وعمّدها على كل عارب
متن الجبل ماحرّكتـْه الاعاصير
وصدر البحر ماضايقته القوارب
ما نجهل الدنيا ولا نعلم الغيب
مير الزمان اليا تمايل تمايل
تصيب بعض أحيان وأحياناً تخيب
وأنت اعتبرها مثل كبوة أصايل
نمشي على درب الكرم والمواجيب
ولا شكينا من سموم القوايل
لو البشر ما هي تحب الأصاعيب
ما كان عاشت فالجزيره قبايل
الطيب ما يعني تجنابك العيب
الطيب كيف تطول روس الطوايل
يا صاحبي من قبل فتح المكاتيب
إقرى على الدنيا عسيف المثايل
أقسى طعون الضيف طعنة معازيب
لا من غدت بين الردى والتحايل
يا صاحبي والحزن شيخ المحاديب
تحت أمره تقوم وتطيح الحمايل
ترا الكرم يستر كبار العذاريب
وترى البخل يقطع يدين الفضايل
من شفت ناب الذيب في جيفة الذيب
آمنت بإن أهل المروّه قلايل
لا صرت ما تضمن قلوب الأصاحيب
جنب قبل تلفي عليك الفشايل
أحدن إذا مديت له طيبك يغيب
ما تملي عيونه كبار الفعايل
وأحدن يموت إن كان سويت به طيب
يخاف ما يقدر يرد الجمايل

و رجوت عيني ان تكف دموعها
يوم الوداع نشدتها لا تدمعي

اغمضتها كي لا تفيض فأمطرت
ادركت اني لست املك مدمعي

ورأيت حلما انني ودعتهم
فبكيت من ألم الحنين وهم معي ...

لا تنتهى عن خلق وتأتي مثله


عار عليك ان فعلت عظيم





اتمنى يكون صح