تويت
أولا:كل عام والجميع بخير...ويارب هالسنه أحلى من اللي قبلها
وتكون فاتحة خير على كل البشر يارب..حبيت أشارك الجميع فرحتهم
بالسنه الجديده من خلال هذي الخاطره اللتي اعتبرها اهداء خاص
لكل أحبتي سواء في حياتي العامه أو في المنتدى أو في ربوع الجامعه
أتمنى تكون خفيفه على قلوبكم..
يا أصدق يوم في عمري
ويا أروع من سكن قلبي
عساني ما أنحرم منك
وعساك بهالسنه أطيب
..........
حبيبي أعشقك مرات
تعال.....عدها عندي
1...2....وصلت ألفين
وأزيدك سته من عندي
عساك تحبني يا رب
وعساني أعشقك أكثر
.........
عساك بهالسنه يارب
على حبي تصك بابك
وأكون لك أقرب أحبابك
وخذ مني وعد صادق
أصونك حتى في غيابك
.........
عساك تحبني بجنون
وأشاركك الجنون جنون..
وخلي الناس تتفلسف...
وش يعني اذا قالوا:
"صدق الحب يعني العقل"
ولكن في محبتنا
"عقل الحب في جنونه"
...........
عسى حتى عواذلنا
يذوقون العشق يارب
عشان الكل يتركنا
أحب عيونك بكيفي
وتعشقني على كيفك
وهمسه في أذن قلبك:
ولا يهمك كلام الناس
ولا يكدر أبد خاطرك
لأن الحب....كل الحب
حلاته في تفاهمنا..
..........
عساني وياك في ديره..
وأبد ما أنحرم شوفتك
واقول للناس....كل الناس
"مثل ماله أحد غيري..
أبد مالي أحد غيره"
.........
عسى هالعام كله حب..
وكل الناس تحب يااااااارب
بس ياربي قدرني
أكون لقلبه الأقرب
..........
بعيد الشر ياربي
عسانا ما نشوف فراق
ولا لحظة زعل وحده..
ولا تزعل أبد مني..
واذا صار وحصل في يوم..
أخلي الناس في كفه...
وانت بروحك بكفه
...........
ياربي هالسنه أحلى..
عسى ما تبتعد عني..
واعيش العمر...كل العمر
في قربك ومتهني
..........
وفي النهايه..
يا عساك بألف صحه
وكل سنه وانت بخير..
يا عساك دوم الأول
لحظه حبيبي...أقصد حبيبي:
دوم الأول والأخير..
تعليق