غريبة دنيتي


غريبه هالدنيا كيف أعرف معانيها
حد يعاتب النفس وحد يرفع معاليها

وحد يبكي على كل ما فات بالأمس
وحد يفكر في مستقبل الأيام ومافيها

غريبه هالدنيا غريبه وناسها أغرب
غريبه بل الاغرب بأن الناس تشريها

باع يوم الوعد وصارت دنيته مطلب
مطلب نعم مطلب وكل يوم يحليها

يحليها ويعليها بكأس الذهب يشرب
وعلى صوت المطربين يسمع غناويها

غناوي يغنيها وكل يوم مستطرب
صدق من قال لما قال حاميها حراميها

بالأمس كان حاكم واليوم للفقير أقرب
خسر كل شي في لحظة وتم يبكيها

ظلم شعبه ونسى ربه ولم يجد مهرب
لأن الله بالمرصاد وكل الذنوب حاصيها

يوم في هالدنيا تمزح وتضحك وتلعب
ويوم فيها تصادف من غرائب حكاويها

ويوم تشوف كل من حولك تهرب
لأنك فقير وبالصراحة كلمتك تناديها

وبعض الناس طيبها من الطيب أطيب
وبعض الناس دوم تخفي معانيها

غريبة هالدنيا لا صارت هي المطلب
غريبه بل الاغرب بأن الناس تشريها

بقلم: فتى الكولج(ياسر الحوسني)