ماهمني من باعني دون مقياس
عزيت نفسي والاماني بعيدة

أنا كذا طبعي مع كل الاجناس
القلب عزيته وشديت قيده

حوله من الاضلاع حطيت حراس
تحميه من غدر الليالي الشديدة

اللي يذوق الغدر صافي من الكاس
لابد يتعلم و علمه يفيده

ضويت لي في سود الايام نبراس
يهدي حياتي للدروب الرشيدة

محشوم فكري عن تفاكير الادناس
نفسي عن الهفوات دايم زهيده

واللي يحاول يسرق اللول والماس
ماطالته عينه ولا طالت ايده

يبطي ويشهر للبشر ذل الافلاس
لا بدد امواله بيفلس رصيده

ماكل صيد يجيبه الحر قرناس
يموت بالرمضا ولاهو يصيده

واللي يحاول يكسر الراس بالفاس
مثل الذي بيده يكسر حديده ...........
وسلامت الجميع