من يسامح؟


سامحني ياخوي أذا في حقك خطيت = ما في بهدنيا بشر من الخطى معصوم

سامحني ياخوي أذا في دربك سهيت = ربي العالم بنيتي والمسلم يصلي ويصوم

ما هجيت بأن الدروب الي فيها مشيت = تجرح شعوري وناس فيها تسقيني السموم

وماهجيت بأن النفوس ماتسامح أذ خطيت = والبشر ما بينهم من يسامح ومن يلوم

سبحان ربك يسامح أذ فالدنيا طغيت = ويغفر ذنوب كل من تاب للرب الرحوم

سبحان ربك يعطيك أذ فالدنيا وفيت = والوفاء مابيتتا شد الرحيل وصار معدوم

إن سعيت للخير ربك يعين فيما سعيت = وإن سعيت للشر بتعيش دنيتك مشؤوم

ولما شكيت للبشر كم من المذلة لقيت = والشكوى لغير الله مذلة وريح السموم

أرى الدنيا مواقف والرضى بلي لفيت = ودنيتي تمضي وأنا طول العمر مظلوم

الناس تظلم وطول عمري ما شريت = فرحة بشر من أجل أعيش وسط الغيوم

أمشي على كف القدر راضي بلي خذيت = ماهمني ظلم البشر مادام القدر محكوم

كم رأيت من علو النفس كم مرة رأيت = والتواضع من صفات المسلم المحشوم

كم يكيت من حال الأمس كم مرة بكيت = والشر بدنيتي من وين ماتشوم يشوم

بسألك يامن تكبر أيش من الدنيا خذيت = اليوم عايش وبكرة عن دنيتك محروم

هذا حال البشر و أستجب ربي بما دعيت = عسى نبقى في نعيم و نرقى للنجوم

ربي يسامح لاخطيت ويسقيك لاضميت = والسموحة في قصيدي إن جاء بلا مرسوم

واستغفر الله أن خطيت وفي حقكم زليت = كان هذا شعوري وما كنت أنا به ملزوم


بقلم: ياسر الحوسني