**$<< النسيان >>$**

ابي ارحل ابي ابعد مع النسيان ...... ابي اترك همومي اللي اجرحتني دوم
يكفي كم شلت بقلبي الاحـــزان ...... وكم سالت دموعي وانتهت بظيوم
ابي اعيش واحيا بدنيتي انسان ..... يكفي اللي مضى من عمري المحروم
انا قلبي شرب كاس العذاب اللوان ..... وذقت المر لني بالهوى ملزوم
ابي اقتل جميع الذكريات الاان ...... وابي ارحل بدربي وانتسي لهموم
تبي تعرف وش اللي ذابحني كان ....... وخلاني اعيش اللي مضى مسموم
فقدت اجمل غزال بدنيتي لي بان ...... صبرت وقلت هذا بالحياه مقسوم
رماني من شريته بغالي الاثمان ....... وقلت يروح ما ينفع معاه اللوم
واخرها خيانه من قريب الشان ........ قطع درب تمنيته لنا مرسوم
يكفي اللي حييته في وسط احزان ..... يكفي اللي بنيته انتهى مهدوم
غدا قلبي لضحكه مشتهي وظميان .... ابي افرح ولو احسها بي يوم