--------------------------------------------------------------------------------

اتعبني الحــزن قاسي ويتلوابي
............... مـن عـلة داخــلي كــثرة سبايبها

مايدري اني حزين القلب منصابي
............... اشكي مـن احـزان هالدنيا ومصايبها

الحزن والهم فيني واتلف اعصابي
............... والام بالقـلـب حاضــــــرهـا وغايبها

دنيا عجيبه وكـل ايامها اعجابي
................ دنيا تخـون العهد وتخــــون صاحبها

اذا تسكر بـها بـاب انفتح بابي
................ تبدي لنـا احـزانهــا وتظهر عجايبها

حتى الحجر من مصايب همها ذابي
................ مســـكين قلـبي تحملها وعـاش بها

دنيا الحزن سجلت صفحات بكتابي
................ خسـاره تعــــــم ســـاعيها وكاتبها

الحزن يـفرح بشـوفي ويتسلا بي
................ والنفــــــس للحــزن مالكها وغالبها

ياحـزن ماظن بيني وبينك انسابي
................ حتى النسب وش في نفـسي تناسبها

ياحزن وش فيك دايم تحسب احسابي
................ الاحـزان ترســــل على قلـبي كتايبها

ياحـزن وش فيك متجدد ومتصابي
................ وش فيــــــك ماتقدر اللحـيه وشاربها

ياحــزن لــوكان بتعاهد فكذابي
................ كـذاب ماتــــــــقدر القاصــر وشايبها

ياحزن وش فيك عاشقني وانا مابي
................ عشــــقت روحي وعشق الروح عذبها

ياحزن وش فيــك كذاب ونصابي
................ ســـــــلبت ياحزن نفسي من مناصبها

الحزن لاشــافني يفرح وهلابي
................ واســبابه النفــــــس ماقامت بواجبها

مالي يكون الصبر وارضى بالاسبابي
.............. واصــبر وحـــــــقٍ على نفسي اعاتبها

واغير اسـمي حزن وابلغ اصحابي
................ خـــــلاص دنيا الحزن خضنا تجاربها

ياقلب خلك مــع الله رب الاربابي
................ وعلاقـــتك بالكـريم اصحــى تخربها

اتعبني الحــزن قاســي ويتلوابي
............... احـزان في القلــــب والفرقى سبايبها