تويت
هي هكذا الحياة أصبحت ..
فهل للنفس أن تحتمل كل ذلك ؟!!!!
خذ من سنينك لحظة الصدق يا فلان ..
............................... واقتل سنين ( الكِبر ) في كف ماها
ولا تستهين بـ بحرف ينطقه لسان ..
............................... كم من حصاة ٍ عثّرت من وطاها
واحذر تجيك بلحظة الضعف الأحزان ..
............................... ترمي جسدها فيك وتشعل لظاها
واحذر من أنياب الغدر بين الإخوان ..
............................... ما جمّع الله إخوان ساروا وراها
هذا زمان ٍ ما رحم ضعف الإنسان ..
............................... ولا عزّ نفس إنسان إلا ووطاها
كم من رجال ٍ قلّدوا العزّ تيجان ..
............................... ولا يوم نفس العزّ مدّت دعاها
وكم من نذول ٍ قطّعوا إيد الإحسان ..
............................... والمجد فيهم معتلي من عطاها
وكم من ذليل ٍ واطي الراس منهان ..
............................... ما غير ( نفسه ) كيف يشبع هواها
هذا زمان ٍ صار به ضَعف إيمان ..
............................... والنفس صار الظلم يحوي رداها
ناس ٍ تبيع الأصل ما همّها أوطان ..
............................... كنّ الجشع نفس ٍ وفيهم دماها
وناس ٍ لها نفس ٍ على الناس سلطان ..
............................... (( ما همّها طيب العرب من رداها ))
وناس ٍ بكت دنيا على فقد إنسان ..
............................... وسارت على درب الضلالة خطاها
من باع نفسه ما ربح .. دوم خسران ..
............................... وش عاد باللي باع نفس ٍ معاها
ومن ديّن إنسان ٍ مع الوقت بـ يدان ..
............................... والنفس .. لو الله حرمها .. عطاها
ولا أظنّ دنيا لو حَوَتْ كل الأزمان ..
............................... تسوى يا خوي إحساس شخص ٍ بكاها
الظلم ظلم ولو على زفرة دخان ..
............................... احذر خطايا النفس والجم هواها
واعلم ترى فوقك على العرش رحمان ..
............................... يجمع فعال النفس ويعطي جزاها
ولنا لقاء
تعليق