[poem=font="Traditional Arabic,6,white,bold,normal" bkcolor="royalblue" bkimage="backgrounds/26.gif" border="ridge,8,silver" type=0 line=0 align=center use=ex num="0,black"]
يالله ياربي تسامح بـ ديني=تسمح ذنوبي منْك ربي شفاقه

شاعر وأشيل الذنب في عارضيني=كني هويت الذنب وادرس مساقه

العقل ينفر والذنوب تْحَدِيني=مثل الذي للفوز خطط سباقه

شاعر ويتبعني من الغاوينِ = اللي يحبون الشعر وانسياقه

شاعر تبرّت من حروفي يديني=أقول وفْعُوْلي تخالف سياقه

يا رب تقبل انتكاسة جبيني=عبدك أنا والذنب مني حماقه

يكفي من الدنيا عذاب يْشَوِيني=يكفي عذابي من فراق الرفاقه

افضيت همي من خفايا كنيني=غصتني الدمعه شحوحة دفاقه

ماني مقاوم بس ادري بعيني=ما ودها تشهد علي الشفاقه

اتعودت تنظر على عاذليني=الي يحبون الكذب مع نفاقه

الي يحسدوني على حاجتينِ =اني مميز بالذكا والحذاقه

شخصيتي من غير حكي تْحَكِيني=ايون طبعي ماينال انشقاقه

لكِّن قلبي اهتوى من حنيني=رعبوبةٍ تسبي عقول اللباقه

لا هي تثنت كل خطوه تجيني=ما شقت ظبي ٍ فاقها بالرشاقه

وليا تنفس صبحها ما يبين ِ=شمسين تشرق فالفضا من براقه

حتى القمر لو كان بدر ٍ يبين ِ=لاهي تغشت يبتديلي محاقه

ماعاد بلقاني ولو قلت ويني=ايست من حظي وصفعني طراقه

الزين زينه والحلا له دفين ِ=آخر دلع واللبس آخر اناقه

من شفتها دورت شي ٍ يعين ِ=شبّت على قلبي فتل احتراقه

دامه حرقني والسبب شوف عيني =لو كنت عنده لنصهر تحت ساقه

لو شافها الاعجم شريد الخميني=ينطق حروف الشعر آخر طلاقه

مخلوقة ٍ من طين ماهو بطيني=طين ٍ مرصع بالذهب واشتقاقه

ماموت موت قبل اعلان حيني=واشوف حيني كل يوم بلحاقه

اثّر على قلبي حلاها الثمين ٍ=ماهد قلبي لين سبب اعاقه

مع كل نبضه من قليبي تجيني=صارعت به حظي طويل الخناقه

لاني بطايل قلبها في يميني =ولاني بقادر تركها بالرواقه

متبرمجه في دم قلبي وعيني=مثل النفس دونه تجيني اختناقه

انساه؟ اوافق بس شرطي يجيني=ايكون بين النار والما صداقه[/poem][align=center]/
:
تحياتي الحاره
,
.
عــــ الصقرـــــين[/align]